2 Tsamuheri 24:16 - Kakaɨyari Niukieya

¹⁶ Hikɨ niuki tuayame Yawé hetsɨa mieme kaniyukuha'aritɨani Kerutsareme mɨka'unakɨ. Peru Yawé 'anatɨtɨ pɨwarutinenimayataxɨ kwiniya hepaɨtsita muwarenɨ'airiekai. Mɨpaɨ niuki tuayame katiniutahɨawe: «'Ariri ketineuhayewa». Mɨpaɨ pɨtiuyɨ 'Arahuna kewutseu tewiyari tɨriku matihena 'aurie, hakewa niuki tuayame mewekai.

2 Tsamuheri 24:16 ပူးပေါင်းရင်းမြစ်များ

Memeyekɨ 12:23

Kepauka Yawé, mana muyeyani kiekaritsie mɨwakwinikɨ 'ekipitutari. Mɨkɨ pixeiya kitenie xuriyakɨ ra'utɨkaime 'ana yateewa puyeyani, 'ana pɨka'ipitɨani yunɨ'ari mɨtiyumemiwa, muwa pɨkaheutahani mɨxekwinikɨ.

Tsutɨarika 6:6

kaniuta'iyarixieni titayari kwiepa tewi mɨtiutawewiekai, hikɨ 'iyarieyatsie neikwine.

Nɨ'ariekate 12:23

'Ana yapauka Ti'aitame niukieya tuayame katinikwinitɨani, Kakaɨyari hepaɨtsita 'aixɨa mɨka'utainekaikɨ, hikɨ Herurexi 'utakwitsieka kaniumɨni.

2 Kemɨtiuyɨ 3:1

Hikɨ kanitsutɨani Tsarumuni Yawé tukieya wewienetɨ Muriya yemuriyaritsie Kerutsareme kiekariyaritsie, hakewa Yawé meyuhekɨataxɨ 'ukiyarieya Rawiri hɨxie. Mana kanitawewieni hakewa Rawiri metaxatakai, 'Arahuna maka'etsakaitsie, kewutseu tewiyari.

2 Te'aitamete 19:35

Kwitɨwa mɨkɨ tɨkaritsie Yawé niukieya tuayameya kanayeyani, hikɨ kaniwarukwini xeitsienituyari heimana nauka tewiyari heimana 'auxɨwi miriyari (185.000) kuyaxi 'atsiriyutsixi. 'Uxa'arieka ximeri kepauka wa'iwama memanuku'ui, mana yunaitɨ mɨkɨ mekwikwi'itɨ mekanitiheteitɨni.

1 Tsamuheri 15:11

«Hikɨke nepɨne'iyaritɨa titayari Tsahuri ti'aitame nerayeitɨa, pɨkanetsi'enie kenemɨrehɨawe yapɨkatikamie». Tsamuheri waɨkawamekɨ puyutihɨawixɨ, tɨkarikɨ kaniukatariyarieni Yawé hahɨawetɨ mɨreiyehɨwirienikɨ.

2 Kemɨtiuyɨ 32:21

Hikɨ Yawé yuniuki tuayame kaneyenɨ'ani mɨwakwinikɨ yunaime kuyaxi meta tewa'aitɨwamete 'Atsiriyatsie ti'aitame memakuteitsie, meta kuyaximama tewa'aitɨwamete, hikɨ mɨkɨ 'ana yutewiyatɨ kanakunuani yukiekaritsie. Meta kepauka meutaha yukakaɨyari tukita, niwemamatɨtɨ mekanimieni.

2 Kurinitutari 2:6

Mɨkɨtsie katiniunake kexemɨte'iyetua mu'uximatɨarienikɨ xe'uyu'enieka.

Marikuxi 14:41

Hikɨ hairieka mana nuaka mɨpaɨ katiniwarutahɨawe: «¿Xetekutsu 'akuxi, xete'uxipie? 'Ariri. Paye'ari. Neuxei, Yuri Tewi nehɨkɨtɨtɨ 'axateyuruwamete wamamatsie nepɨyetuiyani.

