2 Tsamuheri 7:18 - Kakaɨyari Niukieya

¹⁸ Hikɨ Rawiri ti'aitame kaneyani Yawé tɨratuya kakuniyari hɨxie 'utayerɨka mɨpaɨ katinitahɨawe: «Yawé meta Kakaɨyari, ¿kepaikɨ ne nepɨhɨkɨ meta netɨɨriyama, titayari mariweme penerayeitɨwani?

2 Tsamuheri 7:18 ပူးပေါင်းရင်းမြစ်များ

Nɨawari 8:4

mɨpaɨ nepɨtineku'iwawiya: «¿Tewi tita tihɨkɨ, pemiku'eriwanikɨ? ¿Teɨteri tita metehɨkɨ, pemɨwa'eniekakɨ?»

1 Kemɨtiuyɨ 17:16

Hikɨ ti'aitame Rawiri 'ixuriki tukiyarita kaninuani tɨratu kakuniyari muyeka, hikɨ Yawé hɨxie mɨpaɨ kaniutayɨni: «Yawé pemɨkakaɨyari, ne tixaɨtɨ nepɨkatihɨkɨ meta netɨɨriyama, titayari nemariweme penerayeitɨwa.

1 Tsamuheri 18:18

Hikɨ mɨpaɨ katinita'eiya Rawiri: —¿Ne tita netihɨkɨ? ¿'Ixaheritsie ne'iwama kemɨ'ane mepɨhɨme, yatɨni nepaapa 'iwamama, para ti'aitame munieya ne nemayeikanikɨ?

Tsutɨarika 32:10

ne xɨari mati'uximayatsiriwame heitserie nepɨkahexeiya 'aixɨa pemɨnetixeiyanikɨ pemɨnetsiparewiekaku. Kepauka Kurutani hatuxameyaritsie nemanatɨa tixaɨtɨ nepɨkarexeiyakai ne'itsɨ xeikɨa nepakwekai, peru hikɨ hutakɨa mepukutei neteɨterima.

Memeyekɨ 3:11

Peru Muitsexi Kakaɨyari mɨpaɨ katiniutahɨawe: —¿Ne tita netihɨkɨ Parahuni hɨxie nemɨtaniunikɨ meta 'ixaheritsixi nemɨwarayewitɨnikɨ?

1 Tsamuheri 15:17

Hikɨ Tsamuheri mɨpaɨ katinitahɨawe: —Kaniyuritɨni tsepanetɨ 'ekɨ tixaɨtɨ pemɨkati'a'eriekai, 'ekɨ hikɨ 'ixaheritsixi tiwa'aitɨwame pekanihɨkɨtɨni. Yawé katiniuyurieni mɨmatsi'anayexei 'Ixaheri kwieyaritsie ti'aitame pemayanikɨ.

'Epetsutari 3:8

Merikɨ tsepa yunaime Kakaɨyari teɨterimama wahepaɨ nemɨkamariwe, 'aixɨa tiuka'iyarikaku mɨpaɨ nepɨtiumikie, niuki 'aixɨa manuyɨne nemɨwakuxaxatɨwanikɨ hipame nuiwarite mɨpaɨ ne'utaitɨ, Kɨritsitu waɨkawa kemɨrexeiya, katiyu'inɨatsinɨakame.

'Itsɨkate 6:15

Kerehuni mɨpaɨta kaniutayɨni: ―Perutsɨ neti'aitɨwame, ¿'ixaheritsixi kenetiwawikweitsitɨani? Taxiɨyari mɨkatɨrɨkaɨye pɨhɨkɨ Manatsexi hetsiemieme, meta 'iwamarixi ketemɨtapaɨme ne nemɨkaxeiyarie nepɨhɨkɨ.

1 Tsamuheri 9:21

Tsahuri mɨpaɨ katinitahɨawe: —¿Titayari mɨya penetikɨhɨawe? Ne nekanihɨkɨtɨni Wenikamini xiɨyarieyatsie mieme, 'etsi mɨyumate 'Ixaheri nu'aya. Meta Wenikamini xiɨyarieyatsie miemete ne'ukiyarima tixaɨtɨ mepɨkatehɨkɨ.

Kitsariyaxi 37:14

'Etsekiyaxi yutupiritsixi waxapa 'anuhurieka, mɨkɨ kanekaterɨwa. Hikɨta Yawé tukita kaneyani, Yawé hɨxie 'itawenaka,

2 Tsamuheri 7:17

Hikɨ Natani Kakaɨyari niukameya Rawiri 'ikɨ naime katiniutaxatɨani, kemɨtiutahekɨatɨarie heinɨtsi hepaɨ 'anemekɨ.

Tsutɨarika 32:11

Kenenewikweitsitɨaka ne'iwa 'Etsahu netsi'umienikɨ nepeuma 'ukarawetsixi warukwini meta tɨɨri.

Xuti 2:10

Hikɨ Xuti 'utihɨximakeka kwiepa, mɨpaɨ kaniutayɨni: ―Karitsɨ 'aixɨa pepɨnetimate penetsi'uxeiyaka, ne 'ateewa paitɨ nekiekametɨme.

2 Tsamuheri 23:5

»Kakaɨyari yuheyemekɨ nenuiwarima kaneniupitɨani, tɨratu yuheyemekɨ nehamatɨa kaniuwewieni, naime 'aixɨa hauti'aneme, mɨkayɨwe mɨpatsieni. Kakaɨyari yakatiniyuriemɨkɨ nemɨrayu'iwanikɨ, meta yamɨraye'anikɨ naitɨ tita nemɨreuyehɨwa.

1 Kemɨtiuyɨ 29:14

»Peru, ne tixaɨtɨ nepɨkatihɨkɨ meta neteɨterima tixaɨtɨ mepɨkatehɨkɨ, tita meta 'imikieri temateyetuiri tixaɨtɨ pɨkatihɨkɨ. Yurikɨtsɨ 'ekɨ, tinaitɨ 'apiini katinihɨkɨtɨni, tame ketita temateyetuiri, mɨkɨ katinihɨkɨtɨni 'ekɨ pemɨtatiyetuiri.