2 Tsamuheri 22:3 - Kakaɨyari Niukieya

³ nekakaɨyari, tete kanihɨkɨtɨni mɨwa nemuyuti'awiwieta. Nehetsie nunuwame pɨhɨkɨ, tɨrɨkariya nehetsie nunuwame, nemɨwayuti'awiwieta meutitewa pepɨhɨkɨ. Mɨkɨ neheima munua kanihɨkɨtɨni meta netsiwikweitsitɨwame. 'Ekɨ pepɨnetsi'utawikweitsitɨa hipatɨ menetsimietɨwekaku.

2 Tsamuheri 22:3 ပူးပေါင်းရင်းမြစ်များ

Nɨawari 9:9

Yawé, memɨnanaimarie waparewiwame kanihɨkɨtɨni, wahetsie nunuwame kanihɨkɨtɨni kepauka memɨte'uka'eniwa.

Kitsariyaxi 12:2

Kakaɨyari netsiwikweitsitɨwame kanihɨkɨtɨni. Hetsiena yuri nepɨti'erieka meta nepɨkaheumaka. Yawé netɨrɨkariya kanihɨkɨtɨni, Yawé nekwikari pɨhɨkɨ, mɨkɨ netsiwikweitsitɨwame kanihɨkɨtɨni».

Temaiwawemete 18:10

Yawé kawi 'amutewi hepaɨ kani'aneni, hetsɨana mekaniutinanautsani heitseriemekɨ yamemɨtekahu memɨtawikweitsitɨarienikɨ.

Temaiwawemete 30:5

»Kakaɨyari niukieya naitɨ taikɨ puti'inɨatsie, Kakaɨyari kaniwaparewieka kemɨ'ane hetsɨana memɨtewautɨwe 'aixɨa memɨ'itɨariekakɨ.

Nɨawari 46:11

Yawé Naimekɨmɨtɨrɨkaɨye tahamatɨa kaniuyeikani, hetsɨana temɨta'awieta Kakuwu Kakaɨyarieya kanihɨkɨtɨni.

Nɨawari 18:2

Yawé 'ai hepaɨ kani'aneni, mɨnetsikunama, mɨnetsiwikweitsitɨa, nekakaɨyari kanihɨkɨtɨni, 'ai 'amutitɨtɨ taɨta mɨnetsi'awieta. Nehetsie kaninunuwametɨni, tɨrɨkaɨyemekɨ mɨnetsiwikweitsitɨa, mɨkɨ 'ateewa paitɨ pɨnetsi'awieta.

Hutarieka 'inɨari 33:29

'Ixaheritsixi, xekeneyutemamawieka yutukarikɨ. ¿Tawari kemɨ'ane 'aku xehepaɨ, mepɨwikweitsitɨarie Yawé hetsie? Mɨkɨ 'ahetsie nunuwame pɨhɨkɨ meta metsiparewiwame, mɨkɨ xe'ixipara pɨhɨkɨ kɨmana xemɨtehayu'iwa. Memɨxekwitɨwe xehɨxie mepɨtitunuma'uni, wawari, hetsiena xema'uwe pakɨne».

Tsutɨarika 15:1

Hikɨ mɨpaɨri tiɨyɨku, Yawé 'Apɨrami kaniutahɨawe heinɨtsika hepaɨ tiyuxexeiyamekɨ: «'Apɨrami, pepɨkaheumaka. Ne 'ahetsie nunuwame nekanihɨkɨtɨni, kenemɨmatiyetuirieni waɨkawa katinayeimɨkɨ».

Hepɨrayutsixi 2:13

Mɨpaɨ paine meta: «Ne yuri nepɨti'erieka hetsiena». Mɨpaɨ meta paine: «'Ena xepɨnetsixeiya, neniwema Kakaɨyari mɨnetsiyetuiri».