Tsakariyaxi 9:7

Wateta nepɨwanawairieni wai muxuxure, meta 'ikwai mɨka'itiya. Meta piritsiteutsixi yayupaɨmetɨ mepɨyuhayewa takakaɨyari hetsiemieme, Kura kwieyaritsie kuyaxi tewa'aitɨwamete mepakɨne, meta 'Ekuruni kiekatari kewutseutsixi wahepaɨ me'anetɨ mepakɨne.

'Awakuki 3:2

Yawé, ke'aixɨa pemɨtikuxaxatsiwa nekatinimarieka, tita pemɨtiutiwewi, Yawé, mɨkɨkɨ nepɨma. Hikɨta yaketineuyuri hekwamekɨ tame te'u'uwakaku, hikɨta tahetsiemieme yaketineuyuri temixeiyakɨ, 'ahaxɨatsie, kepemɨti'akanenimaya kena'eriwani.

'Amuxi 7:6

Hikɨ Yawé kaniwarutinenimayata, mɨpaɨ kaniutayɨni: ―'Ikɨ mɨpaɨta pɨkatiyɨni.

'Amuxi 7:3

Hikɨ Yawé kaniwarutinenimayata, mɨpaɨ kaniutayɨni: ―Matsi mɨpaɨ pɨkatiyɨni.

Kitsariyaxi 57:16

Yuheheyemekɨ nepɨkamatsixanetani, meta yuheyemekɨ nepɨkaha'aka, xɨka mɨpaɨ 'anenike nehɨxie yunaitɨ memɨte'u'uwa nemuwarutiwewi mekaniukwiwaweni.

Kitsariyaxi 27:8

Kaniyuritɨni hetsiena kuyaxa kaniutixuawitɨani, kaneyeweiya yu'iiyakɨ 'eka 'iiyayari tau manatineika miemekɨ.

Nɨawari 135:14

Yurikɨ Yawé yuteɨterima wahetsie kanitanuamɨkɨ, meta te'i'uximayatsiriwamete kaniwatinenimayatamɨkɨ.

Nɨawari 90:13

Yawé, ¿kepauka tahetsɨa pepɨnuani? Keniwanenimayaka mate'uximayatsiriwamete.

Nɨawari 78:38

Hikɨ mɨkɨ puwarutinenimayataxɨ, wakwewietɨ, pɨtiwareuyehɨwiri 'axakememɨte'uyuri, pɨkawaruka'unaxɨ. Mɨixa pɨka'uyeha'a pɨyunɨtɨakai, pɨtinewakai kemɨtiyɨanekai pɨkaha'akai.

Nɨawari 35:6

wahuyeta ke'uyɨwini meta ke'uharuanini, niuki tuayame Yawé hetsɨa mieme waruweiyakaku.

1 Te'aitamete 19:4

hikɨ kaneyani makumawetsie xeitukari kaniumiekaitɨni. Kepauka 'umietɨ 'ɨtsi hetɨa kaninuani, mɨkɨ 'etɨriyayatɨa kaniutayerɨni 'ari heumɨmɨtɨ, mana mɨpaɨ kaniutayɨni: «Yawé 'aku, 'ari nepu'uxeri. Netukari keneneunawairi, ne'ukiyarima ke'aixɨa memɨte'u'iyarikai mɨpaɨkuta nepɨkatiuka'iyari».

2 Tsamuheri 24:18

Hikɨ 'ana tukariyaritsie, Kahari Rawiri hetsɨa kaneyani meta mɨpaɨ katineitahɨawe: «Kenanutiyaka, mawari taiyame Yawé hetsiemieme keneutawewi, 'Arahuna kewutseu tewiyari kwieyatsie tɨriku matihenakai».

