2 Tsamuheri 2:6 - Kakaɨyari Niukieya

⁶ Hikɨta, Yawé kexenaki'erieka meta 'aixɨa ketiuka'iyarini xehetsiemieme, neta 'imikieri nepɨtixeyetuirienikeyu mɨkɨ hepaɨtsita ke'aixɨa xemɨte'uyurikɨ.

2 Tsamuheri 2:6 ပူးပေါင်းရင်းမြစ်များ

Temaiwawemete 14:22

Kemɨ'ane 'axamemɨteyuriku mepeiyehɨani huye 'aixɨa mɨ'ane, matsi naki'eriya meta tita yuri mɨraine mepukaxexeiya kemɨ'ane 'aixɨa memɨteyurie.

Memeyekɨ 34:6

hɨxiena 'uyemietɨ mɨpaɨ kaniutayɨni: —Yawé, Yawé, Kakaɨyari 'aixɨa mɨtiuka'iyari, nepɨkayumexɨitɨa nemɨyeha'anikɨ, pɨmariwe nenaki'eriya, ne'iyarikɨ 'aixɨa nepɨtiuka'iyari,

Mateu 5:44

Ne matsi mɨpaɨ nepɨtixekɨhɨawe: Xekeniwanaki'erieka mɨkɨ memɨxe'aye'unie, xekeneyunenewieka mɨkɨ memɨxe'uweiya wahetsiemieme.

Mateu 5:7

'Aixɨa mekani'itɨarieka mɨkɨ memɨteyukanenimaya, mepɨtinenimayatsieni.

Mateu 10:16

Neri nepɨxeheutanɨ'axɨa muxatsi wahepaɨ 'ɨrawetsixi watsata. 'Ayumieme, xeketenemaiwaweni kuterixi wahepaɨ, peru xepɨka'inɨka tita 'axamɨti'ane kukuruxi wahepaɨ.

Nɨawari 57:3

Muyuawitsie paitɨ 'akawetɨ kaneniutawikweitsitɨwani, kemɨ'ane memɨnetsi'uweiya menetsimienike kaniwatate'ani. Kakaɨyari yunaki'eriya meta tita yuri mɨraine kanenanɨ'airiemɨkɨ.

2 Tsamuheri 15:20

Nepɨkamatsipitɨa tahamatɨa pemɨyemiekɨ, 'ekɨ pekaniye'akake, ne 'atsinepɨkatimate ketemɨteheuyune. 'Ayumieme keneukunua 'ateɨterima keniwarawitɨtɨ. Kakaɨyari 'ahamatɨa ke'uyeikani matsinaki'erietɨ 'aixɨa tiuka'iyaritɨ.

2 Tsamuheri 10:2

Merikɨte Rawiri mɨpaɨ katiniu'erieni: «Peuyewetse 'aixɨa nemɨtixeiyanikɨ Kanuni Nakaxi nu'aya, nehamatɨa paapaya ketemɨteyuxewikai hepaɨ». Hikɨ niuki tuayamete kaniwarenɨ'ani, memeinɨtɨanikɨ paapaya mumɨkaikɨ. Kepauka Rawiri nɨ'arimama, memeta'axɨa 'amunitsixi wakwieyaritsie,

2 Tsamuheri 9:7

Hikɨ Rawiri mɨpaɨ katinitahɨawe: —Pepɨkamaka, matsi 'apaapa Kunatani neha'eriwatɨ, nepɨnewaɨriya 'aixɨa nemɨmatsiyurienikɨ. Naime nemaniyetuiriemɨkɨ kwie 'ateukari Tsahuri manuyeikakaitsie meta hikɨri 'ena mautiyune nepɨmatimikwani nemexatsie timieme.

2 Tsamuheri 9:3

Ti'aitame tawarita kanita'iwawiya: —¿Xewitɨ 'akuxi katiyuhayewane Tsahuri nuiwarieya? Kakaɨyari pɨnetsi'uyuitɨa waɨkawa nemiparewienikɨ. Tsiwaha mɨpaɨ katinita'eiya: —Huu, ti'aitame. Kunatani 'akuxi niweya xewitɨ puyuhayewane muhurie yu'ɨkatetsie.

2 Tsamuheri 2:7

'Ayumieme xekeneyuwaɨriyani meta xepɨkamamaka, tsepanetɨ Tsahuri tixe'aitɨwame mumɨ, Kura nuiwarimama nemu'utsie hatseiti mekaneniukawirieni tiwa'aitɨwame nemɨhɨkɨtɨnikɨ».

Kutsuhexi 2:14

Mɨkɨ mɨpaɨ mekaniutiyuani: ―Tame yatepaitɨka Yawé hɨxie tatukari teyetuatɨ kename 'atsixekate'anuyekɨne, xɨkatsɨ pekatatsi'utaxaneta tame 'aixɨa tepɨteyurieni 'ahetsiemieme, tepɨtehaye'atɨani ketemaitɨka kepauka Yawé mɨtatsiyetuirieni 'ikɨ kwie.

Xuti 1:8

Hikɨ Nuhemi mɨpaɨ katiniwarutahɨawe yumu'e'ema: ―Neuxei, yuxexuitɨ yukie xekeneutayeixɨa yumaamama wahetsɨa. Yawé 'aixɨa ketixexeiyani kexemɨtewanaki'eriekai memukwi, wahetsie kexemɨtewiyakai, yaxeikɨata kexemɨnetenaki'eriekai ne.