2 Tsamuheri 21:1 - Kakaɨyari Niukieya

¹ Merikɨtsɨ Rawiri ti'aitakaku haaka kaniutaweni haika wiyari. Rawiri Yawé kaniutahɨawe miparewienikɨ, mɨpaɨ Yawé katinita'eiya: «Tsahuri meta nuiwarimama puwanakekai hipame waxuriya memɨtayeurienikɨ, mɨkɨ kawahunitari mepɨwarukwi, 'ayumieme haka kanixuaweni».

2 Tsamuheri 21:1 ပူးပေါင်းရင်းမြစ်များ

Tsutɨarika 26:1

Mɨkɨ tukaritsie waɨkawa haakaxa kanayani mɨkɨ kwieyaritsie, meripaitɨ 'Apɨrahami muyeikakaitsie hepaɨ. 'Ayumieme 'Itsahaki kaneyani Keraxi, 'Awimereki manuyeikakai piritsiteutsixi tiwa'aitɨwame.

Tsutɨarika 12:10

Hikɨ 'ana haakaxa kanayani waɨkawa 'Apɨrami manukateitsie, 'ayumieme kaneyani 'Ekipitu paitɨ.

Nɨawari 91:15

Mɨkɨ pɨnetsitahɨawe, neta nepita'eiya, hamatɨana nepuyeikani kepauka 'uximatɨarika mexeiyani, nekanixɨnamɨkɨ 'aixɨa nekatinitahɨawimɨkɨ.

Nɨawari 50:15

Keneneutahɨawi kepauka 'uximatɨarika pemexeiya, ne nepɨmetsixɨna, 'ekɨta 'aixɨa pepɨnetitahɨawe».

Kuwi 10:2

Kakaɨyari mɨpaɨ nepɨrahɨawe: nehetsie pepɨkatiuhɨpani. Tita kuta nehepaɨtsita perayexeiya yakeneutayɨki.

2 Te'aitamete 8:1

Merikɨtsɨ, 'Eritseu 'ukaratsi mɨpaɨ katiniutahɨawekaitɨni nunutsi xeime menutanieritɨiriekai: «Kenemie, 'aniwe meta 'akɨna xeyunaitɨ tsepa hakewa, Yawé mɨpaɨ kanaineni haakaxa waɨkawa kanayeimɨkɨ 'ikɨ kwieyaritsie 'atahuta wiyari kaniyurimɨkɨ».

2 Te'aitamete 6:25

Mɨixa tukari memukunamiekaikɨ waɨkawa haakaxa kaniutixuawere, 'ayumieme mana puxu mu'uya kaninanaiyakaitɨni xeikiruyari pɨrata tepɨayarikɨ meta kukuruxi wamiri xeiwatsuyari haika tewiyari kɨramuyari.

1 Te'aitamete 18:2

Hikɨ 'Eriyaxi kanayeyani 'Akawi hetsɨa heyaka. Mana Tsamariya kiekariyaritsie waɨkawa kanihaakaxatɨkaitɨni.

1 Te'aitamete 17:1

Merikɨtsɨta 'Eriyaxi, Titsiwe kiekame Karaha kwieyaritsie, kanekuyeixɨani 'Akawi hetsɨa, mɨpaɨ katinitahɨawe: «Yurikɨ mɨpaɨ nekanaineni Yawé hɨxie, 'ixaheritsixi takakaɨyari, ne nemeyexeiya, mɨpaɨ nepɨmerahɨawe tawari pɨkakuhaɨtsiyata meta pɨkakawiye yapaɨmexɨa wiyari 'ena makahutsie, kepaukake ne yanemɨtayɨni».

2 Tsamuheri 5:23

Hikɨ tawarita Rawiri Yawé kaniuta'iwawiya. Yawé mɨpaɨ katinita'eiya: —'Akuxi pepɨkawarutakukuyani, wawarita xekenekɨkɨni waritsamu kɨyexiyari maku'u xekeneu'axɨa, hikɨ mana wawarita pɨta xekenayenexɨaka xekeniwarutakuya.

2 Tsamuheri 5:19

Hikɨ Rawiri Yawé mɨpaɨ katiniuta'iwawiya: —¿Piritsiteutsixi netiwatakwini? ¿Tɨrɨkariya penetipitɨani nemɨwara'iwakɨ? Yawé mɨpaɨ katinita'eiya: —Keniwarutakuya, nekamenipitɨamɨkɨ pemɨwara'iwakɨ.

1 Tsamuheri 23:11

¿'Ena kiekatari meneteyetuani Tsahuri hetsɨa? ¿Mɨpaɨ memɨnetekuhɨawe, tiyuri kename Tsahuri 'uhamie? Yawé ne nemaniwawirieka, 'Ixaheri Kakaɨyarieya, nemɨtimaikakɨ kenetineutaxatɨa. Yawé mɨpaɨ katinita'eiya: —Huu, kaninuamɨkɨ.

1 Tsamuheri 23:4

Hikɨ Rawiri tawarita Yawé kaniutahɨawe, Kakaɨyari mɨpaɨ katinita'eiya: —Kenemie Kehira kiekariyaritsie, piritsiteutsixi nepɨmatsiyetuirieni pemɨwara'iwakɨ.