Rukaxi 1:69

Tatsiwikweitsitɨwame tɨrɨkaɨyeme kataneyenɨ'airieni, Rawiri kie mieme, ti'uximayatsiriwame

Nɨawari 144:2

Mɨkɨ nekakaɨyari kanihɨkɨtɨni mɨtiyukanaki'erie, nehetsie nunuwame, mɨmariwe hetsiena nemɨne'awieta, netsixɨname, kɨmana nemɨyukunarɨma kanihɨkɨtɨni. Mɨkɨ mɨnetsipitɨa kanihɨkɨtɨni neteɨterima nemɨtiwa'aitɨakakɨ.

Nɨawari 59:16

Ne matsi 'atɨrɨkariya nepɨnɨawani, ximerita 'anaki'eriya nepɨnɨawani, 'ekɨ nehetsie nunuwame pemɨhɨkɨkɨ, kepauka nemu'uximatɨarie 'ahetsɨa nepɨneti'awiwieta.

Nɨawari 14:6

Xeme tixaɨtɨ memɨkatehexeiya kememɨteyukɨhɨawe xemɨtewakwatsirie, peru Yawé wahetsie kaninuaka.

Keremiyaxi 16:19

Yawé, netɨrɨkariya meta pemɨnetsi'awieta, 'ahetsɨa nemɨneti'awiwieta kepauka 'uximatɨarika nemexeiyani: kwie manu'axetsie paitɨ 'ahetsɨa nuiwarite mepɨ'axɨani, hikɨ mɨpaɨ mepɨtiyuani: «'Itarika xeikɨa ta'ukiyarima mepɨte'umikie, tixaɨtɨ mɨkatihɨkɨ mepɨte'umikie, nitixaɨtɨ mɨkatiyunaki'erie.

Kitsariyaxi 32:2

Yuxexuitɨ mɨkɨ 'eka hepaɨtsita memuyu'awietani hepaɨ mekani'anekuni, wiyeri mɨ'ekama mɨkawakema, haa 'akite 'utɨma muhapaneni hepaɨ makumawetsie, 'ai 'etɨriyari mekanihɨkɨtɨkakuni makumawetsie.

Nɨawari 140:4

Yawé, kenene'ɨwiyani 'axateyuruwamete wahepaɨtsita, kenene'ɨwiyani memɨteyumemiwa wahepaɨtsita, mɨkɨ memɨnetsihatihɨaximekɨ xeikɨa.

Nɨawari 55:9

Ti'aitame, keniwaruka'una, mekayu'eniekame keniwarayeitɨa. Kiekaritsie nanaimarika 'imieri xeikɨa nepɨxeiya,

Nɨawari 46:7

Yawé, Naimekɨmɨtɨrɨkaɨye tahamatɨa kaniuyeikani, hetsiena temɨta'awieta Kakuwu Kakaɨyarieya kanihɨkɨtɨni.

Rukaxi 1:71

mɨtatsitawikweitsitɨanikɨ mɨkɨ memɨtatsi'aye'unie memɨkatatsi'a'iwakɨ, meta mɨkɨ memɨtatsi'uxiwe'erie memɨkatatsi'a'iwakɨ,

Nɨawari 140:11

Meke'ukumawere 'ena kwiepa teɨteri memɨte'itawa, 'uximatɨarikakɨ mete'uka'eniwatɨ meke'ukwini yunaitɨ teɨteri memɨteyukananaima.

Nɨawari 140:1

Neuxei Yawé, 'axateyuruwamete watsata keneneutawikweitsitɨa, kenene'ɨwiyani memɨteyukananaima wahepaɨtsita,

Nɨawari 86:14

Kakaɨyari 'aku, teɨteri meyɨwaweme meyuxatatɨ mepɨnetsimietɨwe, yuwaɨkawatɨ meyɨnɨtɨ teyumiekate mekanenimiekuni. Teɨteri peka'uyeikame me'erietɨ mekaniyɨaka.

Nɨawari 84:11

Yawé tau hepaɨ kani'aneni meta tepɨa tahetsie nunuwame, Kakaɨyari tahetsiemieme witsipɨtikuxata. Yawé kaniwareu'enieka heitseriemekɨ memu'uwa wahetsie karahɨpatɨ.

Nɨawari 84:9

Kakaɨyari 'aku, tepɨa tahetsie nunuwame, pemanayexei keneuxeiya 'aixɨa 'anemekɨ.

