2 Tsamuheri 7:13 - Kakaɨyari Niukieya

¹³ Mɨkɨ pɨhɨkɨtɨni kii nehetsiemieme mɨtawewieni muwa 'aixɨa nemɨtimariwanikɨ meta heitserie nepipitɨani yuheyemekɨ mɨti'aitanikɨ.

2 Tsamuheri 7:13 ပူးပေါင်းရင်းမြစ်များ

1 Te'aitamete 8:19

Peru, 'ekɨ pepɨkahɨkɨtɨni pemɨnetsitawewirieni, 'aniwe pɨta 'ahetsie mɨyeyani pɨtiyurieni, mɨkɨ tuki pɨtawewieni nehetsiemieme”.

1 Te'aitamete 5:5

'Ayumieme nepitawewieni tuki Yawé nekakaɨyari hetsiemieme, nepaapa Rawiri mɨpaɨ mɨrahɨawekaikɨ: “'Aniwe kemɨ'ane 'a'utɨma ti'aitame nemayeitɨani, kanitawewimɨkɨ tuki nehetsiemieme”.

Nɨawari 89:4

“'Anuiwari yunaitɨ te'aitamete nepɨwarayeitɨani, meta yanepaine 'a'uweni 'amuwenikɨ yuheyemekɨ”».

1 Te'aitamete 6:12

«Hikɨri tuki pemɨwewienekɨ mɨpaɨ nepɨmarahɨawe, xɨka naime 'inɨari niukiyaritsie yapetikamieni, naime 'aitsika xɨka pehaye'atɨaka, ne nepeye'atɨani kenemutayɨ nepɨmatsiparewieni 'apaapa Rawiri kenemɨtiutahɨawixɨ.

Tsakariyaxi 6:13

Mɨkɨ tawari Yawé tukieya panukuketɨani, ti'aitame hepaɨ pɨtiyukemaritɨani, yu'uwenitsie payerɨni ti'aitatɨ. Meta xewitɨ mawari wewiwame 'uwenieyatsie 'apayerɨni, peru mɨkɨ yuhutatɨ mepɨyuxewini mepɨyunaki'erieka”.

Kitsariyaxi 9:7

Kemɨti'aitanikɨ kanitamɨirimɨkɨ meta kayuwatɨ kemɨtiyupitɨwakɨ, meta mɨkɨ pɨka'uye'atɨyani. Rawiri 'uwenieyatsie 'akaitɨ katinita'aitamɨkɨ meta hakewa mɨre'aitakaitsie, 'amuwenikɨ meta mituikanikɨ heitseriemekɨ meta kemɨreuyewetse hikɨ meta yuheyemekɨ. 'Ikɨ yakatinaye'atɨamɨkɨ Yawé Naimekɨmɨtɨrɨkaɨye 'ɨtetsarikaya.

Nɨawari 89:29

Nuiwarimama memɨteta'aitakɨ 'aixɨa nekaniwayurimɨkɨ meta 'uwenieya yuheyemekɨ, mexi 'akuxi muyuawi 'a'uyemaka.

2 Tsamuheri 7:16

'Anuiwarima yuheyemekɨ 'aixɨa 'anemekɨ mepu'uwani nehɨxie, 'a'uweni yuheyemekɨ 'apuweni”».

1 Pekuru 2:5

xemeta tetexi kemɨtiu'uitɨariwa kii mayanikɨ yaxeikɨa xeme xe'ayenenieretɨ xepɨti'uitɨarieni kii xemakɨnekɨ 'iyaritsie mieme. Mawari wewiwamete xekenakɨni Kakaɨyari hetsiemieme xepatsietɨ, xemixatɨanikɨ mawari 'iyaritsie mieme kemɨtinake Kakaɨyari, Ketsutsi Kɨritsitu xeparewiekaku.

Hepɨrayutsixi 3:3

Peru 'ikɨtsie pɨtiunakixɨ matsi yemekɨ mariwemekɨ mɨxeiyarienikɨ, Muitsexi hepaɨna katixeiyariewekaku, yaxeikɨa kii wewiwame waɨkawa mariwetɨ kemɨtikuxaxatsiwa, wewiyaya hepaɨna katikuxaxatsiwakaku.

