2 Tsamuheri 6:22 - Kakaɨyari Niukieya

²² Peru matsi tawarita 'akuxi tixaɨtɨ nepɨkarayuyeitɨani, 'ekɨ kepemɨkatiku'eriwa, peru hikɨ mɨkɨ te'uximayatamete 'ukarawetsixi pemɨwaraxaxata mariweme mepɨnetsi'ayeitɨaka.

2 Tsamuheri 6:22 ပူးပေါင်းရင်းမြစ်များ

1 Pekuru 4:14

Xɨka 'axaxetekuhɨawarɨwani Kɨritsitu hetsɨa xemɨmiemetekɨ, xekeneyutemamawieka, mɨpaɨ xetemaitɨ, 'Iyari witsimɨ'ane xehetsie pɨtiwiya, Kakaɨyari 'Iyarieya hɨkɨtɨtɨ, wahetsɨa 'axapɨtikuxaxatsiwa, xehetsɨa matsi 'aixɨa pɨtikuxaxatsiwa.

Hepɨrayutsixi 12:2

kwinimieme Ketsutsi teha'eriwatɨ, kemɨ'ane mitsutɨa meta meye'atɨa titatsie yuri temɨte'erie. Mɨkɨ mɨpaɨ ra'eriwatɨ kemɨtiyutemawiekakekai 'arikeke, kuruxi punewi tsepa mutewinɨarie. Hikɨ mana kanakani Kakaɨyari 'uwenieya tserieta.

Kitsariyaxi 51:7

»Xekeneneu'eni, xeme tita mɨtiheitserie xemɨtemate, teɨteri ne'inɨari niukiyari yu'iyaritsie xemɨye'ɨna: Teɨteri 'axametexekɨhɨawekaku xepɨkamamaka, meta xepɨka'utiweranareni mexe'anutate'akaku,

1 Timuteu 1:15

'Ikɨ niuki yurikɨ paine meta kaneuyeweka mɨnaki'eriwanikɨ yemekɨ: kename Kɨritsitu Ketsutsi kwiepa nua 'axateyuruwamete watawikweitsitɨanike, ne mɨkɨ 'axateyuruwamete watsata mexɨakame nepɨhɨkɨ.

Kitsariyaxi 50:6

Newari nepɨyetua kemɨ'ane memɨnetsikuwayakai wahetsɨa, ne'auri nepɨyetua kepauka hipatɨ nemɨxiya memanuyehunakai, neyuriyariekaku meta kepauka nemuku'aɨtsikawiyarɨwakai nenierika nepɨka'uti'awietaxɨ.

Kuwi 42:6

'Ayumieme, kenemutayɨ tawari mɨpaɨ nepɨkatayɨni, kenetineuyehɨwiri 'ena ne'ukaitɨ nepaine tumuanaritsata meta naxitsata».

Kuwi 40:4

«Yanemɨmatita'eiyakɨ nepɨkayɨwe, tixaɨtɨ nepɨkatihɨkɨ, Nemamakɨ netenie nepuwiere.

Tsutɨarika 32:10

ne xɨari mati'uximayatsiriwame heitserie nepɨkahexeiya 'aixɨa pemɨnetixeiyanikɨ pemɨnetsiparewiekaku. Kepauka Kurutani hatuxameyaritsie nemanatɨa tixaɨtɨ nepɨkarexeiyakai ne'itsɨ xeikɨa nepakwekai, peru hikɨ hutakɨa mepukutei neteɨterima.

1 Pekuru 5:6

'Ayumieme tixaɨtɨ xekatehɨkɨtɨme xepɨkahayuyeitɨaka, Kakaɨyari yɨtɨrɨkariyakɨ xetuikakaku, mɨkɨ yemekɨ tixaɨtɨ xekatehɨkɨtɨme mɨxe'ayeitɨanikɨ tukari 'aye'ayu.

1 Tsamuheri 2:30

»Mɨya pemɨtiuyurikɨ, hipame 'a'iwama nepɨkawapitɨani, tsepa kenemutayɨkai meripaitɨ 'atewarima kename yunaitɨ 'a'iwama 'apaapama yaxeikɨa 'aniwema menetsiparewiekakekai yuheyemekɨ. Ne Yawé 'Ixaheri Kakaɨyarieya yanekaniutayɨni. Nekaniwa'enieka memɨnetsi'enie, tixaɨtɨ nepɨkatiwarayeitɨa memɨnetsi'uxie.

Marikuxi 14:66

Hikɨ Pekuru watipaitɨ 'uwekaku kii 'aurie takwa, 'ukaratsi kaninuani mɨti'uximayatametɨkai mawari wewiwamete tiwa'aitɨwame hetsɨa mieme.

2 Tsamuheri 6:21

Hikɨ Rawiri mɨpaɨ katinita'eiya: —Ne yurikɨ Yawé hɨxie nekaniyɨanekaitɨni, kemɨ'ane mɨnetsi'anayexei 'apaapa hetsiemieme meta 'a'iwama, 'ixaheritsixi nemɨtiwata'aitɨanikɨ, Yawé teɨterimama. 'Ayumieme Yawé hɨxie nepɨtiukaye'ani.

2 Tsamuheri 6:23

Hikɨ Mikari Tsahuri niweya tɨɨri kawarayexeiyaka kaniumɨni.

Nɨawari 131:1

Yawé, ne'iyari mariwetɨ pɨkahayuyeitɨwa, meta nehɨxite tiyukatawe'eriekamekɨ pɨkataneniere, meta nepɨkatikuwaune nemɨmariwenikɨ, metatsiere mariweme nemɨtiyurienikɨ nepɨka'ikuwaune kenemɨkatiyɨwe.