Nɨawari 72:14

Pɨwaxɨna kememɨtenanaimarie, mɨtimatekɨ watukari meuyewetsekɨ.

Nɨawari 71:7

Yuwaɨkawame wahepaɨtsita, 'inɨari nepɨhɨkɨ, matsi 'ekɨ nehetsie nunuwame pepɨhɨkɨ pemɨkawatayuane.

Nɨawari 61:3

'Ekɨ netsi'awiwietame pepɨhɨkɨ, pemɨnetsitɨrɨkariya memɨnetsi'aye'unie wahetsiemieme.

Nɨawari 46:1

Kakaɨyari tahetsie nunuwame kanihɨkɨtɨni, hetsiena temɨta'awieta, yuheyemekɨ tatsiparewiwame kepauka temu'uximatɨarie.

Nɨawari 28:7

Yawé netɨrɨkariya kanihɨkɨtɨni meta nehetsie nunuwame, ne'iyari hetsiena katiniwiyani, mɨkɨ kaneniparewieka. Ne'iyari kaniutitsukwakani temawierikakɨ, ne'utakwitɨ pamɨpariyutsi nekanipitɨamɨkɨ.

Nɨawari 27:5

Metsɨ kepauka 'uximatɨarika tukariyari maye'ani mɨkɨ kaneni'awietakamɨkɨ yukiita, tukieya nehetsie kaninuakamɨkɨ, 'ateewa kanenakakemɨkɨ, 'ai heima paitɨ.

Nɨawari 5:12

'Ekɨ Yawé 'aixɨa pepɨwayurie yamemɨtekahu, kuya muyukunarɨma pehɨkɨtɨtɨ pepɨwareutinama mɨpaɨ mɨmatinakekɨ.

Nɨawari 3:3

Matsi 'ekɨ, Yawé, pepɨnetsiheutinama kuya kɨmana muyukunarɨma pehɨkɨtɨtɨ, 'ekɨ pepɨnexawatɨriya, 'ekɨ nemu'u pepanukunieritɨa.

2 Tsamuheri 22:51

»Yawé, ti'aitamekɨ pemɨnetsi'anayexei pepɨnetsi'upitɨa waɨkawamekɨ nemɨrayu'iwanikɨ, ne Rawiri pemɨnetsi'anayexei meta nenuiwarima keniwaruxeitsitɨa waɨkawamekɨ kepemɨtiwanaki'erie yuheyemekɨ».

2 Tsamuheri 22:49

'Ekɨ neheima pepunua memɨnetsi'aye'unie wahepaɨtsita, 'ekɨ 'aixɨa pepɨnetipitɨa memɨnetsi'aye'unie wahepaɨtsita, pekaneniwikweitsitɨaka teɨteri memɨnetsihaukuwaxɨa wahepaɨtsita.

1 Tsamuheri 2:1

Hana kemɨtiukwikaxɨ: «Ne'iyari Yawé hetsie tiwiyatɨ puyutemawie, netɨrɨkariya mana pɨtiwiya. Nepɨnetemawie Kakaɨyari mɨnetsi'utawikweitsitɨakɨ nepɨyɨwe memɨnetsi'aye'unie nemɨwara'iwa.

Hutarieka 'inɨari 32:37

Mɨpaɨ pɨtiwatahɨawe: “¿Hakewatamɨ xekakaɨyarixi, tete kɨmana xemuyuti'awietaxɨ?

Titu 3:6

Mɨkɨ 'Iyari kaniutatuani tahetsie waɨkawamekɨ temeixeiyanikɨ, tatsiwikweitsitɨwame Ketsutsi Kɨritsitu yatatiumiku.

