2 Tsamuheri 7:2 - Kakaɨyari Niukieya

² Hikɨ Rawiri Natani Kakaɨyari niukameya mɨpaɨ katiniutahɨawe: —Neɨxei, 'aixɨa pɨka'ane ne paratsiyuta nemayeka kariuxa kɨyeyari kiiyarita, Kakaɨyari tɨratuya kakuniyari, 'ixuriki kiiyarita 'ayekaikaku.

2 Tsamuheri 7:2 ပူးပေါင်းရင်းမြစ်များ

2 Tsamuheri 5:11

Hirami Tiru kwieyaritsie ti'aitame, Rawiri kanenɨ'airieni yuniuki tuayamete, meta kariuxa kɨyeyari kanenɨ'ani, kɨyekɨ memɨte'uximayatawawe meta tetexikɨ te'uximayatamete, ti'aitame paratsiyuya memɨtawewienikɨ.

2 Tsamuheri 12:1

Merikɨte Yawé Natani kanenɨ'ani Rawiri hetsɨa mɨtitaxatɨanikɨ. Kepauka mɨkɨ Kakaɨyari niukameya Rawiri hɨxie munua, mɨpaɨ katinitahɨawe: —Teɨteri yuhutatɨ xeime kiekaritsie mekanititekaitɨni. Xewitɨ waɨkawa pɨrexeiyakai, xewitɨta tixaɨtɨ pɨkarexeiyakai.

Nɨ'ariekate 7:46

Kakaɨyari 'aixɨa katiniuka'iyarikaitɨni hetsiena mieme. Mɨkɨ Kakaɨyari putawawiri tuki mɨtawewienikɨ hake Kakuwu Kakaɨyarieya mayekanikɨ.

Wani 2:17

Teyɨ'ɨkitɨwamete mekaneye'erieni niuki mɨpaɨ mɨre'uxa: «'Akii nemɨkweriekɨ netaɨta nepɨtaxɨtsitɨariexime».

'Akehuxi 1:4

«¿Kamɨtsɨ xeme titayari kii 'aixɨa 'anenemeta xete'ayetetɨka xeikɨa mexi netuki 'unitɨ mana'uwe?»

1 Kemɨtiuyɨ 29:29

Naime Rawiri kemɨtiuyuri, mɨtiutsutɨatsie meta 'imatɨrieka kemɨtiuyuri, kemɨtiuta'aitaxɨ kemɨtitɨrɨkaɨyekai, meta kemɨtiyuri, 'Ixaheri kwieyaritsie kemɨtiuyɨ meta kiekari 'auriena mamanetɨkatsie, naitɨ katinaka'utɨarieni kemɨtiuyɨ xapayaritetsie mɨtaniere Tsamuheri meka'utɨatsie, Kakaɨyari niukameya Natani meka'utɨatsie meta mɨtaniere Kahari meka'utɨatsie.

1 Kemɨtiuyɨ 16:1

Kakaɨyari tɨratuya kakuniyari kani'atɨarieni Rawiri hakewa 'ixuriki kiyari meta'aitakai. Muwa mekaneitateni hikɨ mawari taiyariyari mekaniuwewieni meta memɨyuxewinikɨ mawariyari Kakaɨyari hɨxie.

Nɨawari 132:5

xɨka neka'itaxeiyaweni 'akuxi Yawé hakewa tukieya nemetawewieni Mɨtɨrɨkaɨye Kakuwu meyexeiya».

2 Kemɨtiuyɨ 1:4

Kerutsareme kiekariyaritsie Kakaɨyari tɨratuya kakuniyari kaniukateitɨni, Rawiri mana pi'atɨakai Kiriati-Yeharini paitɨ kepauka meiyetɨtsie,

1 Kemɨtiuyɨ 14:1

Ti'aitame Hirami Tiru kiekame, yunɨ'arima Rawiri kanenɨ'arieni mete'utɨkɨme kariuxa kɨyeyari, meta kii wewiwamete metatsiere kɨyekɨ te'uximayatamete paratsiyuya memɨtawewienikɨ.

2 Tsamuheri 7:17

Hikɨ Natani Kakaɨyari niukameya Rawiri 'ikɨ naime katiniutaxatɨani, kemɨtiutahekɨatɨarie heinɨtsi hepaɨ 'anemekɨ.

