2 Tsamuheri 5:10 - Kakaɨyari Niukieya

¹⁰ matsi waɨkawa tɨrɨkariya hexeiyatɨ kanayeiximekaitɨni, Yawé Kakaɨyari Naimekɨmɨtɨrɨkaɨye hamatɨana muyeikakaikɨ.

2 Tsamuheri 5:10 ပူးပေါင်းရင်းမြစ်များ

2 Tsamuheri 3:1

Tsahuri nuiwarimama mɨixa wiyari mepuyuri Rawiri nuiwarimama mewakwitɨwetɨ. Rawiri matsi waɨkawa tɨrɨkariya hexeiyatɨ kanayeiximekaitɨni ti'aitatɨ, peru Tsahuri hetsɨa mieme matsi kanitaweranaxɨaximekaitɨni.

Xumatari 8:31

¿Keri te'utiyuaneni xɨka mɨpaɨ 'aneni? Xɨka Kakaɨyari tatsinaki'erieka, ¿kepaikɨ pɨtatsi'uxiwe'erieka?

Nɨawari 46:11

Yawé Naimekɨmɨtɨrɨkaɨye tahamatɨa kaniuyeikani, hetsɨana temɨta'awieta Kakuwu Kakaɨyarieya kanihɨkɨtɨni.

Rukaxi 2:52

Ketsutsi timaiwetɨ kanayeiximekaitɨni, kaniwerekaitɨni, Kakaɨyari meta teɨteri matsi waɨkawa 'aixɨa mekatenixeiyakaitɨni.

Kitsariyaxi 9:7

Kemɨti'aitanikɨ kanitamɨirimɨkɨ meta kayuwatɨ kemɨtiyupitɨwakɨ, meta mɨkɨ pɨka'uye'atɨyani. Rawiri 'uwenieyatsie 'akaitɨ katinita'aitamɨkɨ meta hakewa mɨre'aitakaitsie, 'amuwenikɨ meta mituikanikɨ heitseriemekɨ meta kemɨreuyewetse hikɨ meta yuheyemekɨ. 'Ikɨ yakatinaye'atɨamɨkɨ Yawé Naimekɨmɨtɨrɨkaɨye 'ɨtetsarikaya.

Temaiwawemete 4:18

Heitseriemekɨ yamemɨtekahu wahuye witsipɨ'ane, kepauka tau 'ɨrɨya ximeri manatinexɨaxime hepaɨ: hekɨariya waɨkawa mɨhekɨariwiexime hepaɨ kepaukake hekɨariya 'aixɨa tixawatɨtɨ mayani.

Nɨawari 46:7

Yawé, Naimekɨmɨtɨrɨkaɨye tahamatɨa kaniuyeikani, hetsiena temɨta'awieta Kakuwu Kakaɨyarieya kanihɨkɨtɨni.

Kuwi 17:9

tewi heitseriemekɨ yamɨtikamie yuhuyeta xeikɨa kaniumieni meta yumamatsie meu'itiyatɨka kanitɨrɨkaɨyeni.

Tsutɨarika 21:22

'Ana 'Awimereki 'Apɨrahami hetsɨa kaninuani, Pikuuri titewatɨ kaneteɨtakaitɨni kuyaximama wa'ukiyari, mɨpaɨ 'Apɨrahami katiniutahɨawe: —Mɨpaɨ tepɨtemate, Kakaɨyari waɨkawa pɨmatsiparewie naime kepemɨtiyuriene.

Nɨawari 24:10

¿Kemɨ'ane mɨkɨ Ti'aitame witsimɨ'ane pɨhɨkɨ? Yawé Naimekɨmɨtɨrɨkaɨye kanihɨkɨtɨni, mɨkɨ Ti'aitame witsimɨ'ane kanihɨkɨtɨni.

'Akehuxi 2:4

Hikɨ —Yawé mɨpaɨ kanaineni— Kamɨtsɨ hikɨ Tsuruwaweri pepɨkamaka kene'awaɨriyani. Kutsuhexi Kutsaraki nu'aya pepɨkamaka kene'awaɨriyani. 'Ekɨ mawari wewiwamete tiwa'aitɨwame pekanihɨkɨtɨni. Xekeneyuwaɨriyani, teɨteri 'ena kiekatari. Xeketene'uximayaka, ne xehamatɨa nekaniuyeikani —mɨpaɨ kanaineni Yawé Naimekɨmɨtɨrɨkaɨye—.

1 Tsamuheri 18:5

Tsepa hakewa Tsahuri Rawiri mutanɨ'awakai, yapɨraye'atɨwakai 'aixɨa 'anemekɨ, 'ayumieme Tsahuri yukuyaxima tiwa'aitɨwamekɨ kaneyeitɨani, kuyaxi waɨkawa mekaniyutemamawiekaitɨni hepaɨtsitana, meta Tsahuri kuyaximama tewa'aitɨwamete.

1 Tsamuheri 18:12

Tsahuri mɨpaɨ katinimaikaitɨni kename Yawé 'iku'eiri, Rawiri hamatɨa pɨta 'uyeikakai. 'Ayumieme Rawiri 'ayemakatɨ kanayani.

1 Tsamuheri 18:14

Rawiri yakatinayu'iwakaitɨni tsepa hakewa memeyutakwi, Yawé hamatɨana 'uyeikatɨ miparewiekaikɨ.

2 Tsamuheri 7:9

Ne 'ahamatɨa nepuyeikakai tsepa kepemɨtikuyeikakai, 'ahetsiemieme memɨmatsi'aye'unie yunaime nekaniwarakuxɨtɨani. Hikɨ waɨkawa pemariweme nekamanayeitɨamɨkɨ 'ena kwiepa memɨmamariwawe wahepaɨ.

2 Tsamuheri 8:6

Yaxeikɨata Ramatsiku kiekariyaritsie kuyaxi tehɨwemete kaniwaru'uitɨani, hikɨ tsiriyutsixi Rawiri mete'uximayatsirietɨ mekaniyuhayewa meteyukutuayatɨ hetsɨana. Naitsarie kemɨtiyumienekai Rawiri katinayu'iwakaitɨni Yawé 'iparewiekaku.

2 Tsamuheri 8:14

Yaxeikɨata 'Erumi kwieyaritsie kuyaxi tehɨwemete kaniwaru'uitɨani, naitsarie mɨkɨ kwieyaritsie Rawiri tiwa'aitɨatɨ kanayani, hikɨ mɨkɨ 'erumitsixi Rawiri hetsɨa meteyukutuayatɨ mekanakɨne. Naitsarie kemɨtiyumienekai Rawiri katinayu'iwakaitɨni Yawé 'iparewiekaku.