2 Tsamuheri 3:3 - Kakaɨyari Niukieya

³ hutarieka mieme Kirehawi 'Awikahiri nu'aya, Nawari Kaximeri kiekame mɨ'ɨyayatɨkai, hairieka mieme, 'Awitsaruni Mahaka nu'aya, ti'aitame Tarimahi nu'aya Ketsuxi kiekame,

2 Tsamuheri 3:3 ပူးပေါင်းရင်းမြစ်များ

1 Tsamuheri 27:8

Rawiri kaneyeikakaitɨni yukuyaxima wahamatɨa metewanawatsirietɨwetɨ ketsureutsixi, kiritsitsixi meta 'amarekitsixi wahetsɨa, mɨkɨ mɨixa mekaniyuriekaitɨni mana mekutetɨ, Tsuhuxi kwieyaritsie 'Ekipitu kwieyaritsie paitɨ.

1 Kemɨtiuyɨ 3:1

'Ikɨ mepɨhɨkɨ Rawiri niwemama memutinunuiwaxɨ Hewuruni kiekariyaritsie: 'Aminuni matɨarieya kanayani 'Akinuhani hetsiemieme Ketsireri kiekame, hutarieka mieme, Tanieri 'Awikahiri hetsiemieme Kaximeri kiekame,

2 Tsamuheri 2:2

Hikɨ Rawiri mana kaneyani yu'ɨitama yuhutame warawitɨtɨ, 'Akinuhani Ketsireri kiekame meta 'Awikahiri, Nawari 'ɨyayatɨkai Kaximeri kiekame.

1 Tsamuheri 25:42

Merikɨte yapauka 'Awikahiri kaniyukuha'aritɨani mɨyemiekɨ puxutsie nanutiyerɨni, te'i'uximayatsiriwamete 'ukarawetsixi 'iparewiwametemama yu'auxɨwitɨ mekaneiweiya, hikɨ Rawiri teɨterimama wa'utɨa mekanekɨne. 'Anari mɨkɨ kanitiwitɨni.

1 Tsamuheri 25:3

Nawari katinitewakaitɨni, Karewi kaninuiwarieyatɨkaitɨni. 'Awikahiri 'ɨyaya katinitewakaitɨni, mɨkɨ witsikatini'ɨimarikaitɨni timaiwetɨ, matsi Nawari pɨkayukɨhɨawekai 'axakatiniuka'iyarikaitɨni.

Kutsuhexi 13:13

Peru 'ixaheritsixi Ketsuxi meta Mahaka kiekatari mepɨkawarayewei, hikɨ 'akuxi wakwietsie mekaniu'uwani.

Hutarieka 'inɨari 3:14

Xewitɨ Manatsexi nuiwarieya Yahixi titewatɨ, naime mɨkɨ 'Axikuwi kwieyari yuhetsiemieme kanayeitɨani ketsureutsixi wakwie maye'atɨkatsie paitɨ ye'atɨkaime meta makateutsixi wakwie maye'atɨkatsie, mɨkɨ Watsani kwieyari yuhepaɨ pɨta katiniterɨwa, Kawuti-Yahixi katiniterɨwa. Hikɨ 'akuxi yaxeikɨa katinakutewaka.

2 Tsamuheri 18:33

'Ikɨ tiu'enieka, ti'aitame waɨkawa kaniuyukahiwerieni, kitenie heima kii makawetsie, kananutiyani mɨpaɨ tiutsuatɨ: «Xɨa'ɨi 'Awitsaruni, neniwe. Neniwe, 'Awitsaruni, neniwe. Ne pɨta nemɨniumɨkaitɨni 'ahetsiemieme. Xɨa'ɨi 'Awitsaruni, neniwe, neniwe».

2 Tsamuheri 14:24

Ti'aitame matsi mɨpaɨ katiniuta'aita: «Yukie keheyani meta hatsuaku pɨkahamieni netsiku'iwatanetɨ». 'Ayumieme 'Awitsaruni yukie kaneyani ti'aitame hetsɨa kaye'aka.

2 Tsamuheri 13:1

Hikɨ yapaɨmexɨa 'anuyeyaku mɨpaɨ katiniuyɨni. 'Awitsaruni Rawiri nu'aya yu'iwa 'uka kanexeiyakaitɨni witsiti'ɨimarikame Tamaxi titewakame. Xewitɨta Rawiri nu'aya 'Aminuni kanitihiwe'erieni.

2 Tsamuheri 14:32

Hikɨ 'Awitsaruni mɨpaɨ katinita'eiya: —Ne nepɨmatsi'utanɨ'a nepɨmatsiwawiriekai ti'aitame hetsɨa pemumiekɨ meta pemeita'iwawiyakɨ ketitayari Ketsuxi kiekariyaritsie nemeyeikakai nereyetɨa. Matsi 'aixɨa pɨyɨnikekai xɨka mana neheyuhayewake. Ti'aitame hɨxie nekanimieni, xɨka nehetsie tixuaweni, kenetsi'umieni.

2 Tsamuheri 15:7

Nauka wiyari 'anuyeyaku, 'Awitsaruni ti'aitame mɨpaɨ katiniutahɨawe: —Ti'aitame keneneupitɨa Hewuruni kiekariyaritsie nemɨmiekɨ, Yawé kenemɨtiutahɨawixɨ nemɨraye'atɨanikɨ.

2 Tsamuheri 15:8

Kepauka Ketsuxi 'Arami nemuyeikakaitsie, mɨpaɨ nekaniutayɨni: “Yawé xɨka netsi'upitɨani Kerutsareme nemakunuanikɨ, mawari nekaneiwewiriemɨkɨ”.

1 Te'aitamete 1:6

'Aruniyaxi pɨtemaikɨtɨkai 'aixɨa pɨtiyuxexeiyakai yakɨ puyumaikai 'Awitsaruni 'utɨa mieme pɨhɨkɨtɨkai. Paapaya Rawiri hatsuaku pɨka'ita'imaiyaxɨ kemɨtiyurienekai 'Aruniyaxi.

1 Te'aitamete 2:15

'Aruniyaxi mɨpaɨ kaniutayɨni: —Kamɨtsɨ 'ekɨ pekatinimaika, nepɨta ti'aitame nekanayanikekaitɨni, yunaitɨ 'ixaheritsixi mɨpaɨ mekateniku'eriwakaitɨni. Peru hikɨri nemuta pɨta katiniunakitsitɨani, Yawé kemɨtinake katiniuyɨni.

1 Kemɨtiuyɨ 3:2

hairieka mieme, 'Awitsaruni Mahaka hetsiemieme, ti'aitame Tarimahi nu'aya Ketsuxi mɨti'aitametɨkai, naurieka mieme, 'Aruniyaxi Kakiti hetsiemieme,

2 Tsamuheri 14:23

Mɨpaɨ 'utayɨka, Kuhawi Ketsuxi kwieyaritsie kaneyani, meta Kerutsareme kanakunuani 'Awitsaruni hamatɨa.