2 Tsamuheri 7:22 - Kakaɨyari Niukieya

²² »Pepɨmariwe 'ekɨ, Yawé naimekɨmɨyɨwe. Tame mɨpaɨ tekatenetimani xewitɨ kaniumaweni 'ahepaɨ tɨrɨkaɨyetɨ meta tawarita yuri kakaɨyari pumawe.

2 Tsamuheri 7:22 ပူးပေါင်းရင်းမြစ်များ

Nɨawari 86:10

'Ekɨ pemɨmariwekɨ meta mariwemekɨ pemɨtiyurienekɨ, 'ekɨ xeikɨa pepɨkakaɨyari.

Nɨawari 86:8

Yawé, tawarita xewitɨ pumawe kakaɨyarixi watsata 'ahepaɨ tiuka'iyaritɨ, pumawe wewiyaya pemɨtiutiwewi hepaɨ ti'anenetɨ.

Memeyekɨ 15:11

Yawé, xewitɨ pumawe kakaɨyarixi watsata 'ahepaɨ 'anetɨ. Xewitɨ pumawe 'ahepaɨ timariwetɨ meta 'ahepaɨ tipatsietɨ. 'Ekɨ, mariweme pemɨtiyuriwe, 'ekɨ yemekɨ pepɨtatsihɨxiyatsitɨa 'atɨrɨkariyakɨ.

Mikeyaxi 7:18

Pumawe Kakaɨyari 'ahepaɨ tiuka'iyaritɨ, 'axamɨti'ane mɨtareuyehɨwiriwa meta tixaɨtɨ mɨkarayeitɨwa ke'axamemɨte'uyuri teɨterima memuyuhayewaxɨ. 'Aheyemekɨ pepɨkaha'a, naki'eriya mɨmatsinakekɨ pɨta.

1 Kemɨtiuyɨ 16:25

Yawé matsi kanimariweni, hetsiena pɨtinake witsimɨtikɨhɨawarɨwani, matsi waɨkawa makaxiwatɨ keyuri hipatɨ kakaɨyarixi.

Kitsariyaxi 45:5

Ne Yawé nekanihɨkɨtɨni, tawarita xewitɨ pumawe, tawari xewitɨ Kakaɨyaritɨtɨ pumawe. Tsepa 'ekɨ pemɨkanetsimate, ne nepɨmatsitɨrɨkariyani,

Hutarieka 'inɨari 3:24

“Yawé Kakaɨyari, 'ekɨ pekanitsutɨani ne mati'uximayatsiriwame penetixeitsitɨatɨ kepemɨtimariwe kepemɨtitɨrɨkaɨye, xewitɨ kakaɨyari pumawe muyuawitsie meta kwiepa mɨpaɨ tiyurienetɨ kepemɨtiyuriene meta mariweme kepemɨtiyuriwe.

1 Tsamuheri 2:2

»Nixewitɨ tɨma 'apɨka'uyeika Yawé hepaɨ patsietɨ, nixewitɨ pumawe tahetsie nunuwame takakaɨyari hepaɨ, xewitɨ hepaɨna 'anetɨ pumawe.

Nɨawari 89:8

Xewitɨ 'ahepaɨ 'anetɨ pumawe Yawé Kakaɨyari Naimekɨpemɨtɨrɨkaɨye, tɨrɨkariya pemexeiya meta 'aixɨa pemɨtikamie.

Nɨawari 89:6

¿Kemɨ'ane muyuawitsie Yawé hepaɨ pɨ'ane? ¿Kemɨ'ane muyuawitsie 'uyeikatɨ Yawé hepaɨ pɨ'ane?

Nɨawari 96:4

Kanimariweni Yawé, hetsiena pɨtinakeni witsimɨtikɨhɨawarɨwanikɨ, matsi waɨkawa makaxiwatɨ keyuri hipatɨ kakaɨyarixi.

Hutarieka 'inɨari 4:35

»Mɨpaɨ pɨtiɨyɨ mɨkɨ naitɨ 'ahɨxie 'ekɨ mɨpaɨ pemɨtimaikakɨ kename Yawé Kakaɨyari xeikɨa hɨkɨ, meta kename tawarita xewitɨ ka'uyeika.

Kitsariyaxi 40:18

¿Kemɨ'ane Kakaɨyari hepaɨ 'aneme mepayeitɨani? ¿Kehepaɨ mete'iwewieni?

Nɨawari 48:1

Yawé pɨmariwe, minɨawani yemekɨ 'aixɨa pɨ'ane takakaɨyari kiekarienatsie. Hɨrieya mɨpatsietsie,

Nɨawari 145:3

Yawé kanimariweni, meta kaneuyeweka teminɨawani, kemɨtimariwe pɨkayumainɨa.

Nɨawari 135:5

Ne mɨpaɨ nepɨtimate Yawé, tati'aitɨwame, matsi pumariwe keyuri hipatɨ kakaɨyarixi.

Nɨawari 44:1

Kakaɨyari, tepɨte'u'eni 'ahetsie timieme, tapaapama mepɨtate'utaxatɨa mamariwaweme kepemɨtiuyuri memu'uwakaitsie, 'iya tukaritsie meripaitɨ:

'Etsekieri 36:22

»'Ayumieme, 'ixaheritsixi mɨpaɨ ketiniwaraye'eritɨa Yawé naimekɨmɨyɨwe mɨpaɨ kanaineni: “Ne yanekatiniyurimɨkɨ, peru xehetsiemieme nepɨkatiyurieni matsi nehetsiemieme nepɨtiyurieni nemɨpatsiekɨ, xeme nekapatsiekame xemayeitɨa kemɨ'ane nuiwarite watsata xemu'uwakaitsie.