Kitsariyaxi 49:8

Mɨpaɨ kanaineni Yawé: «Yemekɨ kepauka yanemɨra'eriwakai 'ana nepɨmetsi'uta'ei, kepauka newikweitsitɨarika maye'a 'ana nepɨmetsi'uparewi. Hikɨri nekameni'ɨwiyakamɨkɨ, meta ne tɨratu nepɨmetsi'ayeitɨa teɨteri wahetsiemieme, tawari 'akwieyari 'aixɨa pemukuyurienikɨ, meta kwie yuxaɨta mukumane 'aniwema pemɨwaxatɨanikɨ,

Nɨawari 89:21

Nemamá yuheyemekɨ pituikani, netɨrɨkariya pitatɨrɨkariya.

1 Kemɨtiuyɨ 28:10

Pepɨkaratɨtɨmaiyani Yawé kemɨmaranayexei tuki pemitawewirienikɨ muyepatsie mayanikɨ hetsiena mieme. 'Ayumieme keneyuwaɨriyani 'ari ketine'uximayaka».

Mateu 16:18

Netsɨ mɨpaɨ nekamatinahɨaweni 'ekɨ Pekuru pekanihɨkɨtɨni, 'ikɨ tetetsie nepɨwatsutɨani memɨyutixexeɨriwani nehetsɨa miemete, meta mɨkɨ mepɨka'a'iwarieni tsepa memukwi'iwaxɨ.

2 Tsamuheri 7:27

»Yawé Naimekɨmɨtɨrɨkaɨye 'ixaheritsixi wakakaɨyari, 'ekɨ mati'uximayatsiriwame meripaitɨ pepɨnetiutahekɨatɨa nenuiwaritsie kepemɨtiyurieni, 'ayumieme ne mati'uximayatsiriwame mɨyanematinikɨhɨaweni.

1 Te'aitamete 2:4

Yawé, kaneye'atɨamɨkɨ 'ipaɨ kemɨnetiutahɨawixɨ: “Xɨka 'anuiwarima 'aixɨa mete'u'uwani, xɨka yu'iyarikɨ yametekahuni, mɨpaɨ 'anuiwarima xeikɨa mepanuti'uweni 'ixaheritsixi metewa'aitɨatɨ”.

1 Te'aitamete 2:24

Yawé pɨnetsi'upitɨa tɨrɨkaɨyemekɨ nepaapa 'uwenieyatsie nemayerɨnikɨ, kemainekai yapɨtiuyuri, nenuiwarimata te'aitamete mepakɨne. 'Ayumieme yurikɨ Kakaɨyari mayenierekɨ mɨpaɨ nepaine hikɨ kwitɨwa 'Aruniyaxi pɨmɨni».

1 Te'aitamete 2:45

Matsi ne 'aixɨa nepɨ'itɨarieka, meta Rawiri 'uwenieya yuheyemekɨ 'apuweni nuiwarimama wahetsiemieme meta 'aixɨa pɨtiumieni Yawé hɨxie.

1 Te'aitamete 8:13

ne matsi tuki yemekɨ mɨmariwe nepɨmatsi'utawewiri, muwa pemayekanikɨ 'aheyemekɨ».

1 Te'aitamete 8:15

mɨpaɨ kaniutayɨni: «'Aixɨa ke'itɨarieka Yawé 'ixaheritsixi takakaɨyari, mɨkɨ hikɨ yutɨrɨkariyakɨ pɨraye'atɨa nepaapa Rawiri kemɨtiutahɨawixi mɨpaɨ 'utaitɨ:

2 Te'aitamete 21:4

Yawé tukita mawari matitaiyarɨwa kaniutiwewieni, tsepa mɨkɨ tuki hepaɨtsita Yawé mɨpaɨ mutayɨkai: «Kerutsareme kiekariyari kanihɨkɨtɨkamɨkɨ ne hakewa nemekani».

2 Kemɨtiuyɨ 33:4

Yawé tukita mawari taiyame kaniutiwewieni, mɨkɨ hetsiemieme Yawé mɨpaɨ putayɨkai: «Kerutsareme nepukani neheyemekɨ».

Tsutɨarika 49:10

Kura xewitɨ pɨka'inawairieni ti'aitame 'itsɨya, nuiwarimama yuheyemekɨ mepɨteta'aita. Kepaukake munuani yurikɨ ti'aitame, 'aixɨa mɨtiuka'iyari meuyewetse hɨxiena yamemɨtekahunikɨ kwiepa memɨtama.

2 Tsamuheri 22:51

»Yawé, ti'aitamekɨ pemɨnetsi'anayexei pepɨnetsi'upitɨa waɨkawamekɨ nemɨrayu'iwanikɨ, ne Rawiri pemɨnetsi'anayexei meta nenuiwarima keniwaruxeitsitɨa waɨkawamekɨ kepemɨtiwanaki'erie yuheyemekɨ».

