2 Tsamuheri 6:16 - Kakaɨyari Niukieya

¹⁶ Hikɨ kepauka Yawé kakunieya Rawiri kiekarieyatsie meutahaximekai, Mikari Tsahuri niweya yukiitsie wapaitɨ kananiere, hikɨ kepauka Rawiri muxei 'utitsukwakame meta tineineme Yawé hɨxie, waɨkawa kanitixani'erieni.

2 Tsamuheri 6:16 ပူးပေါင်းရင်းမြစ်များ

1 Kurinitutari 2:14

Tewi mɨkɨ 'Iyari mɨka'uyeyetsa pɨkayuwaɨriya mitanaki'erienikɨ tita Kakaɨyari 'Iyarieyatsie mɨtimieme. Yakɨ xeikɨa haineme kani'eriekamɨkɨ. Pɨkayɨwe yamɨretimanikɨ, metsɨ 'Iyari 'iparewiekaku xeikɨa kaniyɨwemɨkɨ mita'inɨatakɨ kemɨti'ane tita 'Iyaritsie mɨtimieme.

1 Kemɨtiuyɨ 15:29

Hikɨ kepauka Yawé tɨratuya kakuniyari meutahatɨarieximekai Kerutsareme kiekariyari kitenieyaritsie, Mikari Tsahuri nu'aya yukiita wapaitɨ kananierekaitɨni, hikɨ kepauka ti'aitame Rawiri muxei 'utsunarɨmeme temawierikakɨ, kaneikaxani'erietɨyani yu'iyaritsie.

Nɨawari 69:7

'Ahetsiemieme nepɨtiuka'eniwa ne'utatieriwatɨ, nehɨxie nepayenɨtsa tewiyarikɨ.

Nɨ'ariekate 2:13

Hipatɨ mewananaimatɨ xeikɨa mɨpaɨ mekaniutiyuanekaitɨni: «Winu makakakɨ xeikɨa mepuhuxa».

2 Tsamuheri 3:14

Metatsiere, Rawiri hipame yuhetsɨa miemete kaniwarenɨ'ani 'Itsiwutseti Tsahuri nu'aya hetsɨa, mɨpaɨ memɨteheitaxatɨanikɨ: «Ne'ɨya Mikari keneneyetuiri, xeitsienituyari piritsiteutsixi newarukwika neme'iwaxɨ».

Kitsariyaxi 53:3

Teɨteri mepinanaimakai mepɨka'inaki'eriekai, pɨtiukakukuinekai, mɨtiuka'eniwanikɨ pɨ'ayumiemetɨkai. Nixewitɨ pɨka'ixeiyamɨkɨkai, putixani'eriwaxɨ, mariweme tepɨka'eriekai.

2 Tsamuheri 5:7

Peru Rawiri pɨyɨwekaxɨa kiekari Tsiyuni kuraruya 'amatitewatsie meutahani, hikɨ 'ayumieme Rawiri kiekariena katinitewaka.

2 Tsamuheri 6:15

Mɨpaɨ mekatenikweiximekaitɨni Yawé kakunieya yunaitɨ 'ixaheritsixi meta Rawiri, hiwaritsata metatsiere muxatsi wa'awate me'ɨhɨtsieximetɨ.

2 Tsamuheri 6:20

Kepauka Rawiri munua yukie 'aixɨa wayurienike yutɨɨriyama, Mikari Tsahuri niweya kaneikunake, mɨpaɨ katinitatieni: —Neuxei hikɨ 'aixɨa pepɨka'ɨyɨ. 'Ixaheri kwieyaritsie ti'aitame kemɨtiuka'iyari hepaɨ pepɨka'ɨyɨ. Pemutitsukwakakaitsie 'ukari te'uximayatamete 'awarita mepɨmatsixeiyakai. Tewi tixaɨtɨ mɨkatihɨkɨ hepaɨ pepɨyɨanekai.

1 Tsamuheri 18:17

Merikɨtsɨ heiwa Tsahuri Rawiri mɨpaɨ katiniutahɨawe: —Neniwe 'amɨyumate Merawi 'ena kaniukani, nekamaniyetuirieka pemitiwitɨnikɨ, peru pekamatɨ pekaniyumienemɨkɨ Yawé hetsiemieme, Mɨpaɨ Tsahuri katiniku'eriwakaitɨni: «'Aixɨa pɨyɨni nemamatsie mɨkamɨnikɨ, piritsiteutsixi matsi wahetsɨa mɨmɨnikɨ pɨta».

1 Tsamuheri 18:20

Xewitɨta Tsahuri niweya, Mikari Rawiri kaniutihiwe'erieni. Tsahuri kepauka yamɨtiutaxatɨarie waɨkawa kaniuyukatemawieni,

Nɨawari 123:3

Yawé ketaneutinenimayata, ketaneutinenimayata, 'ari tepu'u'uxe ketemɨtenanaimarie.