2 Tsamuheri 19:30 - Kakaɨyari Niukieya

³⁰ Mepiwutseti mɨpaɨ katinita'eiya: —Mɨkɨ pɨyɨwe nekwie naime yuhetsiemieme mayeitɨani, ne ne'iyari 'aixɨa pɨ'ane 'ekɨ neti'aitɨwame xɨka 'aixɨa pereu'erietɨ 'aparatsiyuta penuani.

2 Tsamuheri 19:30 ပူးပေါင်းရင်းမြစ်များ

Piriputari 1:20

Mɨpaɨ yemekɨ yuri nekatini'erieka meta mɨpaɨ netita'ikwewatɨ 'uxa'atɨni warie nepɨkatewiyatsitɨarieni, tsepa nemayeniere tsepa nemumɨ, matsi Kɨritsitu kemɨtimariwe kanimatsiɨkɨkamɨkɨ yaxeikɨa meripai hepaɨ.

Nɨ'ariekate 20:24

Matsi, netukari raye'akame nepɨka'erie nehetsiemieme. Nepinɨni xeikɨa nehɨritɨarika nenetemawietɨ, 'uximayatsikatsie yanepɨtiyurieni Ti'aitame Ketsutsi kemɨnetiuhɨritɨa, nemɨtihekɨatanikɨ niuki 'aixɨa manuyɨne hepaɨtsita Kakaɨyari 'aixɨa kemɨtiuka'iyari.

2 Tsamuheri 1:26

Kunatani, 'ahetsiemieme waɨkawa nepɨneheiwerie, ne'iwa hepaɨ nepɨmatinaki'eriekai. Matsi waɨkawamekɨ nepɨmatsinaki'erikai keyuri 'ukarawetsixi ketemɨtewanaki'erie.

2 Tsamuheri 19:29

Ti'aitame mɨpaɨ katinitahɨawe: —Waɨkawari matsi pemɨnetikuxaxatɨwani pɨkaheuyewetse. Ne 'ari yanekaniutayɨni 'ekɨ Tsiwaha matɨa kwie xekeneuyutaxiteki.

2 Tsamuheri 19:31

Metatsiere Waxitsirahi Karaha kiekame Kurutani hatuxameyaritsie kaninuani. Xukerini mɨrayetewatsie paitɨ kaneyeyakaitɨni, ti'aitame kepauka hatuxametsie manuyanikekai hamatɨana memanukɨnekɨ memiparewienikɨ.

2 Tsamuheri 9:9

Hikɨ Rawiri Tsiwaha mɨpaɨ katiniutahɨawe, Tsahuri parewiwameya: —Naitɨ ketipaɨmetɨ Tsahuri mati'aitɨwame mɨtipiinieyatɨkai meta tɨɨriyamama, teukarieya Mepiwutseti nekatiniyetuirieka.

2 Tsamuheri 19:18

hikɨ hatɨxametsie mekananukɨne ti'aitame meparewienike meta niwemama memɨwaranatuanikɨ Kurutanitsie. Kepauka ti'aitame manayanikekai, Tsimi Kera nu'aya hɨxiena kaniutihɨximakeni,