2 Tsamuheri 7:15 - Kakaɨyari Niukieya

¹⁵ Peru ne'inaki'erietɨ nepɨka'ihayewa, Tsahuri kenemɨtiuhayewaxɨ hepaɨ, 'ekɨ pɨta hetsiena mieme heitserie nemɨmatsipitɨanikɨ.

2 Tsamuheri 7:15 ပူးပေါင်းရင်းမြစ်များ

1 Tsamuheri 15:23

Yemekɨ 'aixɨa pɨka'ane xɨka yakatikamieni, memɨtehetimamateke wahepaɨ pɨ'aneni, meta muyuta'ɨre, kakaɨyarixi mɨwarayexeiyani hepaɨ pɨtiyurieneni. 'Ekɨ Yawé niukieya pemuku'eirikɨ, mɨkɨta pumatsi'uku'eiri pemɨkati'aitametɨnikɨ».

Nɨawari 89:28

Nenaki'eriya hetsiena mieme yaxeikɨa kani'anekamɨkɨ, tɨratu ketemɨtehexeiya mɨkɨmatɨa yaxeikɨa kani'anekamɨkɨ.

1 Tsamuheri 15:28

Merikɨte 'ayumieme Tsamuheri mɨpaɨ katinitahɨawe: —Yawé hikɨ kwitɨwa mɨpaɨ pɨmatiutsaniri 'Ixaheri kwieyari pemɨra'aitatsie, 'aixɨa tiuka'iyarime pɨyetuiri pɨta.

Kitsariyaxi 9:7

Kemɨti'aitanikɨ kanitamɨirimɨkɨ meta kayuwatɨ kemɨtiyupitɨwakɨ, meta mɨkɨ pɨka'uye'atɨyani. Rawiri 'uwenieyatsie 'akaitɨ katinita'aitamɨkɨ meta hakewa mɨre'aitakaitsie, 'amuwenikɨ meta mituikanikɨ heitseriemekɨ meta kemɨreuyewetse hikɨ meta yuheyemekɨ. 'Ikɨ yakatinaye'atɨamɨkɨ Yawé Naimekɨmɨtɨrɨkaɨye 'ɨtetsarikaya.

1 Te'aitamete 11:13

Meta mɨkɨ, tsiere 'a'ukiyari Rawiri nemɨnaki'eriekɨ meta Kerutsareme, naime nepɨka'inawairieni, matsi xeinuiwari nepihayewirieni, hikɨri 'ari nekanenayexeiya».

2 Tsamuheri 7:14

Ne paapaya nepɨhɨkɨtɨni, mɨkɨta neniwe pɨhɨkɨtɨni. 'Ayumieme kepauka 'axamɨtiyurieni, nekaneyemari'itɨamɨkɨ ne'iwaɨyɨkɨ, rapaapa mɨtiuka'iyari hepaɨ.

1 Tsamuheri 16:14

Merikɨtsɨ Yawé 'iyarieya Tsahuri kaniuku'eirieni, mɨkɨ hetsiemieme Yawé kaneiyenɨ'airieni 'iyari 'axamɨ'ane mɨtiuka'eniwanikɨ mi'uximatɨakakɨ.

Kitsariyaxi 37:35

Nekɨmana neminaki'eriekɨ, meta Rawiri neti'uximayatsiriwame nemɨnaki'eriekɨ, 'ikɨ kiekari hetsie nepɨtanuani meta nepitawikweitsitɨani”».

Nɨawari 89:34

Netɨratu 'axanepɨkayurieni, kenemutayɨ nepɨkahetɨmaiya.

2 Tsamuheri 7:16

'Anuiwarima yuheyemekɨ 'aixɨa 'anemekɨ mepu'uwani nehɨxie, 'a'uweni yuheyemekɨ 'apuweni”».

Kitsariyaxi 55:3

Kayuwatɨ xekeneneu'eni, nehetsɨa xekeneu'axɨa, xekeneneu'eni, 'axekaniu'uwakuni. Xehamatɨa tɨratu nepɨwewieni yuheyemekɨ mieme, Rawiri nemɨnaki'eriekɨ.

1 Tsamuheri 19:24

Hikɨ yu'ixɨriki kananutihɨna, kwiepa 'ukaitɨ mawetɨ, tɨkarikɨ tukarikɨ 'iyari kaniwiyakaitɨni Tsamuheri hɨxie. Xatsika mana kanayeneni: «¿Kamɨtsɨta Tsahuri Kakaɨyari niukameya tihɨkɨ?»

Nɨawari 89:33

Tsepa yamemɨkatekakɨ, nepɨkawahayewa newanaki'erietɨ, meta kenemɨtiwarutahɨawixɨ pɨkareuyeweka.

Nɨawari 89:49

Tati'aitɨwame, ¿hakewari 'anaki'eriya meripai mieme, Rawiri kepemɨtiutahɨawixɨ yapetikamietɨ?

1 Tsamuheri 15:26

Tsamuheri mɨpaɨ katinita'eiya: —Ne 'ahamatɨa nepɨkamie, Yawé niukieya 'ekɨ pepɨka'anu'eni, mɨkɨta 'ari pɨkamatsinaki'erie, 'ixaheritsixi wahetsie pemɨti'aitanikɨ.

Nɨawari 89:31

xɨka me'iku'eirieni ne'aitsika meta xɨka mekaheitixeiyaxɨani kenemɨtiu'ai,