Kitsariyaxi 45:22

»Nehetsɨa tawarita xekeneu'axɨa, xemɨtawikweitsitɨarienikɨ, yunaitɨ kwie manu'axetsie paitɨ xemu'uwa, karikɨ ne nekanikakaɨyaritɨni, tawarita xewitɨ kaniumaweni.

Kitsariyaxi 45:18

Karikɨ Yawé mɨpaɨ kanaineni, kemɨ'ane muyuawi 'amuyema, Kakaɨyari kwie mutawewi, minetɨa meta 'amiyeye, makumawenikɨ mɨka'itawewi, mitawewi mana mɨkiepatɨnikɨ: «Ne Yawé nekanihɨkɨtɨni, tawarita xewitɨ kaniumaweni.

Kitsariyaxi 40:25

«¿Kamɨtsɨ kemɨ'ane hepaɨ kename ne'ane xepɨtiyuani? ¿Kemɨ'ane nehepaɨ pɨ'ane?», mɨpaɨ kanaineni Mɨpatsie.

2 Kemɨtiuyɨ 2:5

»Tuki nekanitawewimɨkɨ mariwekame, matsi takakaɨyari kanimariweni keyuri kakaɨyarixi.

Hutarieka 'inɨari 32:39

»”Hikɨ xekeneunenieri ne xeikɨa nepɨhɨkɨ Kakaɨyari nemɨyuxewi, xewitɨ tawarita 'apɨka'uyeika kakaɨyaritɨtɨ, ne mɨɨya nepɨrapitɨani meta tukari nepɨrayetuirieni, nepɨrakwinituani meta 'aixɨa nepɨrayurieni xewitɨ pɨkayɨwe mɨnetsitanewienikɨ netɨrɨkariyatsie.

'Etsekieri 36:32

Mɨpaɨta xeketenemaika, 'ikɨ kenemɨtiyurieni xehetsiemieme nepɨkatiyurieni. Yawé mɨpaɨ kanaineni. 'Ixaheri teɨteriyari 'aku, xekeneyutetewiyani xekeneyɨhɨaweni kexemɨyɨakai.

Memeyekɨ 10:2

'Ayumieme nepɨtiuyuri para pemɨtiwataxatɨanikɨ, 'aniwema 'ateukarima 'ekipitutari kenemɨtiwarukwinitɨa, 'inɨari kenemɨtiuwewi wahetsɨa. 'Ana mɨpaɨ mepɨtehetimani kename ne Yawé nehɨkɨ».

Memeyekɨ 8:10

Parahuni mɨpaɨ katinita'eiya: —'Uxa'a kwitɨwa. Muitsexi mɨpaɨ kaniutayɨni: —Mɨpaɨ kaniyɨmɨkɨ, pekatinetimaimɨkɨ xewitɨ kakaɨyari kaniumaweni Yawé takakaɨyari hepaɨ 'anetɨ.

Memeyekɨ 9:14

Hikɨri 'imatɨrieka waɨkawa mariwemekɨ nepɨmatsi'anunɨ'airieni kwiniya 'ahetsiemieme, yaxeikɨata te'a'uximayatsiriwamete wahetsie, para mɨpaɨ pemɨretimanikɨ kename xewitɨ 'umawe 'ena kwiepa nehepaɨ tiyurienetɨ.

1 Te'aitamete 8:23

mɨpaɨ 'utaitɨ: «Yawé, 'ixaheritsixi takakaɨyari, xewitɨta Kakaɨyari 'apɨka'uyeika 'ahepaɨ 'anetɨ taheima muyuawitsie meta 'ena kwiepa, 'ekɨtsɨ 'atɨratu pekanaye'atɨwani meta pekaniwanenimayaka yuheyemekɨ kemɨ'ane memɨmate'uximayatsirie meta yu'iyarikɨ memɨmatsi'uweiya.

Tanieri 2:45

Mɨpaɨ kananuyɨneni kepemɨtiuheinɨ tete xeime hɨritsie meyetɨa, tete nixewitɨ ka'iparewieku, tepɨa tumuanari kemɨrayeitɨa meta wurunitse, haxu, pɨrata metatsiere huru. Kakaɨyari mɨmariwe kametiniutahekɨatɨani kemɨtiyɨni 'uxa'atɨni warie. 'Ikɨ heinɨtsika kaniyuritɨni, meta kenemɨtihekɨataxɨ kaniyuritɨni».

Memeyekɨ 8:6

'Aruni yu'itsɨ kaneutatsera haa 'ekipitu miemetetsie, temutsi mekaniutixuawere naitsarie.

Hutarieka 'inɨari 4:39

»Mɨpaɨ ketinetimati meta yurikɨ Yawé Kakaɨyari kenayeitɨwani taheima muyuawitsie meta 'ena kwiepa, meta kename tawarita xewitɨ ka'uyeika.

2 Tsamuheri 22:32

¿Kamɨtsɨ kemɨ'ane Kakaɨyari pɨhɨkɨ? Yawé xeikɨa kanihɨkɨtɨni. ¿Kemɨ'ane 'ai hepaɨ pɨ'ane? Takakaɨyari xeikɨa mɨpaɨ kani'aneni.