2 Tsamuheri 3:39 - Kakaɨyari Niukieya

³⁹ Hikɨ ne, tsepanetɨ ti'aitamekɨ nemanayexeiyarie, 'akuxi ne nekaniweranini, Tsariwiya niwemama yɨkɨ nemɨwaruyurieni nepɨkayɨwe. Yawé 'axakerekapitɨani mɨkɨ kemɨ'ane 'axamɨtiuyuri».

2 Tsamuheri 3:39 ပူးပေါင်းရင်းမြစ်များ

Nɨawari 101:8

Xeitukari manukayeikani nepɨkawapitɨaka 'amemu'uwani yunaime Kakaɨyari memɨka'ayexeiya kwiepa memɨtama, Yawé kiekarieyatsie nepɨwarayeweiya yunaime 'axateyuruwamete.

Nɨawari 28:4

Yaketiniwarupitɨa kememɨte'uyuri, 'axakememɨteyuriekaikɨ. Kememɨte'u'uximayataxɨ mɨpaɨ ketiniwarupitɨa, tita mɨtiwahetsiemieme.

2 Timuteu 4:14

Herekanituru tepɨakɨ tiwewiwame 'axapɨnetsi'uyuri waɨkawa. Ti'aitame 'epɨrepinirieni mɨpaɨ 'axamɨnetsi'uyurikɨ.

Xumatari 13:4

Kakaɨyari parewiwameya kanihɨkɨtɨni 'aixɨa pemɨ'itɨarienikɨ. Mexɨka 'axapetiyurieneni, keneumaka. Yakɨ pɨkahekwe'e 'ixipara. Kakaɨyari parewiwameya kanihɨkɨtɨni haxɨakɨ mɨrepinirienikɨ kemɨ'ane 'axamɨtiyuriene.

Temaiwawemete 25:5

'Axamɨtiyuriene ti'aitame hetsɨa keneupata, 'ana ti'aitame yu'uweni heitseriemekɨ mɨti'aitanikɨ payeitɨani.

Nɨawari 62:12

'ekɨ, Tati'aitɨwame, pepɨti'akanaki'erie waɨkawa, 'ekɨ yuxexuime yunaime yapepɨtiwarakapitɨwa kememɨte'uyurikɨ.

Kitsariyaxi 7:4

Mɨpaɨ ketinetahɨawi meyɨ'ɨwiyanikɨ, meta kayuwatɨ meyeikanikɨ, pɨkamaka Xetsini Tsiriyu tewiyari mɨha'akɨ, meta Xemariyaxi nu'aya hɨxie pɨkamaka, mɨkɨ wahekɨ pɨkayu'iyaritɨaka huta kɨyexiyari manukɨtsiyatɨkakɨ.

Temaiwawemete 20:8

Kepauka ti'aitame yu'uwenitsie 'amayerɨni wataxanetake, mɨkɨ 'ana xeinieriyarikɨ tinaime 'axamɨti'ane katinaku'itiwani.

Nɨawari 75:10

Kwinimieme memɨteyuti'ɨre Kakaɨyari meka'ayexeiyatɨ pekaniwarakumaweriyamɨkɨ, meta heitserie memexeiya watɨrɨkariya hetsiemieme 'aixɨa nekanitayɨmɨkɨ.

Nɨawari 7:16

Ke'axamɨtiyuriene yɨkɨmana katiniyukwinitɨamɨkɨ, mu'uyatsie kanikawemɨkɨ kemɨtiukananaima.

1 Kemɨtiuyɨ 22:5

Rawiri mɨpaɨ pɨtiku'eriwakai: «Neniwe Tsarumuni 'akuxi pɨtemaikɨ meta pɨkarakumate, tuki muyutawewieni Yawé hetsiemieme yemekɨ 'apɨtimariweni pumariwani naitsarie kwiepa, 'ayumieme tinaime nepɨtikuha'aritsirieni». Hikɨ mexi Rawiri 'uyeikakai tinaime katiniukuxeɨrieni.

2 Tsamuheri 19:13

Meta 'Amatsaha mɨpaɨ xeketenetahɨawi: “'Ekɨ yemekɨ ne'iwa pekanihɨkɨtɨni. 'Ekɨ pɨta nekuyaxima tiwa'aitɨwame pekanayeimɨkɨ 'aheyemekɨ, Kuhawi pɨkatixaɨri. Kakaɨyari 'axa'aneme kenetsi'upitɨani kanetsinenimayatɨ xɨka nekaraye'atɨani”».

Memeyekɨ 21:12

»Kemɨ'ane xeime mɨtiukwinitɨani mimieni, mɨkɨta pɨmierieni.

