2 Tsamuheri 24:2 - Kakaɨyari Niukieya

² Hikɨ Rawiri ti'aitame, Kuhawi kuyaxi tiwa'aitɨwame mɨpaɨ katiniutahɨawe: —'Ixaheri kwieyaritsie naitsarie xekenehu, Rani mɨtiyetewatsie xekaneikatsutɨakuni Weritsewa paitɨ 'uye'atɨkaime, kuyaxi xekeniwaraka'utɨa, ne yanemɨretimanikɨ keyupaɨmetɨ memakɨne memɨyutakwini.

2 Tsamuheri 24:2 ပူးပေါင်းရင်းမြစ်များ

2 Tsamuheri 3:10

Tsahuri niwemama 'uweni nepɨwanawairieni, Rawiri pɨta nekaniyetuiriemɨkɨ 'Ixaheri kwieyaritsie mɨtita'aitakɨ meta Kura kwieyaritsie, Rani kwieyaritsie katsutɨme Weritsewa paitɨ ye'atɨkaime.

'Itsɨkate 20:1

Yunaitɨ 'ixaheritsixi Rani meye'atɨkaitɨ 'atsita Weritsewa Karaha kwieyaritsie meye'atɨkaitɨ, meyutaxewireka Mitsipa mekaniuyukuxeɨrieni Yawé hɨxie.

2 Tsamuheri 20:23

Kuhawi 'ixaheritsixi kuyaxiyari wa'ukiyari pɨhɨkɨtɨkai, Wenahiyaxi Kuyara nu'aya kereteutsixi meta pereteutsixi ti'aitame hɨwemete wa'ukiyari pɨhɨkɨtɨkai.

2 Kurinitutari 12:7

Kapa ne'anuyehaitɨrɨwenikɨ temawierika nera'eriwatɨ ne'iyaritsie, nera'eriwatɨ mariwemekɨ matsiɨkɨtɨ kemɨrayeitɨarie nehetsiemieme, 'ayumieme nepupitɨarie newaiyaritsie nemɨkutseiwanikɨ. Tsatanaxi tupirieya nepanayenɨ'aiyarie mɨnetsikuwayanikɨ, kapa ne'anuyehaitɨrɨwenikɨ temawierika nera'eriwatɨ.

Keremiyaxi 17:5

Yawé mɨpaɨ kanaineni: «Tewi 'axake'itɨarieka kemɨ'ane tewitsie mɨtiwiya. Tewi 'axake'itɨarieka kemɨ'ane yɨtɨrɨkariya hetsie mɨtiwiya meta yu'iyari mukupata Yawé hetsie mɨkatiwiyanikɨ.

Temaiwawemete 29:23

Kemɨ'ane muyuta'ɨre tixaɨtɨ pɨkarayani, matsi kemɨ'ane tixaɨtɨ mɨkarayuyeitɨa matsi mariwetɨ kanayeitɨariemɨkɨ.

2 Kemɨtiuyɨ 32:31

Hikɨ kepauka Wawiruniyatsie ti'aitame parewiwametemama yunɨ'arima memɨwareyenɨ'a memɨti'iwaunikɨ mariweme 'inɨari mɨtiuyɨkɨ mɨkɨ kwieyaritsie, 'ana Kakaɨyari 'Etsekiyaxi kaniuku'eirieni mita'inɨatakɨ meta naime yamɨretimanikɨ 'iyarieya kemɨ'anekai.

1 Kemɨtiuyɨ 21:2

'Ayumieme Rawiri Kuhawi mɨpaɨ katiniuta'aitɨani, meta teɨteri memanuyetei: ―Xekenehu kuyaxi xekeniwareti'inɨata Weritsewa xe'itsutɨame 'atsita Rani meye'atɨkaime, yanemɨretimanikɨ keyupaɨmetɨ memɨyɨwawe kuyakɨ memɨnete'uximayatsiriekakɨ.

2 Tsamuheri 23:37

Tsereki 'amuni tewiyari, Nakarahi Weruti kiekame, Kuhawi Tsariwiya nu'aya hetsie nunuwame patɨa,

2 Tsamuheri 17:11

»Neta mɨpaɨ pɨta nepɨtiku'eriwa: 'Ekɨ ti'aitame yunaime 'ixaheritsixi kememɨyupaɨme keniwaruta'ini, Rani kiekatari 'atsita Weritsewa meye'atɨkaime. Mekaniyumɨireni xiekari haramara tetsita mɨtika hepaɨ, meta 'ekɨ ti'aitame pekaniwaranuwitɨmɨkɨ memɨyukwiyutsie.

2 Tsamuheri 8:16

Kuhawi Tsariwiya nu'aya, kuyaxi tiwa'aitɨwame pɨhɨkɨtɨkai, Kutsapati 'Akiruri nu'aya, ti'utɨwame pɨhɨkɨtɨkai ti'aitame hetsiemieme,

2 Tsamuheri 2:13

Tsariwiya Rawiri kurieya Kuhawi pɨmamayatɨkai, mɨkɨ Kuhawi Rawiri kuyaximama wahɨxie 'anuyekaitɨ kanayeyani. Mɨkɨ kuyaxi mekananuyukunake haa muyema Kawahuni kiekariyaritsie mieme mana 'aixɨa mekateniu'uni meyutakwinike.

Tsutɨarika 21:14

'Uxa'arieka, ximeripaitɨ 'Apɨrahami nanukukeni, paa, nawi haa 'uyemakame Hakari naiparieyatsie nekawirieni. Hikɨta nu'aya kaniyetuirieni, meta kaniwarutateutɨani. Hakari kanayeyani, mekaniuhukaitɨni me'u'erietɨ makumawetsie Weritsewa mɨrakutewatsie.

2 Tsamuheri 24:15

Yawé, 'ayumieme 'Ixaheri kwieyaritsie kwiniya kaneyenɨ'ani, mɨkɨ ximeriyaritsie kanitsutɨani kemɨreku'inɨarikai mɨpaɨ katineutere, naitsarie kwiepa haika tewiyari heimana tamamata miriyari teɨteri mekaniukwini Rani meta Weritsewa paitɨ meye'atɨkaitɨ.