2 Tsamuheri 19:43 - Kakaɨyari Niukieya

⁴³ Matsi 'ixaheritsixi tawarita mɨpaɨ mekaniutiyuani: —¿Ketitayari kuta waɨkawa xetatsixani'erietɨ xeteyɨa? Tame matsi tamamata mexɨa heitserie tepexeiya Rawiri ti'aitame hetsiemieme keyuri xeme. Meta, tame meri tete'ita'ini munuanikɨ. Hikɨ matsi Kura kwieyaritsie kiekatarita waɨkawa meha'atɨ mekaniwaruta'eiya.

2 Tsamuheri 19:43 ပူးပေါင်းရင်းမြစ်များ

Karatsiyatari 5:20

tetexi kaniwarayexeiyakamɨkɨ, katiniyukewaiyamɨkɨ, katinayuye'uniekamɨkɨ, kaniyumienemɨkɨ, kani'ɨtetsakamɨkɨ, kaniyuhaxɨatɨakamɨkɨ, yuhetsiemieme xeikɨa kaniyɨanemɨkɨ, kaniyuxamuriekamɨkɨ, yuxexuime wahetsie katiniwiyakamɨkɨ,

2 Tsamuheri 5:1

Merikɨtsɨ yunaitɨ 'ixaheritsixi Hewuruni kiekariyaritsie mekanekɨne Rawiri hetsɨa meteheitaxatɨanike. Mɨpaɨ mekatenitahɨawe: «'Ekɨ ti'aitame meta tame 'iwamarixi tekanihɨkɨtɨni.

Tsatiyaku 1:20

tewi ha'atɨ yapɨkatiyuriene heitseriemekɨ, Kakaɨyari kemɨtinake.

Piriputari 2:3

Hipame xewara'iwakutɨ xepɨkayɨaka, teɨteri xehepaɨtsita 'aixɨa memutiyuanenikɨ xeikɨa xepɨkayɨaka, mamariwawemete xekeniwa'erieka hipame, xeme pɨta tixaɨtɨ xekatehɨkɨtɨme xekeneyu'erieka yɨkɨmana.

Karatsiyatari 5:26

Yakɨxeikɨa tetetamaitɨ tepɨkahakɨne, meta tetahaxɨatɨatɨ tetehata'iwakutɨ tepɨkahakɨne.

Karatsiyatari 5:15

Matsi xɨka xeyukɨmeni, xɨka xeyutikwaiximeni, yumarima 'aixɨa xeyutixɨtɨani.

Xumatari 12:21

Xepɨka'ipitɨaka tita 'axamɨti'ane mɨxeha'iwanikɨ, matsi tita 'axamɨti'ane xekena'iwani, 'aixɨa xeteyurietɨ pɨta.

Temaiwawemete 18:19

Matsi pukwaniwe ta'iwa temɨnɨtɨanikɨ keyuri kiekari naitsata heunatɨkaime, kepauka tewi mɨtiyuxaneta tepɨa 'itupari warita mutuika hepaɨ 'aneme kanexeiyani yu'iyaritsie.

Temaiwawemete 17:14

Xɨka 'imieri 'utsutɨani haa manutanama manuta'una hepaɨ pɨtikɨyɨne, matsi 'aixɨa pɨ'ane mɨtihayewani 'axatiyurienetɨ.

Temaiwawemete 15:1

Niuki heitserie 'aixɨa manɨyɨne haxɨa pukuxeriya, matsi niuki mɨxɨka waɨkawa haxɨa kanayeitɨwani.

Temaiwawemete 13:10

Teɨteri memɨteyukatawe'erie mekaniyukwitɨweni xeikɨa, matsi kemɨ'ane 'ɨxatsi memɨ'enie mɨkɨ mekatenimaiwaweni.

1 Te'aitamete 12:16

Kepauka memɨtehetima kename ti'aitame 'ari kawaru'eni, yunaitɨ 'ixaheritsixi mɨpaɨ mekateniuhiwakaitɨni meyuxewitɨ: «'Ixaheritsixi teɨteriyari, yunaitɨ yukie xekeneutayeixɨa. 'Ekɨta, Rawiri, 'ahetsɨa miemete xeikɨa keniwarayexeiyani. Tameri Rawiri hetsɨa tixaɨtɨ tepɨkatehayexeiya. Tixaɨtɨkuta pɨkatatiyetuirieni 'Itsahi nu'aya». Hikɨ mekaneutayeixɨani, yuxexuitɨ yukie.

2 Tsamuheri 20:6

'Ayumieme Rawiri 'Awitsahi mɨpaɨ katiniutahɨawe: «Hikɨta Tsawa Wikɨri nu'aya waɨkawa matsi 'axakataniyuriemɨkɨ keyuri 'Awitsaruni. 'Ayumieme kuyaxi 'aixɨa memɨ'anene keniwaruta'inieka kenanukuweiya, nɨka xeime kiekari 'aixɨa mɨ'anetsie heyuti'awieta, tatsi'utawikweiya».

2 Tsamuheri 20:1

Merikɨtsɨ xewitɨ mana puyeikakai 'axatiuka'iyaritɨ Tsawa titewatɨ Wikɨri nu'aya, Wenikamini nuiwarieya hetsiemieme. Kuxineta kaniutahɨtsieni meta mɨpaɨ katiniuhiwa: «'Ixaheritsixi, takie teyunaitɨ tepɨtayeixɨani, Rawiri hetsɨa tixaɨtɨ tepɨkatehayexeiya, meta 'etsiwatɨma mɨtatiyetuirienikɨ 'Itsahi nu'aya».

2 Tsamuheri 19:14

Mɨpaɨ ti'aitame tiwarutahɨaweku Kura kwieyaritsie kiekatari 'aixɨa mekatenixeiya, hikɨ me'uyɨnɨka mekanita'inieni yunaitɨ munuanikɨ yunaime yukuyaxima warawitɨtɨ.

2 Tsamuheri 19:9

meta naitsarie 'Ixaheri kwieyaritsie mekatenikuxatakaitɨni kemɨtiuyɨ. Mɨpaɨ meputiyuanekai: «Ti'aitame pɨtatsi'utawikweitsitɨa memɨtatsi'aye'unie wahepaɨtsita, tahetsie putanua piritsiteutsixi metate'aitɨakaku. 'Awitsaruni yɨanekaku, xeime kwieyaritsie puyuta'unaxɨ.

'Itsɨkate 9:23

kepauka Kakaɨyari 'iyari 'axamɨ'ane meyenɨ'a 'Awimereki hetsie meta Tsikeni kiekatari wahetsie, 'ana mekaniku'eirieni.

'Itsɨkate 8:1

'Epɨrahini xiɨyarimama Kerehuni mɨpaɨ mekateniutahɨawe: ―¿Titayari mɨya petatiyuriene? ¿Titayari pekatatiuta'ini kepauka pemetɨa mariyanitsixi pewaretakwinike? Mekanitatieni yu'iyarikɨ.