Titu 3:4

Peru kepauka matsiɨkɨtɨ matɨa 'aixɨa kemɨtiuka'iyari meta Kakaɨyari naki'eriyaya tatsiwikweitsitɨwame,

Rukaxi 1:47

ne'iyari kaniyutemawieka Kakaɨyari hetsie Netsiwikweitsitɨwame,

Keremiyaxi 16:9

Mɨpaɨ mainekɨ Yawé Naimekɨmɨtɨrɨkaɨye, 'Ixaheri Kakaɨyarieya: Naime 'ixɨarari temawierikayari nekatinanu'atɨamɨkɨ 'ikɨ kiekaritsie timieme, neneɨkeme meta wikiwame wakwikari. 'Ikɨ yakatiniyɨmɨkɨ yutukaritsie, meta xeme xekaninenierikuni.

Kitsariyaxi 45:21

Yaxekeneutiyua, xeketeneutahekɨata. ¿Kemɨ'ane 'ipaɨ putayɨ meripaitɨ, kemɨ'ane yaputayɨ meripaitɨ? ¿Kamɨtsɨ ne, Yawé, yanekatiutayɨ? Tawarita xewitɨ Kakaɨyari kaniumaweni, Kakaɨyari heitserie hexeiyatɨ meta tiyuwikweitsitɨwatɨ, tawarita xewitɨ kaniumaweni.

Nɨawari 32:7

'Ekɨ nehetsie nunuwame pepɨhɨkɨ, 'ekɨ netsi'ɨwiyame pepɨhɨkɨ kepauka nemɨyekweriwa'itɨariene, 'ana kwikari pekanenipitɨamɨkɨ kenemɨrayu'iwaxɨ hetsiemieme.

Nɨawari 142:4

Tsiparatsɨ keneneuxeiya: nixewitɨ parewiya pɨkanetsiyetuirie. Nepɨkaheixeiya hakewa nemeyuti'awieta, xewitɨ pumawe nehepaɨtsita yu'iyaritɨatɨ.

Hutarieka 'inɨari 32:4

Mɨkɨ tete kanikɨtɨni, 'uximayatsikaya pɨheitserie, naitɨ huyeya 'aixɨa pɨ'anene. Kakaɨyari yapɨtikamie, 'axapɨkatiyuriene. Mɨkɨ heitserie pexeiya meta 'aixɨa pɨtiuka'iyari.

1 Tsamuheri 2:2

»Nixewitɨ tɨma 'apɨka'uyeika Yawé hepaɨ patsietɨ, nixewitɨ pumawe tahetsie nunuwame takakaɨyari hepaɨ, xewitɨ hepaɨna 'anetɨ pumawe.

2 Tsamuheri 22:31

»Kakaɨyari huyeya matsi yemekɨ 'aixɨa kani'aneni, Yawé niukieya tixaɨtɨ pɨkareuyewetse. Kakaɨyari rahetsie tinunuwame pɨhɨkɨ kemɨ'ane hetsɨana memuyu'awieta.

2 Tsamuheri 22:47

Yawé kanayeyurini. Ne'ai hepaɨtsita 'aixɨa keraniuwani. Kakaɨyari netsiwikweitsitɨwame 'aixɨa ketikuxaxatsiwani.

2 Tsamuheri 23:3

'Ixaheritsixi wakakaɨyari mɨpaɨ kaniutayɨni, 'Ixaheritsixi wa'ai mɨpaɨ kanetiniutahɨawe: “Kemɨ'ane mɨtiwa'aitɨa teɨteri kemɨtiheitserie, kemɨ'ane Kakaɨyari 'ayemakaxetɨ mɨti'aita,

Memeyekɨ 15:2

Yawé pɨnetɨrɨkariya meta pɨnekwikari, mɨkɨ pɨnetsiwikweitsitɨwame. Mɨkɨ pɨnekakaɨyari, nepinɨawani, mɨkɨ nepaapa Kakaɨyarieya pɨhɨkɨ, 'ayumieme 'aixɨa nepaineni hetsiena mieme.

Nɨawari 9:10

'Ahetsie yuri mepɨte'erie kemɨ'ane memɨmatsimate, 'ekɨ, Yawé, pemɨkawaruku'e'eiriwakɨ kemɨ'ane memɨmatsikuwautɨwe.

Nɨawari 46:2

'Ayumieme tepɨkaheumamaka, tsepa kwiepa kemɨtiyɨane tsepa yemurite haramara hixɨapa mɨtiukayunixɨa,