2 Tsamuheri 7:3 - Kakaɨyari Niukieya

³ Natani mɨpaɨ katinita'eiya: —'Aixɨa kani'aneni. 'Ekɨ ti'aitame yaketineuyuri kepemɨti'akuhɨawe, Yawé matsi 'ahamatɨa kaniuyeikani.

2 Tsamuheri 7:3 ပူးပေါင်းရင်းမြစ်များ

1 Kemɨtiuyɨ 22:7

Rawiri Tsarumuni mɨpaɨ katiniutahɨawe: «Neniwe, ne mɨpaɨ nepɨtinekɨhɨawekai tuki nepɨtawewienikekai Yawé nekakaɨyari hetsiemieme.

1 Kemɨtiuyɨ 28:2

Kananukukeni ti'aitame Rawiri mɨpaɨ kaniutayɨni: Ne'iwamarixi xekeneneu'eni. Ne mɨpaɨ nepɨtiku'eriwakai tuki nepɨtawewienikekai, muwa Yawé takakaɨyari tɨratuya kakuniyari mayekanikɨ meta muwa mayeyerɨnikɨ Kakaɨyari. Tinaimeri nepɨtiuxeɨriekai mɨtawewierekɨ,

2 Te'aitamete 4:27

Kepauka hɨritsie paitɨ munua tewi Kakaɨyari hetsɨa mieme manukateitsie, 'ɨkateyatsie kanikawiere. Kihetsi hurawa 'uyaka kaneikuhanakekaitɨni, peru tewi Kakaɨyari hetsɨa mieme mɨpaɨ katinita'imaiya: —Kenehayewani. Waɨkawa puyuhiwerie meta Yawé kanetinanukanamirieka kemɨreyɨ, 'akuxi 'atsipɨkanetitahɨawiwe.

1 Tsamuheri 16:7

Peru Yawé Tsamuheri mɨpaɨ katiniutahɨawe: —Pepɨka'aku'ɨwiyani kememutɨtɨ yatɨni kememɨteyuxexeiya herie miemekɨ, ne matsi mɨkɨ nepɨkanaki'erie. Kememɨteyuxexeiyakɨ xeikɨa teɨteri mekaniyukɨ'ɨwiyani, ne matsi 'iyaritsie pɨta nekaniyɨkɨ'ɨwiyani.

1 Wani 2:27

Xemeri heitserie mɨkɨ kemɨtixe'upitɨa, mɨkɨ heitserie xemexeiya xehetsie tiwiyatɨ kaniyuhayewa, xeimeri xepɨkaheuyehɨwa mɨtixeti'ɨkitɨanikɨ. Mɨkɨ heitserie xemupitɨarie mɨkɨ hetsɨa mieme mɨtixe'ɨkitɨa hepaɨ naime hepaɨtsita, yuri maine, mɨkati'itawa, mɨtixe'uti'ɨkitɨa, mɨpaɨ hetsiena xetewiyatɨ xekeneyuhayewa.

Nɨawari 37:4

Yawé 'anaki'eriya keneyetuiri, mɨkɨ pɨmetiyetuirieni tita pemɨreuyehɨwa 'a'iyarikɨ.

Nɨawari 20:4

'A'iyarikɨ tita pemɨreuyehɨwa kemetiyetuirieni, kepemɨtiku'eriwa kepemɨtiyurimɨkɨ yaketiuyɨni.

1 Tsamuheri 10:7

Kepauka maye'ani 'ikɨ 'inɨari kenemerahɨawe, mɨpaɨ ketineyurieneni kemɨreuyewetse 'ahetsiemieme, Kakaɨyari kamaniparewiekamɨkɨ.

2 Tsamuheri 7:4

Hikɨ mɨkɨ tɨkariyaritsie Yawé niukieya Natani hetsɨa kaninuani mɨpaɨ katinitahɨawe:

1 Tsamuheri 14:7

'Iparewiwame mɨpaɨ katinita'eiya: —'Aixɨa pɨyɨni, naime 'ekɨ yaketineuyuri kepemɨtiku'eriwa, neta nepɨnewaɨriya nemɨmatsiparewienikɨ.

1 Te'aitamete 1:8

'Ikɨta 'Aruniyaxi memɨka'uparewi mepɨhɨkɨtɨkai mawari wewiwame Tsaruki meta Wenahiyaxi Kuyara nu'aya, Natani Kakaɨyari niukameya, Tsimi meta Xeki meta Rawiri kuyaximama memɨkamama.

1 Kemɨtiuyɨ 29:29

Naime Rawiri kemɨtiuyuri, mɨtiutsutɨatsie meta 'imatɨrieka kemɨtiuyuri, kemɨtiuta'aitaxɨ kemɨtitɨrɨkaɨyekai, meta kemɨtiyuri, 'Ixaheri kwieyaritsie kemɨtiuyɨ meta kiekari 'auriena mamanetɨkatsie, naitɨ katinaka'utɨarieni kemɨtiuyɨ xapayaritetsie mɨtaniere Tsamuheri meka'utɨatsie, Kakaɨyari niukameya Natani meka'utɨatsie meta mɨtaniere Kahari meka'utɨatsie.

2 Kemɨtiuyɨ 29:25

'Etsekiyaxi Yawé tukieyata rewitsixi kaniwaru'uitɨani, tepɨa mutitirirɨkakɨ, 'aripakɨ meta kanarite 'etsimɨpepekɨ memɨte'ukayuitɨwanikɨ, yemekɨ Rawiri kemɨtiwaru'aitɨakai, Kakaɨyari niukameya Natani, meta Kahari, tewi mɨtixeiya ti'aitame hetsiemieme. 'Ikɨ Yawé 'aitsikaya mekaniyetuani niukametemama.