2 Tsamuheri 5:19 - Kakaɨyari Niukieya

¹⁹ Hikɨ Rawiri Yawé mɨpaɨ katiniuta'iwawiya: —¿Piritsiteutsixi netiwatakwini? ¿Tɨrɨkariya penetipitɨani nemɨwara'iwakɨ? Yawé mɨpaɨ katinita'eiya: —Keniwarutakuya, nekamenipitɨamɨkɨ pemɨwara'iwakɨ.

2 Tsamuheri 5:19 ပူးပေါင်းရင်းမြစ်များ

2 Tsamuheri 2:1

Merikɨtsɨ yapaɨmexɨa tukari 'anukayaku, Rawiri Yawé mɨpaɨ katiniuta'iwawiya: —¿Netiyɨwe hipame kiekaritetsie nemɨmiekɨ Kura kwieyaritsie? Yawé mɨpaɨ katinita'eiya: —Huu, pekaniyɨweni pemɨmiekɨ. Tawarita Rawiri mɨpaɨ katinita'iwawiya: —¿Kepehaine kemɨ'ane kiekariyaritsie nepɨmie? Yawé mɨpaɨ katinita'eiya: —Hewuruni kiekariyaritsie.

Temaiwawemete 3:6

Kakaɨyari kena'eriwani naimekɨ kepemɨtiyurienekɨ, 'ana mɨkɨ 'ahuye pɨheitseritɨaka.

1 Tsamuheri 23:2

Yawé kaniuta'iwawiya: —¿Reuyewetse piritsiteutsixi nemɨwakwimiekɨ? Yawé mɨpaɨ katinita'eiya: —Kenemie, piritsiteutsixi keniwaretakuya, Kehira kiekariyari kenetawikweitsitɨa.

'Itsɨkate 20:28

Pinexi, 'Eriyatsaxi nu'aya 'Aruni teukarieya, hɨxiena katini'uximayakaitɨni. Mɨpaɨ mekateniuta'iwauni: ―¿Tawarita tetehu tetewatakwini ta'iwama Wenikamini nuiwarimama, nutsu tepuwahayewa? Yawé mɨpaɨ kaniutayɨni: ―Xekenehu, 'uxa'a nekanixeyetuiriemɨkɨ.

Tsatiyaku 4:15

Matsi peuyewetse mɨpaɨ pɨta xemutiyuaneni: «Xɨka Ti'aitame mɨpaɨ tinakeni, tekaniu'uwakuni meta mɨpaɨ tekateniyuriekakuni».

1 Te'aitamete 22:6

Hikɨ 'Ixaheri kwieyaritsie ti'aitame kaniwarukuxeɨrieni Kakaɨyari niukametemama, nauka tsienituyari 'etsiwatɨkaku mekaniyupaɨmekaitɨni, mɨkɨ mɨpaɨ katiniwaruta'iwawiya: —¿Netiyɨwe nemɨwatakwini Xamuti Karaha kwieyaritsie kiekatari, nutsutɨ hawaikɨ? Mɨkɨ mɨpaɨ mekaniutiyuani: —Ti'aitame kenemie, Yawé kameniparewimɨkɨ pekaniwara'iwamɨkɨ.

2 Tsamuheri 5:23

Hikɨ tawarita Rawiri Yawé kaniuta'iwawiya. Yawé mɨpaɨ katinita'eiya: —'Akuxi pepɨkawarutakukuyani, wawarita xekenekɨkɨni waritsamu kɨyexiyari maku'u xekeneu'axɨa, hikɨ mana wawarita pɨta xekenayenexɨaka xekeniwarutakuya.

1 Tsamuheri 28:6

'Ayumieme Yawé kaniutahɨawe, peru mɨkɨ pɨka'ita'ei, niheinɨtsitana ni'inɨari mupatsie Yawé hetsiemieme meta Kakaɨyari niukametemama waniuki.

1 Tsamuheri 23:4

Hikɨ Rawiri tawarita Yawé kaniutahɨawe, Kakaɨyari mɨpaɨ katinita'eiya: —Kenemie Kehira kiekariyaritsie, piritsiteutsixi nepɨmatsiyetuirieni pemɨwara'iwakɨ.

1 Tsamuheri 22:15

¿Hikɨke kuta netiuyuri Kakaɨyari nemutahɨawixɨ hetsiena mieme? Pɨkatixaɨtsietɨ. Pɨkaheuyewetse matsi neti'aitɨwame nehetsie pemɨrahɨpani, yaxeikɨata netɨɨriyama wahetsie matsi ne ti'a'uximayatsiriwame 'atsinepɨkatimate ketɨtɨxemɨyɨa.