2 Te'aitamete 8:19

Peru Yawé pɨka'uyuwaɨri mika'una Kura kwieyari ti'uximayatsiriwame Rawiri ma'eriwakaikɨ, mɨpaɨ mɨtitahɨawekaikɨ kename kɨxeme yuheyemekɨ takakekai hetsiena mieme meta nuiwarimama wahetsiemieme.

2 Te'aitamete 21:7

'Uka 'Atserá kakaɨyariyari 'ɨkiyaya mitawewi, katiniuta'aita Yawé tukita kaneutakerieni, meripaitɨ mɨkɨ tuki hepaɨtsita Yawé mɨpaɨ Rawiri pɨtiutahɨawekai meta nu'aya Tsarumuni: «'Ikɨ tukita 'ena Kerutsareme, kiekari nemenayexei yunaime 'Ixaheri nuiwarimama watsata, nepenayexei neheyemekɨ mana nemukanikɨ.

2 Kemɨtiuyɨ 6:16

»Hikɨta, Yawé, 'ixaheritsixi takakaɨyari, yaxeikɨata kenaye'atɨa ne'ukiyari Rawiri 'ipaɨ kepemɨtitahɨawixɨ: “Xɨka 'aniwema 'aixɨa metekahuni, xɨka yamete'u'uwani ne'aitsikate kemaine 'ekɨ kepemɨtikatɨa, yuheyeme mepɨhɨkɨtɨni 'anuiwari hetsiemiemete te'aitamete 'Ixaheri kwieyaritsie nehɨxie me'u'uwatɨ”.

Kuwi 36:7

Heitseriemekɨ memu'uwa yuheyemekɨ puwa'ɨwiya, te'aitamete wahamatɨa memɨte'aitanikɨ puwapitɨa meta yuheyemekɨ waheima puwaka'uitɨwa.

Nɨawari 72:17

Kekuxaxatsiwani yuheyemekɨ, tau hepaɨ kereutere ku'eriwatɨ. Hetsiena mieme nuiwarite 'aixɨa mekeyuyurieka, yunaitɨ mɨkɨ 'aixɨa mekete'ikɨhɨaweni.

Kitsariyaxi 9:6

Matsi nunutsi tahetsɨa mutinuiwaxɨkɨ, 'uki xeime tekaniutuitɨarieni, tɨrɨkariya naiparieyatsie kanika'uxipimɨkɨ, meta 'ipaɨ katiniterɨwariemɨkɨ: 'Ɨxatsitame, mɨmariwe, Kakaɨyari mɨtɨrɨkaɨye, Yuheyemekɨ mɨtapaapa, Ti'aitame kayuwatɨ tiyupitɨwame.

Keremiyaxi 33:17

Karikɨ Yawé mɨpaɨ kanaineni: “Hatsuaku xewitɨ pɨkaheuyeweni Rawiri xiɨyarieyatɨtɨ 'Ixaheri teɨteriyari wa'uwenitsie mɨkahayerɨnikɨ.

'Etsekieri 37:25

Kakuwu neti'uximayatsiriwame kwie nemiyetuiritsie mepu'uwani, hakewa meripaitɨ watutsima meme'uwakai, mɨkɨ waniwema meta wateukarima yuheyemekɨ mana mekanikutekuni, Rawiri neti'uximayatsiriwame xeikɨa tiwa'aitɨwame pɨhɨkɨtɨni yuheyemekɨ.

Tanieri 2:44

»Mɨkɨ te'aitamete memanuka'ukatsie, Kakaɨyari muyuawitsie makawe xeime ti'aitame nanukakemɨkɨ mɨkɨ hatsuaku tɨma pɨkaka'unarieni meta xeime kiekaritsie pɨkayetuiyani, matsi yuheyemekɨ 'akaniuwemɨkɨ xeikɨa meta 'ikɨ te'aitamete yunaime kaniwareuyehɨamɨkɨ.

Tsakariyaxi 6:12

Hikɨ mɨpaɨ Kutsuhexi pepɨtitahɨawe Yawé Naimekɨmɨtɨrɨkaɨye hetsiemieme: »“'Ikɨ kanihɨkɨtɨni 'iya Meukɨyɨraxɨ mɨtitewa, karikɨtsɨ yunanaritsie kanayɨraxɨamɨkɨ, meta mɨkɨ tuki pɨtawewieni Yawé hetsiemieme.