2 Tsamuheri 6:17

Yawé kakunieya Rawiri 'ixuriki kiiyari kanitawewiriekaitɨni, muwa kaneitateni. Hikɨ muwata Rawiri mawari taiyariyari kaniyetuirieni meta 'aixɨa memɨteyuxeiyakɨ mawariyari.

Memeyekɨ 40:21

Kakuni tukita kaneutateni, 'ixurikikɨta kaneikunani. Mɨkɨ mɨpaɨ katinikweriwayuriekaitɨni kakuni tɨratuyari, Yawé kemɨtita'aitɨakai.

2 Tsamuheri 11:11

'Uriyaxi mɨpaɨ katinita'eiya: —Kakaɨyari tɨratuya kakuniyari meta yunaitɨ kuyaxi 'ixaheritsixi meta Kura kiekatari 'ixuriki xamaruyaritɨa yeuta mekanekuteni, meta neti'aitɨwame Kuhawi metatsiere 'iparewiwametemama, 'aixɨa pɨka'ane ne nekiita nemɨye'ani witsinemɨtiukwa'ani meta ne'ɨya hamatɨa ne'ukahuputɨ. Yurikɨ Ti'aitame hɨxie ne mɨpaɨ nekanaineni nepɨkayɨwe mɨpaɨ nemɨyɨaneni.

1 Te'aitamete 1:22

Mexi 'akuxi Wetitsawe tikuxatakai ti'aitame hamatɨa, Natani Kakaɨyari niukameya kaninuani.

1 Te'aitamete 8:17

»Merikɨte, nepaapa Rawiri waɨkawa pɨyuwaɨriyakai mitawewienikɨ tuki Yawé hetsiemieme, 'ixaheritsixi takakaɨyari,

1 Kemɨtiuyɨ 22:7

Rawiri Tsarumuni mɨpaɨ katiniutahɨawe: «Neniwe, ne mɨpaɨ nepɨtinekɨhɨawekai tuki nepɨtawewienikekai Yawé nekakaɨyari hetsiemieme.

2 Kemɨtiuyɨ 9:29

Hipatɨta kemɨtiuyɨ Tsarumuni ti'aitakaku, kepauka paitɨtɨ mitsutɨa meta kepauka mɨtiutahayewaxɨ, mɨkɨ katinaka'utɨarieni kemɨtiuyɨ xapayaritsie Natani Kakaɨyari niukameya kemɨraka'utɨa, meta kemɨtiyɨni xapayaritsie 'Ahiyaxi Tsiru kiekame kemɨraka'utɨa, meta kemɨtiunierixɨ xapayaritsie 'Iruhu mɨniere kemɨtiyɨni kemɨraka'utɨa Keruwuhani Nawati nu'aya hepaɨtsita mieme.

2 Kemɨtiuyɨ 29:25

'Etsekiyaxi Yawé tukieyata rewitsixi kaniwaru'uitɨani, tepɨa mutitirirɨkakɨ, 'aripakɨ meta kanarite 'etsimɨpepekɨ memɨte'ukayuitɨwanikɨ, yemekɨ Rawiri kemɨtiwaru'aitɨakai, Kakaɨyari niukameya Natani, meta Kahari, tewi mɨtixeiya ti'aitame hetsiemieme. 'Ikɨ Yawé 'aitsikaya mekaniyetuani niukametemama.

1 Te'aitamete 1:8

'Ikɨta 'Aruniyaxi memɨka'uparewi mepɨhɨkɨtɨkai mawari wewiwame Tsaruki meta Wenahiyaxi Kuyara nu'aya, Natani Kakaɨyari niukameya, Tsimi meta Xeki meta Rawiri kuyaximama memɨkamama.

1 Te'aitamete 4:5

Kuwexinaruritsixi wa'ukiyari: 'Atsariyaxi Natani nu'aya. Tsarumuni 'ɨxatsitɨwame meta mawari wewiwame: Tsawuri pɨhɨkɨtɨkai Natani nu'aya.

Nɨawari 132:2

Kena'eriwani kemɨtiuyuhɨritɨa Yawé hetsɨa, Kakuwu hetsie Mɨtɨrɨkaɨye kemɨtiutahɨawixɨ: