2 Tsamuheri 7:23 - Kakaɨyari Niukieya

²³ Hakewatsɨ nuiwari 'ateɨterima 'ixaheritsixi wahepaɨ me'anetɨ mepe'uwa. 'Ikɨ nuiwari xeikɨa pekaniuxɨna 'ena kwiepa, 'ateɨterima pewarayeitɨanike meta wahetsie pemetimatiwakɨ kepemɨtimariwe. Mariwemekɨ pekatiniuyurieni kepauka 'ateɨterima wahɨxie, 'Ekipitu kwieyaritsie kepemɨtatiutawikweitsitɨa, nuiwarite kananitari kepemɨtiwarayeweiyaxɨa meta wakakaɨyarixi.

2 Tsamuheri 7:23 ပူးပေါင်းရင်းမြစ်များ

Hutarieka 'inɨari 10:21

Mɨkɨ 'atemawierika kanihɨkɨtɨni, mɨkɨ kani'akakaɨyaritɨni, mɨkɨri 'ahetsiemieme mariwemekɨ katiniyurienekaitɨni.

Hutarieka 'inɨari 9:26

Yawé nekaniutawawirieni, mɨpaɨ nekatinitahɨawe: “Yawé Kakaɨyari pepɨkawaka'unani mɨkɨ 'a'iwewarima mekanihɨkɨtɨni, pemɨwarutawikweitsitɨa 'ateɨterima mɨiremekɨ pekaniwaranuyexeiya 'Ekipitu pekaniwarayewitɨni, waɨkawa kwaniwemekɨ petiyurienetɨ wahetsiemieme,

Nɨawari 147:20

Mɨpaɨ xeime tawarita nuiwari pɨkayuriwe, 'atsimepɨkatehetimaiwawe mɨkɨ 'aitsikaya hepaɨtsita. Yawé kenɨawarieka.

Nɨawari 111:9

Kakaɨyari yuteɨterima kaniwaruxɨna, hikɨ yutɨratu mɨpaɨ katiniuwewieni yuheyemekɨ mieme. Mɨkɨ mɨpatsie meta mɨtɨrɨkaɨye katinitewaka.

Nehemiyaxi 1:10

»Mɨkɨ mepɨ'ateɨterima te'a'uximayatsiriwamete pemɨwarutixɨnaxɨ peti'atuaka waɨkawa mariweme petiyurienetɨ kepemɨtitɨrɨkaɨye.

Hutarieka 'inɨari 33:29

'Ixaheritsixi, xekeneyutemamawieka yutukarikɨ. ¿Tawari kemɨ'ane 'aku xehepaɨ, mepɨwikweitsitɨarie Yawé hetsie? Mɨkɨ 'ahetsie nunuwame pɨhɨkɨ meta metsiparewiwame, mɨkɨ xe'ixipara pɨhɨkɨ kɨmana xemɨtehayu'iwa. Memɨxekwitɨwe xehɨxie mepɨtitunuma'uni, wawari, hetsiena xema'uwe pakɨne».

Hutarieka 'inɨari 15:15

Kenaye'eri waɨriyarika ti'uximayatame kepemɨratɨa 'Ekipitu, meta Yawé 'akakaɨyari kemɨmatiuxɨnaxɨ. 'Ayumieme hikɨ 'ikɨ 'aitsika nekanixeyetuirieka.

'Etsekieri 20:9

Matsi mɨpaɨ netinehɨaweka, mɨpaɨ nepɨtiuyuri hipatɨ nuiwarite 'ixaheritsixi mana watsata memɨtitekai 'axamemɨkahaitɨkanikɨ, wahetsiemieme. Kepaukatsɨ 'ixaheritsixi nemɨwarayewitɨ 'Ekipitu hipame nuiwarite wahɨxie nekatiniuyurieni.

Nɨawari 40:5

Yawé nekakaɨyari, pɨwaɨkawa mamariwaweme kepemɨtiuyuri. Pɨkayɨwe temiti'inɨata ke'aixɨa pemɨtiuka'iyari tahetsiemieme. Xɨka ne'itaxata, pɨwaɨkawa matsi kenemɨkarayexatawe.

Matsiɨkɨtɨ kemɨratɨa 5:9

Hikɨ kwikari hekwame mekaniutakwika mɨpaɨ me'utiyuatɨ: «'Aixɨa pepɨtiuka'iyari 'ahetsie mɨtinakenikɨ pemenuhurienikɨ xapa pemexɨnaxɨanikɨ tseyuyari, 'ekɨ pemumieriekɨ, 'axuriya mutayeurikɨ Kakaɨyaritsie mieme pepɨwarutinanai teɨteri pewaxɨnake, yunaime nuiwarite wahetsɨa miemete naime niukikɨ memutiniuka, naitsarie kwiepa kiekatari yunaime teɨteriyari wahetsɨa miemete.

Titu 2:14

Mɨkɨ kaniyuyetuani tahetsiemieme, mɨtatsixɨnakɨ 'inɨari temeutitsanaxɨaku, meta mɨtatsi'itienikɨ yuhetsiemieme teɨterimama temanayexeiyarie temakɨnekɨ, tetawaɨriyatɨ 'aixɨa temɨteyuriekakɨ.

'Epetsutari 1:6

Kataniupitɨani 'aixɨa temutiyuanenikɨ hepaɨtsitana, witsikemɨtatimikwa. Mɨpaɨ pɨtatiumi, kemɨ'ane mɨnaki'eriwatsie temɨtewiyakɨ.

Nɨawari 145:6

Mɨpaɨ putikuniuwani 'atɨrɨkariya kemɨtiyɨwe, ne matsi 'a'uximayatsika mɨmariwe nepukuxatani.

