2 Tsamuheri 7:7 - Kakaɨyari Niukieya

⁷ Kepaɨmexɨa tukari 'ixaheritsixi wahamatɨa nemuyeikakai, kepauka 'itsɨkate nemɨwarutanɨ'a neteɨterima 'ixaheritsixi memɨwata'ɨwiyakɨ, hatsuaku mɨkɨ xeime nepɨka'utati mɨkanetsi'utawewirikɨ kariuxa kiiyari”.

2 Tsamuheri 7:7 ပူးပေါင်းရင်းမြစ်များ

1 Kemɨtiuyɨ 17:6

Kepauka 'ixaheritsixi wahamatɨa nemuyeikakai, kepauka 'itsɨkate nemɨwarutanɨ'a, neteɨterima memɨwa'ɨwiyanikɨ, ne mɨkɨ nepɨkawarutati kariuxa kiyari newa'aitɨatɨ”.

2 Tsamuheri 5:2

Meripaitɨri kepauka Tsahuri mɨtati'aitɨwametɨkaitsie, 'ekɨ 'ixaheritsixi pepɨwakuwitɨnekai temɨyukwitɨwekaitsie. 'Ekɨ Yawé mɨpaɨ kamatiniutahɨawe: “'Ekɨ neteɨterima 'ixaheritsixi pekaniwayewitɨmɨkɨ meta pekatiniwata'aitɨamɨkɨ”».

Nɨ'ariekate 21:28

mɨpaɨ mete'uhiwatɨ: «'Ixaheritsixi xeketaneuparewi. 'Ikɨ tewi kanihɨkɨtɨni kemɨ'ane yunaime teɨteri naitsarie 'axamɨtiwa'ɨkitɨa, 'inɨari niukiyari hepaɨtsita meta 'ena takiekaritsie. Matsi 'akuxi kɨriyekutsixi 'uwa tukita kaniwaratahatɨwani, 'ikɨ 'ena ka'akupatsiekame kanayeitɨani».

Nɨ'ariekate 20:28

Xekeneyukweriwayurieka xeme, xekeniwakweriwayurieka mɨkɨta muxatsi wakɨmana 'Iyari Mɨtiyupata xehɨritɨariekame mɨxe'ayeitɨa, xemɨwa'ɨwiyanikɨ mɨkɨ yunaime Ti'aitame hetsɨa miemete memɨyutixexeɨriwa, mɨkɨ mɨwarunanai yuxuriyakɨ.

Mateu 2:6

»“Peru 'ekɨ, Wereni, Kureya kwieyaritsie mukuma, kepemɨtinenixeiyarie te'aitamete Kura kwieyaritsie watsata, kanimariwani xekiekari. 'Ahetsɨa pɨyenuiwa ti'aitametɨtɨ, neteɨterima 'ixaheritsixi wa'ɨwiyame kanayeimɨkɨ”».

Mikeyaxi 5:4

Peru xewitɨ kaninemɨkɨ muxatsi wahepaɨ wahɨweme mayani Yawé tɨrɨkariyayakɨ, mɨkɨ kemɨtimariwe 'ipitɨakaku Yawé kakaɨyarieya. 'Aixɨa 'iyari mepu'uwani, mɨkɨ mɨti'aitanikɨ kwie kemɨyewa naimetsie.

'Etsekieri 34:23

Hikɨ 'ana wahɨweme xeime wahetsɨa nepɨhɨani, neti'uximayatsiriwame Rawiri, mɨkɨ pɨwakɨhɨneni, mɨkɨ yuxewitɨ pɨwahɨwemetɨni.

'Etsekieri 34:15

Neri nekaniwatahɨimɨkɨ nemuxatsima, meta nekaniwaruka'uxipitɨwamɨkɨ. Yawé naimekɨmɨyɨwe mɨpaɨ kanaineni.

'Etsekieri 34:2

«Tewi pemunu'aya, 'Ixaheritsie muxatsi wahɨwemete wahetsiemieme ketineutaxata, ketiniwarutaxatɨa, mɨpaɨ ketiniwaraye'eritɨa, Yawé naimekɨmɨyɨwe mɨpaɨ kanaineni: “Xɨa'ui xeme, 'Ixaheritsie muxatsi wahɨwemete, xeme xeikɨa yɨkɨmana xemɨyu'ɨwiya. ¿Kamɨtsɨ tehɨwemete muxatsi mekatewa'ɨwiyani?

Keremiyaxi 23:4

Muxatsi wahɨwemete wahetsiemieme nekaniwaranuka'uitɨamɨkɨ memɨwa'ɨwiyanikɨ, mekamamatɨ mekanakɨnikuni meka'utimariutsiwatɨ, nixewitɨ tɨma heuyewetɨ pɨkahayani —Yawé mɨpaɨ kanaineni—.

Keremiyaxi 3:15

Muxatsi wahɨwemete nepɨwahɨritɨani yamemɨtekahu kemɨnetinake, memɨwa'ɨwiyanikɨ metemaiwawetɨ meta mete'akumaitɨ.

Kitsariyaxi 40:11

Muxatsi wahɨweme yumuxatsima kemɨtiwa'ɨwiya hepaɨ, muxatsi tɨɨrixi kaniwaratɨkɨni, yutawie kaniwarutiyatsani, meta memɨhehekwa niwetɨka wakweriwayurietɨ kaniwaruwitɨximeni.

Hutarieka 'inɨari 23:14

Karikɨ Yawé xekakaɨyari xemakutei kaniuyeikani xe'ɨwiyatɨ meta mɨxeyetuirienikɨ memɨxe'aye'unie. 'Ayumieme xemakutei pakupatsieka, xɨka mana xemakutei Kakaɨyari tiuxeiya mɨkatinake, pɨxeku'eirieni.

1 Pekuru 5:1

'Ayumieme 'ipaɨ 'ukirawetsixi nepɨtiwatuika, neta wahepaɨ nekani'ukiratsitɨni, nekaniuniere Kɨritsitu tiukwineku, neta neheixeiyatɨ nekanayani tita 'umɨramie witsiti'aneme ketemɨtexeitsitɨarieni, 'ayumieme nepaine.

1 Kemɨtiuyɨ 11:2

Meripaitɨri 'ekɨ, kepauka Tsahuri mɨti'aitametɨkaitsie, 'ekɨ pepɨwanɨ'akai 'ixaheritsixi memɨyukwitɨwekaitsie. Metatsiere Yawé Kakaɨyari mɨpaɨ pɨmatiutahɨawixɨ: “'Ekɨ neteɨterima 'ixaheritsixi pekaniwayewitɨmɨkɨ meta pekatiniwata'aitɨamɨkɨ”».

Kitsariyaxi 66:1

Yawé mɨpaɨ kanaineni: «Muyuawi ne'uweni kanihɨkɨtɨni, kwie meta, hetsiena nemɨnewetɨka kanihɨkɨtɨni. Kii xemɨnetsi'utawewirieni pɨkayɨwe. Tixaɨtɨ kiiyari xepɨkanete'uxatɨawawe.