1 Tsamuheri 23:2

Yawé kaniuta'iwawiya: —¿Reuyewetse piritsiteutsixi nemɨwakwimiekɨ? Yawé mɨpaɨ katinita'eiya: —Kenemie, piritsiteutsixi keniwaretakuya, Kehira kiekariyari kenetawikweitsitɨa.

Kutsuhexi 7:1

Peru, 'ixaheritsixi Yawé mepɨka'anu'eni memɨte'uti'utaxɨkɨ tita memɨtetitaiyakekai, 'Akani Karimi nu'aya Tsawiri teukarieya Tsera tutsieya, mɨkɨ yatipaɨmeme katiniuti'awieta yuhetsiemieme Kakaɨyari tita mɨti'aitakai memɨtetitaiyakɨ. Mɨkɨ tewi Kura nuiwarieyatsie mieme mɨyatiuyurieku Yawé kaniuyeha'ani 'ixaheritsixi wahekɨ.

'Inɨatsie 27:21

Hikɨ mawari wewiwame 'Eriyatsaxi hetsɨa kaniye'amɨkɨ, yamɨtayɨnikɨ 'inɨari wewietɨ 'urimi meta tumimi hekɨ Yawé kanitahɨawimɨkɨ. Kepauka Kutsuhexi mɨta'inieni memuyukwiyukɨ, yunaitɨ teɨteri mekaniyehuni hamatɨana, meta kepauka mɨta'inieni memakunuaxɨanikɨ, mɨkɨta mekanakununuwakuni.

Mawari 26:26

Kepauka xe'ikwai naime nemɨtikumaweriyatsie tamamata 'ukari paa mepɨkwaxiyani xeihuxunuta xehetsiemieme. Meta mepuwatamini yapapaɨmeme, kepauka xemitikwani mɨkɨkɨ xepɨkatihuxani.

Tsutɨarika 43:1

Naitsarie Kanani kwieyaritsie matsi waɨkawa mepɨyehaakakwitɨwekai.

Tsutɨarika 41:57

Yaxeikɨata 'ateewa paitɨ meheyekɨkatɨ 'Ekipitu mekani'axekaitɨni, tɨriku mekunanetɨwetɨ Kutse hetsɨa, mɨhaakaxatɨkaikɨ kwinimieme naitsarie kwie kemɨyewa.

Tsutɨarika 42:5

Hikɨ 'Ixaheri tɨɨriyamama kepauka memeta'axɨa metetaxɨawienike, matsi naitsarie waɨkawa kanihaakaxatɨkaitɨni, Kanani kwieyaritsie.

2 Tsamuheri 16:8

'Aixɨa kani'aneni Yawé 'uximatɨarika mɨmatsipitɨa Tsahuri tɨɨriyamama pemɨwarukwikɨ. 'Ayumieme Yawé 'aniwe 'Awitsaruni pɨta ti'aitame kanayeitɨani. 'Axa'anemetsie pekaniyukahɨani. 'Ekɨta yaxeikɨa pepɨ'itɨarieni kepemɨtiuyuri pemɨti'amiekamekɨ.

2 Tsamuheri 20:26

'Ira Yahixi kiekame ti'aitame Rawiri hetsiemieme mawari wewiwame pɨhɨkɨtɨkai.

2 Tsamuheri 21:5

Mɨkɨ mɨpaɨ mekatenita'eiya: —Tsahuri pɨtatsika'unamɨkɨkai, matsi katanakɨxɨtɨanikekaitɨni meta 'Ixaheri wakwieyaritsie katanayeweiya.

2 Tsamuheri 24:1

Merikɨtsɨ Yawé 'ixaheritsixi wahetsiemieme tawarita kaniuyeha'ani, Rawiri mɨpaɨ katiniu'eritɨani teɨteri wahetsiemieme mɨpaɨ mɨtayɨnikɨ: «'Ixaheri kwieyaritsie kiekatari meta Kura kwieyaritsie kiekatari kuyaxi xekeniwaruti'inɨata».

Kutsuhexi 9:20

'Ipaɨ pɨta tekaniwayurikuni: tepɨkawakwini 'uximatɨarika te'upitɨarienikɨ, tɨratu te'uwewieka temɨte'itanikɨ.

Xuti 1:1

Merikɨtsɨ, meripaitɨ 'itsɨkate mete'aitakaku mɨkɨ kwieyaritsie, haakaxa kaniutaweni. Xewitɨ tewi Wereni kiekame Kura kwieyaritsie heyeyaka Muhawi kwieyaritsie peta'a, yɨ'ɨya meta yuniwema yuhutame warawitɨtɨ.

1 Tsamuheri 10:22

Hikɨ tawarita Yawé mekaniuta'iwawiya: ¿Kamɨtsɨ mɨkɨ tewi hikɨ 'ena tahamatɨa tiuyeika? Yawé mɨpaɨ kaniutayɨni: —Huu, xepiinite mɨratipinetsie kaniyu'awietani.

Nɨawari 27:8

Ne'iyari mɨpaɨ kanetinahɨaweni: «Nierikaya keneutiwawa». Neta, Yawé, 'anierika nekaniwauneni.