2 Tsamuheri 20:6 - Kakaɨyari Niukieya

⁶ 'Ayumieme Rawiri 'Awitsahi mɨpaɨ katiniutahɨawe: «Hikɨta Tsawa Wikɨri nu'aya waɨkawa matsi 'axakataniyuriemɨkɨ keyuri 'Awitsaruni. 'Ayumieme kuyaxi 'aixɨa memɨ'anene keniwaruta'inieka kenanukuweiya, nɨka xeime kiekari 'aixɨa mɨ'anetsie heyuti'awieta, tatsi'utawikweiya».

2 Tsamuheri 20:6 ပူးပေါင်းရင်းမြစ်များ

1 Te'aitamete 1:33

ti'aitame mɨpaɨ katiniwarutahɨawe: —Xekeniwara'inietɨ paratsiyuta memɨte'uximaya, neniwe Tsarumuni xekenanutiyetsa nemuratsie, hikɨ xekenanuwitɨki Kikuni haixayari matiniere paitɨ,

2 Tsamuheri 21:17

Hikɨ 'Awitsahi Tsariwiya nu'aya kaneyani Rawiri parewienike, hikɨ piritsiteu katiniukwinitɨani kanimieni. 'Ana Rawiri kuyaximama mɨpaɨ mekatenitahɨawe: «Hatsuakuri 'ekɨ ti'aitame pepɨka'ayeyaniri tahamatɨa pemɨ'amienenikɨ, xewitɨ matsi'umienikɨ meta 'ixaheritsixi takɨxeme kapa 'utɨnikɨ».

2 Tsamuheri 11:11

'Uriyaxi mɨpaɨ katinita'eiya: —Kakaɨyari tɨratuya kakuniyari meta yunaitɨ kuyaxi 'ixaheritsixi meta Kura kiekatari 'ixuriki xamaruyaritɨa yeuta mekanekuteni, meta neti'aitɨwame Kuhawi metatsiere 'iparewiwametemama, 'aixɨa pɨka'ane ne nekiita nemɨye'ani witsinemɨtiukwa'ani meta ne'ɨya hamatɨa ne'ukahuputɨ. Yurikɨ Ti'aitame hɨxie ne mɨpaɨ nekanaineni nepɨkayɨwe mɨpaɨ nemɨyɨaneni.

1 Kemɨtiuyɨ 18:12

Meta 'Awitsahi Tsariwiya nu'aya 'erumitsixi kaniwara'iwa Mayeweri Maye'unaya mɨrayetewatsie, mana kaniwarukwini tamamata heimana 'atahaika miriyari.

1 Kemɨtiuyɨ 11:20

'Awitsahi Kuhawi 'iwaya, mɨkɨ memɨyuhaika katiniwa'aitɨwametɨkaitɨni, mɨkɨ 'aixɨa katinikuxaxatsiwakaitɨni. Mɨkɨ heiwa yupitsika hakwetɨ kaniyutamieni, haika tsienituyari teɨteri kaniwarukwini.

2 Tsamuheri 23:18

'Awitsahi, Kuhawi pɨ'iwaya Tsariwiya nu'aya, mɨkɨ yuhaikame kaniwanɨ'akaitɨni, mɨkɨ matsi 'aixɨa katinikuxaxatsiwakaitɨni. Heiwa pitsika xeikɨa 'akwetɨ kaniuyutamieni, kaniwarukwini haika tsienituyari kuyaxi.

2 Tsamuheri 19:7

Neuxei hikɨmɨ. Kenanuyeye'a 'akuyaxima keniwaretawaɨritɨa. Xɨka mɨpaɨ pekatiuyurieni, Yawé hɨxie yanekanaineni hikɨ tɨkariyaritsie nixewitɨ tɨma kuya 'ahetsɨa pɨkayuhayewa. 'Ana matsi waɨkawa peyuhiwerietɨ penayeimɨkɨ ti'aitame, kepemɨkati'akahiweriwekai meripaitɨ hikɨ 'akuxi».

2 Tsamuheri 18:12

Peru kuya mɨpaɨ katinita'eiya: —Tsepanetɨ xeimiriyari tumini pɨrata nemanu'ɨi, xɨari yaxeikɨa nenepɨkanewaɨriya para ti'aitame nu'aya nemumienikɨ, tanaitɨ tepe'enana kepauka xemehɨritɨarie 'ekɨ, 'Awitsahi meta 'Itahi ti'aitame nu'aya temaikɨ 'Awitsaruni xemɨkahenanaimakakɨ.

2 Tsamuheri 18:2

Yunaime me'ayehaikame kaniwarayeitɨani, mexɨakate Kuhawi kaniwarawitɨkɨkaitɨni, hutarieka miemete 'Awitsahi kaniwarawitɨkɨkaitɨni Tsariwiya nu'ya, Kuhawi 'iwaya meta hairieka miemete 'Itahi Kahati kiekame kaniwarawitɨkɨkaitɨni. Hikɨ kaniwarenɨ'ani memɨyukwiyukɨ. Ti'aitame mɨpaɨ kaniutayɨni: —Neta xehamatɨa nekanimieni.

2 Tsamuheri 10:14

Tsiriyutsixi kememɨteyuta'unakai mewaruxeiyaka, yaxeikɨata 'amunitsixi 'Awitsahi memakatɨ mekaniyuta'unaxɨani yukiekaritsie mekaniyuti'awietaxɨani. Hikɨ 'ayumieme Kuhawi katiniuhayewa 'amunitsixi watakwinike, Kerutsareme kanakunuani.

2 Tsamuheri 3:39

Hikɨ ne, tsepanetɨ ti'aitamekɨ nemanayexeiyarie, 'akuxi ne nekaniweranini, Tsariwiya niwemama yɨkɨ nemɨwaruyurieni nepɨkayɨwe. Yawé 'axakerekapitɨani mɨkɨ kemɨ'ane 'axamɨtiuyuri».

2 Tsamuheri 3:30

Kuhawi 'Awitsahi matɨa 'Awinexi mekaniumieni wa'iwa 'Atsaheri mumiekaikɨ Kawahuni kiekariyari 'aurie memayutakwitsie.

2 Tsamuheri 2:18

Mana mekaniu'uwakaitɨni Tsariwiya niwemama: Kuhawi, 'Awitsahi meta 'Atsaheri. 'Atsaheri kwinimieme pɨranautsawekai, maxa kemɨranautsawe hepaɨ 'amakuyewatsie,

1 Tsamuheri 26:6

Hikɨ 'ayumieme Rawiri 'Akimereki heti tewiyari meta 'Awitsahi Tsariwiya nu'aya Kuhawi 'iwaya kaniwaruta'iwawiya: —¿Kemɨ'ane nehamatɨa puyuwaɨriya Tsahuri manuka temuhukɨ? 'Awitsahi mɨpaɨ kaniutayɨni: —Ne 'ahamatɨa nekanimieni.

Keremiyaxi 8:14

«¿Keteteyurie 'ena tetitetɨ? Hikɨmɨtɨka, teyunaitɨ kiekari kuraruyari 'amatitetewatsie tepɨyehu mana temekwinikɨ. Yawé takakaɨyari pɨtatsikwine. Haa pɨtatsi'uharitɨa 'uayemakame, 'axatemɨte'uyurikɨ hepaɨtsitana.

Marikuxi 3:24

Yaxeikɨata, xeime kwieyaritsie kiekatari xɨka hixɨata meyutsana, xɨka me'ayuka'unieka, mɨkɨ wakuwiyexinu pɨkayɨweni 'emɨreutewinikɨ.