2 Tsamuheri 23:1 - Kakaɨyari Niukieya

¹ 'Ikɨ Rawiri 'imatɨrieka mieme niukieya kanihɨkɨtɨni: «Rawiri 'Itsahi nu'aya kemɨtiwarutaxatɨa yuteɨterima, witsi'anɨyɨtɨkaime nɨawari mutiwewi 'ixaheritsixi wahetsiemieme, tewi, Mɨmariwe hepaɨtsitana 'aixɨa mutayɨ meta Kakuwu Kakaɨyarieya menayexei.

2 Tsamuheri 23:1 ပူးပေါင်းရင်းမြစ်များ

Nɨawari 89:20

Rawiri nekaniutaxeiya, neti'uximayatsiriwame, nekanikawirieni ne'atseiti mɨpatsiekɨ.

Kurutsetari 3:16

Kɨritsitu niukieya xehetsie keheyekani waɨkawa, naimekɨ xetemaiwawekaku: Mɨkɨkɨ xeketeneyɨ'ɨkitɨaka meta xekeneyutuikani, Kakaɨyari kwikarieyakɨ, nɨawari Kakaɨyari hepaɨtsita manuyɨnekɨ, kwikari 'Iyaritsie timieme hepaɨtsita manuyɨnekɨ xeteyɨkɨhɨawetɨ, xekeneutikwikani, yu'iyaritsie xe'inɨawatɨ Kakaɨyari, pamɨpariyutsi xe'ipitɨatɨ.

Rukaxi 24:44

Merikɨtsɨ mɨpaɨ katiniwarutahɨawe: —'Ikɨ niuki nekanixekuxaxatɨwakaitɨni xehamatɨa ne'uyeikatɨ 'akuxi, mɨpaɨ ne'utaitɨ kename heuyewekai maye'atɨarienikɨ naitɨ nehepaɨtsita kemɨre'uxa Muitsexi 'inɨarieya niukiyaritsie, texaxatamete waxapatsie meta kwikari xapayaritsie ne'utaitɨ.

'Amuxi 6:5

Rawiri hepaɨ xeikɨa, kwikari xepɨ'aita kaitsa hayuanekaku, meta xepinetɨa tiyuitɨwamete yukɨ 'aneneme,

Nɨawari 72:20

Rawiri nenewierieya 'Itsahi nu'aya 'enapu'axe.

Nɨawari 2:6

«Ti'aitame nekananukakeni Tsiyuni nehɨri mɨpatsie hetsie».

1 Kemɨtiuyɨ 16:9

Xekeneutikwikani, nɨawari hetsiena mieme. xekenekuxatani mariwemekɨ kemɨtiuyuri.

1 Kemɨtiuyɨ 16:7

Mɨkɨ tukaritsie, matɨari pɨyɨanekai Rawiri kwikari mɨyetɨa 'Atsahapi meta 'iwamama wahetsɨa 'ikɨ nɨawari Yawé hetsiemieme.

1 Tsamuheri 2:10

»Yawé memeye'unie kaniwaka'unamɨkɨ, muyuawitsiepaitɨ mimierɨkari kananakanɨ'amɨkɨ wahetsie. Yawé yunaime kwiepa memɨtama pɨwa'itsɨkame, mɨkɨ ti'aitamekɨ manukakeni waɨkawa tɨrɨkaɨyeme payeitɨani meta mɨkɨ menayexei tɨrɨkariya pupitɨa».

Tsatiyaku 5:13

Xɨka xeme xewitɨ tiuka'eniwani, keyutanenewieni. Mexɨka xewitɨ yutemawieka, ke'utakwikani.

Rukaxi 20:42

Mɨkɨ Rawiri tɨtɨ kwikari xapayaritsie mɨpaɨ kanaineni: »“Ti'aitame mɨpaɨ katiniutahɨawe Neti'aitɨwame: ‘Netserieta kenakani,

Hutarieka 'inɨari 33:1

Muitsexi 'akuxi kamɨwetɨ, Kakaɨyari ti'uximayatsiriwame, 'ixaheritsixi 'aixɨa kaniwaruyurieni:

Tsutɨarika 49:1

Merikɨtsɨ Kakuwu yuniwema kaniwarutakwewieni, mɨpaɨ katiniwarutahɨawe: «Xekeneuyukuxeɨri nepɨtixetaxatɨani kemɨtiyɨni xehetsie.

1 Tsamuheri 17:12

Rawiri 'Itsahi kaninu'ayatɨkaitɨni, 'Epɨrata kiekame Wereni kiekame Kura kwieyaritsie. Tsahuri 'amuyeikakaitsie, 'Itsahi 'akaniyumaikaitɨniri, 'atahaikame yuniwema kaniwarexeiyakaitɨni.

1 Tsamuheri 18:7

waɨkawa meyutemamawietɨ mɨpaɨ mekaniutiyuanekaitɨni: «Tsahuri xeikuyaxiyari kaniwarekwini, matsi Rawiri tamamata kuyaxiyari kaniwarekwini».

2 Tsamuheri 22:34

mɨkɨ pɨnetsipitɨa maxa hepaɨ nemɨranautsawenikɨ, meta hɨri 'amutitɨtɨtsie kanenipitɨaka nemɨkahekawautsenikɨ,

2 Tsamuheri 22:51

»Yawé, ti'aitamekɨ pemɨnetsi'anayexei pepɨnetsi'upitɨa waɨkawamekɨ nemɨrayu'iwanikɨ, ne Rawiri pemɨnetsi'anayexei meta nenuiwarima keniwaruxeitsitɨa waɨkawamekɨ kepemɨtiwanaki'erie yuheyemekɨ».

Nɨawari 89:21

Nemamá yuheyemekɨ pituikani, netɨrɨkariya pitatɨrɨkariya.