2 Tsamuheri 19:19 - Kakaɨyari Niukieya

¹⁹ mɨpaɨ katinitahɨawe: —Ne nepɨmatsiwawirie nekutsiyari ti'aitame ne ke'axanemɨtiuyuri pepɨkahe'eriwani, ne ti'a'uximayatsiriwame ke'axanemɨmatsi'uyuri kepauka 'ekɨ ti'aitame Kerutsareme pemayetɨa. 'Ekɨ ti'aitame nekamaniwawirieka mɨkɨ pemɨratɨmaiyanikɨ.

2 Tsamuheri 19:19 ပူးပေါင်းရင်းမြစ်များ

1 Tsamuheri 22:15

¿Hikɨke kuta netiuyuri Kakaɨyari nemutahɨawixɨ hetsiena mieme? Pɨkatixaɨtsietɨ. Pɨkaheuyewetse matsi neti'aitɨwame nehetsie pemɨrahɨpani, yaxeikɨata netɨɨriyama wahetsie matsi ne ti'a'uximayatsiriwame 'atsinepɨkatimate ketɨtɨxemɨyɨa.

2 Kurinitutari 5:19

mɨpaɨ te'utiyuatɨ, Kakaɨyari Kɨritsitu hetsie tiwiyatɨ mɨpaɨ pɨtiwapitɨa kwiepa memɨtama hamatɨana 'aixɨa memɨteyuxeiyanikɨ, wahetsie pɨkatiuhɨpa 'axamemɨte'uyurikɨ, matsi pɨtatsiyetuiri mɨkɨ niuki 'aixɨa ketemɨtetaxeiya wahamatɨa manuyɨne, te'utiyuatɨ.

Mateu 27:4

mɨpaɨ 'utaitɨ: —'Axanepɨtiuyuri nemiyetuakɨ tewi hetsiena mɨkarahɨiya, xuriyaya mɨtayeurienikɨ. Mɨkɨ mɨpaɨ mekatenitahɨawe: —Tame mɨkɨ tepɨkateha'iwawa, 'ekɨri katini'amaiyatɨni.

Keremiyaxi 31:34

Pɨkayɨweniri xewitɨ yuhepaɨ tewi mɨti'ɨkitɨakakɨ meta yu'iwa mɨpaɨ haitɨ: “Yawé kenemateni”, karikɨ yunaitɨ, 'etsimemuyumate paitɨ meta 'amemuyumate mekanenetimaikuni —Yawé mɨpaɨ kanaineni—. Ne ke'axamemɨte'uyurikɨ nekatiniwareuyehɨwiriemɨkɨ, hatsuakuri nepɨkahaye'erieni».

Kitsariyaxi 43:25

»Ne matsi nekɨmana nemɨnenaki'eriekɨ 'aitsikaya pemutitsanaxɨkɨ nekananuyeitɨani, meta tawariri 'axakepemɨtiuyurikɨ nepɨkaha'eriwa.

Ti'ɨkitame 10:4

Xɨka ti'aitame 'uyeha'ani 'ahepaɨtsita, pepɨka'iku'e'eiriwani ketitakɨ pemɨtihɨritɨarie. Petiukanewietɨ waɨkawa 'axapemɨtiuyurikɨ kani'ayumiemetɨni.

Nɨawari 79:8

Meripaitɨ ke'axatemɨte'uyuri kenatɨmaiya, yapauka ketaneutinenimayata, neuxei tame tekaniyumuinani.

Nɨawari 32:2

Keyutemawieka 'iya kemɨ'ane Yawé 'atsimɨkarehɨawe kename 'axatiyuriene meta 'iyarieyatsie kwamanarika mumawe.

2 Tsamuheri 13:33

'Ekɨ ti'aitame niukitsie yuri pepɨkati'erieka kename 'aniwema yunaitɨ mehekwi'iwaxɨ, matsi 'Aminuni xeikɨa kanemierieni.

2 Tsamuheri 13:20

Hikɨ 'iwaya 'Awitsaruni mɨpaɨ katinitahɨawe 'inɨtɨatɨ: —¿'A'iwa 'Aminuni 'ahamatɨa rekahui? Merikɨte kayuwatɨ keneuyeikani netaru, keneyunɨtɨaka meta 'atsipepɨkahaineni, kani'a'iwatɨni 'atsitemɨte'uyurieni tepɨkayɨwawe. Yuhiwerietɨ xeikɨa Tamaxi 'Awitsaruni kie kaniyuhayewa.

1 Tsamuheri 26:21

Hikɨ Tsahuri mɨpaɨ kaniutayɨni: —Ne 'axanepɨtiuyuri, Rawiri neniwe nehetsɨa kenenua. Nepɨkamatikwinitɨaniri. 'Ekɨ matsi pepɨkanetsi'umi pepɨnereuyehɨwiri, ne matsi nemɨka'uka'iyarini hepaɨ nepɨyɨane.

1 Tsamuheri 25:25

'Ekɨ matsi Nawari yuri pepɨkati'eririeka, kemɨtitewa yurikɨ yapɨtiuka'iyari. Mɨkɨ mɨpaɨ panuyɨne, “mɨka'uka'iyari” mɨpaɨ katinimariwani naitsarie. Ne matsi neti'aitɨwame 'anɨ'arima pemɨwarenɨ'a nepɨkawarexei.

'Inɨatsie 12:11

Hikɨ 'Aruni 'ana Muitsexi mɨpaɨ katiniutahɨawe: «Waɨkawa nepɨmatsiwawirie, neti'aitɨwame, ke'axatemɨte'uyuri pepɨkahe'eriwani 'atsitekatemaitɨ temutiyuakɨ.

2 Tsamuheri 19:18

hikɨ hatɨxametsie mekananukɨne ti'aitame meparewienike meta niwemama memɨwaranatuanikɨ Kurutanitsie. Kepauka ti'aitame manayanikekai, Tsimi Kera nu'aya hɨxiena kaniutihɨximakeni,