2 Tsamuheri 3:38

Hikɨ ti'aitame yuteɨterima mɨpaɨ katiniwarutahɨawe: «¿Mɨpaɨ xekatemate hikɨ tewi mariwetɨ mumɨ 'Ixaheri kwieyaritsie?

2 Tsamuheri 16:10

Ti'aitame matsi mɨpaɨ katinita'eiya: —Nehetsiemieme pepɨka'anuyehakeni Tsariwiya nu'aya. Matsi xɨari Yawé yapɨreipitɨa 'axamɨnetitahɨawekɨ. Mɨpaɨ xɨka 'aneni, xewitɨ pɨkayɨwe mita'imaiya.

2 Tsamuheri 19:22

Rawiri mɨpaɨ katinita'eiya: —Tsariwiya niwemama, xeme xepɨka'anuyehakeni, nepɨta kenemɨtiyurieneni. Xemɨnetsi'aye'unieka hepaɨ xeputiyuane. Hikɨri yunaitɨ 'ixaheritsixi mepɨnetsihetima kename ne ti'aitame nehɨkɨ, 'ayumieme xewitɨ pɨkamɨni.

1 Te'aitamete 2:32

Yawé Kuhawi 'apɨrakapitɨani mɨɨyakɨ 'atsimekate'u'iyarime mɨwarukwikɨ, nepaapa 'atsikatimaikaku, mɨkɨ Kuhawi 'Awinexi kaniumieni Nexi nu'aya, kuyaxi tiwa'aitɨwametɨkaku 'Ixaheri kwieyaritsie, yaxeikɨata 'Amatsaha Ketexi nu'aya kaniumieni, kuyaxi tiwa'aitɨwametɨkaku Kura kwieyaritsie. Mɨpaɨ yuhutame katiniwarukwini 'ixiparakɨ teɨteri 'aixɨa memɨte'u'iyarikai heitseriemekɨ yamemɨtekahukai keyuri Kuhawi.

1 Kemɨtiuyɨ 29:1

Rawiri ti'aitame memɨyuxeɨriekai mɨpaɨ katiniwarutahɨawe: «Kakaɨyari neniwe Tsarumuni kananayexeiya, peru mɨkɨ 'akuxi pɨkarakumate 'uximayatsika pɨmariwe. 'Ikɨ tuki 'amɨpa tewi pɨkatipiinieya, matsi Kakaɨyari Yawé pɨta katinipiinieyatɨni.

2 Kemɨtiuyɨ 13:7

Hipatɨ teɨteri 'axamete'u'iyaritɨ Xuwuhani Tsarumuni nu'aya mekaniutinɨni, kepauka 'ikɨ mɨtemaikɨtɨkai meta mɨkatɨrɨkaɨyekai, mɨkɨ mepɨka'ipitɨa, pɨka'uyɨwekaxɨa mɨwara'iwa.

Keremiyaxi 38:5

Ti'aitame Tserekiyaxi mɨpaɨ kaniutayɨni: —Nepɨxeyetuirie. Ne tsepa nemɨti'aitame xeme nexe'aye'unietɨ nepɨka'ayani.

Tanieri 6:16

Hikɨ 'ayumieme ti'aitame katiniuta'aita, Tanieri mayetsi memuye'ɨneta kaneukahɨiyani. 'Ana ti'aitame Tanieri mɨpaɨ katinikɨhɨawekaitɨni: ―'Akakaɨyari, yuheyemekɨ pemeyexeiya, kematsi'utawikweitsitɨani.

'Inɨatsie 32:23

»Peru xɨkata xeyuti'imani, mɨpaɨ xeketenemaika 'axaxekateniyurieka Yawé hetsiemieme. Peru xepɨkateheuyehɨwiyarieni 'axaxemɨte'uyurikɨ.

'Itsɨkate 9:57

Metatsiere, teɨteri Tsikeni kiekatari 'axamemɨte'uyurikɨ memɨte'ayukatuanikɨ, Kakaɨyari katiniuyurieni. Mɨpaɨ katinaye'ani Kutani ke'axamɨwaruyurikɨ Yeruwahari nu'aya.

1 Te'aitamete 2:9

'Ayumiemeri 'ekɨ pepɨkareiyehɨwirieka. 'Ekɨ matsi waɨkawa pepɨtimaiwe, 'ekɨri kepemiyurieneni, tsepa mɨ'ukiratsiri keneuta'aita mɨmierienikɨ».

Kitsariyaxi 3:11

Xɨa'ui 'axamɨtiuka'iyari, matsi 'aixɨa 'anemekɨ pɨkayeyani. Ti'uximayatɨ kemɨtiuyuri yakatinipitɨariemɨkɨ.