'Amuxi 2:3 - Kakaɨyari Niukieya

³ Ti'aitame wahetsɨa mieme nekanikumaweriyamɨkɨ, meta yunaitɨ memiparewie nepɨwakwini», Yawé mɨpaɨ kanaineni.

'Amuxi 2:3 ပူးပေါင်းရင်းမြစ်များ

Keremiyaxi 48:7

'Awewiyatsie pemɨtiwiyakɨ meta 'apiinitɨarikatsie, 'ekɨtatsiere pekaniwiyariemɨkɨ. 'Akakaɨyari Kemuxi mɨtitewa kananutɨkiemɨkɨ xeime kwieyaritsie, mara'akatemama meyunaitɨ meta memɨwaparewiekai.

'Inɨatsie 24:17

»Nekanixeiyani, peru hikɨ 'akuxi hawaikɨ, nekanixeiyani, peru 'ahurawa hawaikɨ. Kakuwu xuraweya kananatinemɨkɨ, xewitɨ ti'aitame 'Ixaheri hetsie kananukukemɨkɨ. Muhawi mu'uya kanitapɨnamɨkɨ meta Tseti niwemama wamu'ute.

Keremiyaxi 48:25

Muhawi tɨrɨkariyaya kaniukumawere, tɨrɨkariya pɨkahexeiyari —Yawé mɨpaɨ kanaineni—.

Kitsariyaxi 40:23

Mɨkɨ memɨtɨrɨkawi kaniwarexɨrɨwani, meta 'ena kwiepa memɨte'aita tixaɨtɨ pɨkatiwarayeitɨwa.

Nɨawari 2:10

Xeme te'aitamete, xekenayeneniereni, xekeneyuwaɨriyani xemɨte'ɨkitɨariekakɨ, kwiepa xemɨ'itsɨkate.

Kuwi 12:21

Memeu'enieriekai 'aixɨa mekatexeiyariekame puwarayeitɨwa, meta memeuka'u titatsie memɨteyukɨtɨrɨkariya puwakunawairiwa.

Nɨawari 141:6

Kepauka xe'itsɨkate 'aitsie memakaxɨriyani, 'ana mɨpaɨ xepɨtehetimani kename ne yurikɨ nehainekai.

'Amuxi 5:7

Xeme tita mɨtiheitserie ratsiwime xepɨtehayeitɨwa meta 'aixɨa mɨti'ane kwiepa xepehɨpa.

'Amuxi 5:12

Ne nepɨtimate kepaɨmeme xemɨte'apine, pɨmɨireri ke'axaxemɨte'uyuri. Xeme xepɨwananaima heitseriemekɨ yamemɨtekahu, waɨriyarika xepɨtewawawirie meta 'itsɨkate wahɨxie mɨreuyehɨwa xepekahɨpa.

'Amuxi 6:12

¿Kamɨtsɨ kawayutsixi 'aitsie mete'utinanautsa yatɨni 'ayeparitsie tuurutsixi metekwietsana? Peru xeme 'aixɨa mɨti'ane 'uaye mumɨya xepayeitɨa, meta tita mɨtiheitserie 'ikwaxi hatsiwime xepayeitɨa.