Nɨawari 65:5

'Ekɨ, Kakaɨyari 'aku tatsiwikweitsitɨwame, pepɨtatsiku'eiya mariwemekɨ heitseriemekɨ, 'ekɨ pepɨtakwewiya naitsarie kwie manu'axe paitɨ meta haramara manu'axe paitɨ.

1 Kemɨtiuyɨ 17:21

Pumawe 'ateɨterima 'Ixaheri nuiwariyari wahepaɨ me'anetɨ. Mɨkɨ nuiwari xeikɨa mepɨhɨkɨ pemɨwaranayexei 'ena kwiepa, 'ateɨterima pemɨwarayeitɨanikɨ, meta kepemɨtimariwe pemɨ'ahekɨatakɨ wahetsiemieme. Kepauka 'Ekipitu pemɨwarayewitɨ 'ateɨrima, huyeta mamariwaweme pepɨtiuyuri meta hipame nuiwarite pepɨwarayewei meta wakakaɨyarixi.

Kutsuhexi 7:9

Kananeutsixi mepɨtetamarieni kiekari 'ahurawa mumanetɨkatsie mepɨtehetamarieni, hikɨ tahetsɨa mepɨye'axɨani mepɨtatsikwini. Hikɨtari keraniuwani 'ahepaɨtsita.

Memeyekɨ 12:12

»Mɨkɨ tɨkariyaritsie 'Ekipitu kwieyaritsie nekaniye'amɨkɨ, yunaime tɨɨri mexɨakate nekaniwakwimɨkɨ, yaxeikɨata tewaxi meta nekaniwaranutaxɨrimɨkɨ kakaɨyarixi 'Ekipitu miemete, ne Yawé nekanihɨkɨtɨni.

Memeyekɨ 9:16

Peru hikɨ nepɨmatsihayewa 'akuxi para pemɨretimanikɨ kenemɨtiyurieni, para nemukuxaxatsiwanikɨ naitsarie kwiepa.

1 Pekuru 2:9

Xeme pɨta xeime nuiwari xekanihɨkɨtɨni xemanayexeiyarie, Mawari wewiwamete ti'aitamete hetsɨamiemete, nuiwari xemɨpatsie, Kakaɨyari yuteɨterima mɨxe'ayeitɨa, xemɨtehekɨatanikɨ mariwemekɨ kemɨtiyuriene kemɨ'ane mɨxe'uta'ini xemɨtehayewakɨ yɨwipa xe'u'uwatɨ, mɨkɨ hekɨariyayatsie pɨta xemu'uwanikɨ mɨmariwetsie.

Nɨawari 66:3

Kakaɨyari mɨpaɨ xeketeneutahɨawi: «Yemekɨ pɨmamariwawe 'a'uximayatsika. Pɨmariwe 'atɨrɨkariya memɨmetsi'aye'unie 'ahɨxie memamatɨ mepuyuyetua.

Nɨawari 106:22

mariweme katiniuyurieni Kami kwieyaritsie metatsiere Haramara Mɨxeta tetsita.

'Inɨatsie 6:27

»Mɨpaɨ xeputiyuaneni kenemɨtitewa 'ixaheritsixi watsata, yurikɨ ne neheyemekɨ nemɨxe'ɨwiyanikɨ».

Keremiyaxi 32:21

'Ekɨ 'amamá tɨrɨkaɨyeme petatseratɨ, meta 'inɨarite mamariwawemekɨ, meta waɨkawa makaxiwamekɨ, 'Ekipitu kwieyaritsie 'ateɨterima 'ixaheritsixi pepɨwarayewitɨ.

Memeyekɨ 6:7

Ne, xeme nekiekari nepɨxe'ayeitɨani, neta xekakaɨyari. Mɨpaɨ 'ana mepɨtehetimani, kename ne Yawé nexekakaɨyari, nemɨxe'ɨxɨnaxɨ 'ekipitutari kememɨtexe'uximatɨakai.

Memeyekɨ 9:15

Xɨka hikɨ kwitɨwa mɨpaɨ netiuyurieni 'ahetsie, 'ateɨterima wahetsieta kwiniya kwi mayakamekɨ yunaitɨ xekanikwikuni.

Memeyekɨ 33:16

Xɨka tahamatɨa pekaheyani, ¿'ateɨterima meta ne kemetehetimani, kename petatsiparewie? ¿Ketitakɨ tetepatsieka hipame teɨteri kwiepa memɨtama watsata?

2 Tsamuheri 7:24

'Ixaheri kwieyaritsie pekatiniuwiya 'ateɨterima yuheyemekɨ memɨhɨkɨtɨnikɨ meta 'ekɨ Yawé wakakaɨyari pemɨhɨkɨtɨnikɨ.

Nɨawari 44:3

Wa'ixipara pɨkatiuyuri kwie mema'iwaxɨ, yukɨmana mepɨkate'uyuri memɨte'ayu'iwaxɨ: matsi 'atɨrɨkariya pɨtiuyuri, 'amamá 'atserieta mieme pɨtiuyuri, 'anierika xawatɨriyaya pɨtiuyuri, 'ekɨ pemɨwanaki'eriekaikɨ.

Keremiyaxi 32:20

'Ekɨ mariwemekɨ kepemɨtiuyuri meta 'inɨaritekɨ 'Ekipitu kwieyaritsie, hikɨta 'akuxi yapepɨtiyuriene, 'Ixaheri kwieyaritsie meta naitsarie 'ena kwiepa, mɨpaɨ pemɨtiyurienekɨ 'aixɨa pepɨraxaxatsiwa.