2 Tsamuheri 19:10 - Kakaɨyari Niukieya

¹⁰ Hikɨri 'Awitsaruni, ti'aitame temeyeitɨakai, mɨrayukwitɨnetsie kanemierieni. Ti'aitame tepɨta'inieni makunuanikɨ, hikɨri pumawe xewitɨ mɨtatsita'imaiya».

2 Tsamuheri 19:10 ပူးပေါင်းရင်းမြစ်များ

'Utseyaxi 8:4

Yɨkɨmana mepɨwaranuka'uitɨwa te'aitamete ne yanekahainekaku, hipame 'itsɨkate mepɨwaranuka'uitɨwa nemɨkawamate. Pɨratakɨ meta hurukɨ yukakaɨyarixi memɨwatiwewiwa para mɨkɨkɨ memuyuka'unakɨ.

2 Tsamuheri 18:14

Kuhawi mɨpaɨ kaniutayɨni: —Yakɨ xeikɨa 'ahamatɨa kwinimieme nepɨreutewi. Hikɨ yapauka, haikame pitsika 'uti'ɨka kaneyani 'Awitsaruni tawieyatsie kanei'uitɨani, mana mitaxeitsie 'akuxi kanayenierekaitɨni xiu kɨyexiyaritsie 'uyewietɨ.

'Itsɨkate 18:9

Mɨkɨ mɨpaɨ mekaniutiyuani: ―Hikɨmɨtɨka, tekaniwaretakwikuni. Kwie 'aixɨa 'anekame tekanexeiya. Xeme mɨpaɨ xeteheukuteni 'atsixekateyurietɨ. Xepɨkayu'iyaritɨaka xeimieme tepɨteheyurieni.

2 Tsamuheri 19:9

meta naitsarie 'Ixaheri kwieyaritsie mekatenikuxatakaitɨni kemɨtiuyɨ. Mɨpaɨ meputiyuanekai: «Ti'aitame pɨtatsi'utawikweitsitɨa memɨtatsi'aye'unie wahepaɨtsita, tahetsie putanua piritsiteutsixi metate'aitɨakaku. 'Awitsaruni yɨanekaku, xeime kwieyaritsie puyuta'unaxɨ.

2 Tsamuheri 19:11

Hikɨ 'ayumieme Rawiri ti'aitame mawari wewiwamete Tsaruki meta 'Awiyataxi niuki mɨpaɨ katiniwarenɨ'airieni: «Kura kwieyaritsie kiekatari 'ukirawetsixi wahamatɨa xeketenetixata, mɨpaɨ xeketeniwaretahɨawi: “Ti'aitame katinetimani naitsarie 'Ixaheri kwieyaritsie kemɨtikuxaxatsiwa. ¿Titayari xeme 'atsixekatehaitɨka nemakunuanikɨ ne ti'aitame neparatsiyuta?

2 Tsamuheri 19:40

Ti'aitame Kimani 'eweiyakaku meta kuyaxi Kura kwieyaritsie kiekatari metatsiere kuyaxi 'Ixaheri kwieyaritsie kiekatari hixɨapa me'atɨ me'eweiyakaku Kirikari kaneutiyune.

2 Tsamuheri 15:14

Hikɨ Rawiri yunaime memiparewiekai mɨpaɨ katiniwarutahɨawe Kerutsareme hamatɨana memɨtitekai: —Hikɨmɨtɨka tekaniyehuni. Tekaniyuta'unakuni, tawarita yɨkɨ temɨyɨni tepɨkayɨwawe 'Awitsaruni hepaɨtsita temɨtata'unakɨ. Mexɨima xeiya, teka'ayekɨniwawekaku nuani. Xɨka tatsi'anuku'axe, haweri 'anekɨa pɨtatsitixɨrieni meta tateɨterima yunaime 'ixiparakɨ kaniwakwimɨkɨ.

2 Tsamuheri 15:16

Hikɨ yapauka ti'aitame nayeyani yunaime yuparewiwamete warawitɨtɨ, peru kaniwaruku'eirieni tamamata meyupaɨmeme yutuxexerima paratsiyu memɨ'ɨwiyanikɨ.