2 Tsamuheri 24:12 - Kakaɨyari Niukieya

¹² «Rawiri hetsɨa kenemie mɨpaɨ ketinetahɨawi: “Yawé mɨpaɨ kanaineni: ‘Nepɨmatsipitɨa 'ikɨ haikame 'uximatɨarikatsie xeime pemanayexeiyakɨ, yakenetineutahɨawi ke'aneme nepɨmatsipitɨani.’ ”»

2 Tsamuheri 24:12 ပူးပေါင်းရင်းမြစ်များ

Matsiɨkɨtɨ kemɨratɨa 3:19

Keyupaɨmeme nemɨwanaki'erie, mɨkɨ nepɨwatate'a nepɨtiwa'ɨkitɨa newa'uximatɨatɨ. 'Ayumieme 'aixɨa 'anemekɨ kene'awaɨriyani, ketineuhayewa kepemɨtiyuriene hikɨ.

Temaiwawemete 3:12

Yawé matsi pɨwaranayewaya tiwa'ɨkitɨatɨ kemɨ'ane mɨwanaki'erie, tewi yuniwe 'inaki'erietɨ kemɨti'ɨxatsitɨa hepaɨ.

2 Tsamuheri 12:14

Peru 'aniwe xeikɨa kanimɨmɨkɨ, yapetimaitɨ Yawé pemutatawe'erikɨ.

Mawari 26:43

Mɨkɨ kwie meku'eirieyu, kaniyutemawiekamɨkɨ xawati tukari maye'axenitsie mexixi mana katikuteitɨni. Matsi ke'axamemɨte'uyurikɨ yamekateneyutimaikuni, ne'aitsika memɨka'utanaki'erikɨ meta ne'inɨari niukiyari memuti'uxiwe'erikɨ.

Mawari 26:41

mɨkɨkɨ waɨriyarika mepɨnetsi'upitɨa nemɨwaranɨnɨ'anikɨ memɨwaraye'unie wakwietsie, xɨka wa'iyari kemɨtiyumate tixaɨtɨ mekateheyeitɨatɨ meta meheyutimaixɨame 'axakememɨte'uyurikɨ,

2 Tsamuheri 24:11

Hikɨ kwiximeri paitɨ, Rawiri ka'anukukewekaku 'akuxi, Yawé niukieya Kakaɨyari niukameya Kahari hetsɨa kaninuani, Rawiri hetsiemieme mɨtixeiya:

2 Tsamuheri 24:13

Hikɨ Kahari Rawiri hetsɨa nuaka mɨpaɨ katinita'iwawiya: —¿Kemɨ'ane pepeuyehɨwa: haika wiyari haakaxa takwiepa titaweni, nutsu memɨmatsi'aye'unie haika metseri mepɨmatsimietɨweni 'ekɨta pemɨ'aku'unanenikɨ, nutsu haika tukari kwiniya pɨtaweni takwieyaritsie? Keneutimaixɨa meta yakenetineutahɨawi yanemɨreitahɨawekɨ mɨnetsiheyenɨ'a.

1 Kemɨtiuyɨ 27:24

Kuhawi Tsariwiya nu'aya kanitsutɨani waraka'utɨanike, peru yunaime pɨkawaraka'utɨa Kakaɨyari muyeha'akɨ 'ixaheritsixi wahetsiemieme. 'Ayumieme kememɨyupaɨmekai mepɨkahaka'utɨarie Rawiri ti'aitakaku kemɨtiuyɨ xapayaritsie.

Keremiyaxi 30:11

Karikɨ ne 'ahamatɨa nekaniuyeikani nemetsitawikweitsitɨanikɨ —Yawé mɨpaɨ kanaineni—. Yunaime nuiwarite nekaniwaka'unamɨkɨ yuheyemekɨ kemɨ'ane wahetsɨa nemetsiheutanɨ'akai. Peru 'ekɨ naime nepɨkametsika'una, matsi nepumatikwinitɨani kemɨtiheitseriekɨ xeikɨa, peuyewetsetsiere nemumatikwinitɨakakɨ”.