2 Tsamuheri 5:8

Rawiri mɨkɨ tukaritsie mɨpaɨ kaniutayɨni: «Kemɨ'ane mɨyuwaɨriya kewutseutsixi mɨwakwimiekɨ, tetɨata haa memuwayekwewietsie keheukahani, memɨka'ɨkɨniwawe meta memɨkaheuneniere mɨwarekwinikɨ. Ne mɨkɨ nekaniwaxani'erieka». Mana niuki mɨpaɨ manɨyɨne kanayeneni: «Memɨkaheuneniere meta memɨka'ɨkɨniwawe ti'aitame paratsiyuyata mepɨkaheutahaxɨani».

'Itsɨkate 19:11

Kepauka Kewutsi meuhurakai, kuyɨrirɨmekakuri, ti'uximayatame mɨti'aitɨa mɨpaɨ katiniutahɨawe: ―Hikɨmɨ 'ena tepaukayune kewutseutsixi wakiekaritsie mana tepetiheni.

'Itsɨkate 1:21

Wenikamini xiɨyarimamata kewutseutsixi mewarayeweiyake mepɨka'uyɨwekaxɨa, Kerutsareme memɨtitekai. 'Ayumieme hikɨ 'akuxi kewutseutsixi Wenikamini xiɨyarimama wahamatɨa mekaniu'uwani.

Kutsuhexi 15:63

Kura xiɨyarimama mepɨka'uyɨwekaxɨa memɨwarayeweiyakɨ kewutseutsixi Kerutsareme kiekariyaritsie, hikɨ mɨkɨ mana mekanititeni Kura xiɨyarimama wahamatɨa.

Memeyekɨ 12:13

Xuriya kani'inɨaritɨkamɨkɨ kemɨ'ane kiita xemayetetɨkani, kepauka nemixeiya 'ateewa nepuyeyani. Hikɨ kepauka nemɨwakwini 'ekipitutari, nixewitɨ kwiniya xehetsie pɨkaye'ani mɨtiyumemiwa.

Memeyekɨ 9:28

Hawaikɨ tawariri nepɨkawakunuitɨani, nepɨwapitɨani memayekɨnekɨ, perutsɨ Yawé xekenetawawiri nehetsimieme, tɨranari meta tee wiyeriyari mɨkaxuawenikɨ.

Tsutɨarika 10:16

meta nuiwarimama kewutseutsixi mekanihɨkɨtɨkaitɨni metatsiere 'amuxeutsixi, keriketseutsixi,

Memeyekɨ 32:14

Hikɨ Yawé kaniuhaxɨapieni, katiniuhayewa yuteɨterima kemɨwayurienikekai.

1 Kurinitutari 10:10

Mɨkɨ meta, xepɨkaniukixieka, yaxeikɨa hipatɨ mɨkɨ kememɨte'uyuri, me'uniukixieku, ti'uname kaniwaruka'una.

Keremiyaxi 26:19

»¿Kamɨtsɨ 'Etsekiyaxi Kura kwieyaritsie mɨti'aitakai, meta yunaitɨ teɨteri Mikehaxi mete'umi? Matsi 'Etsekiyaxi Yawé kaniutimakani, meta kanitawawirieni mɨwatinenimayatakɨ. Hikɨ 'ana Yawé katiniuhayewa ke'axamuwayurienikekai kemɨtiwarutahekɨatɨakai. Hikɨta matsi tahetsie waɨkawa 'axamɨti'ane katininakirɨmeni tame mɨyateteyuriekaku».

1 Kemɨtiuyɨ 1:14

meta mepɨxiɨyarimamatɨkai kewutseutsixi, 'amuxeutsixi, keriketseutsixi,

Keremiyaxi 42:10

“Xɨka 'ena xeyuhayewani 'ikɨ kwieyaritsie, ne kii hepaɨ nekanixekatsutɨamɨkɨ, hatsuaku nepɨkaxeka'una, ne nekanixeka'emɨkɨ, hatsuaku nepɨkaxehahuna, hikɨke nemɨ'iyarixiekɨ 'uximatɨarika nexe'upitɨaka.