2 Tsamuheri 18:5 - Kakaɨyari Niukieya

⁵ Metatsiere, ti'aitame mɨpaɨ katiniwarutahɨawe Kuhawi, 'Awitsahi meta 'Itahi: —Nekanixehɨritɨaka temaikɨ 'Awitsaruni xemɨkaheinanaimakakɨ. Yunaitɨ kuyaxi mekaniu'enanani, ti'aitame kuyaxi tewa'aitɨwamete kemɨtiwaruhɨritɨa 'Awitsaruni hepaɨtsita.

2 Tsamuheri 18:5 ပူးပေါင်းရင်းမြစ်များ

Rukaxi 23:34

Hikɨ Ketsutsi mɨpaɨ kaniutayɨni: —Ne'ukiyari, ketiniwareuyehɨwirieka, 'atsimemɨkatematekɨ kememɨteyurie. 'Ana kuyaxi mekaniyuta'iwa 'ixurikiteya meyutahuritɨanike.

Nɨawari 103:13

Yawé waɨkawa pɨwanenimaya kemɨ'ane memeyemakaxe wahetsiemieme, nuariekame yuniwema wahetsiemieme kemɨtiuka'iyari hepaɨ.

2 Tsamuheri 18:12

Peru kuya mɨpaɨ katinita'eiya: —Tsepanetɨ xeimiriyari tumini pɨrata nemanu'ɨi, xɨari yaxeikɨa nenepɨkanewaɨriya para ti'aitame nu'aya nemumienikɨ, tanaitɨ tepe'enana kepauka xemehɨritɨarie 'ekɨ, 'Awitsahi meta 'Itahi ti'aitame nu'aya temaikɨ 'Awitsaruni xemɨkahenanaimakakɨ.

2 Tsamuheri 17:14

'Awitsaruni meta 'ixaheritsixi yunaitɨ mɨpaɨ mekaniutiyuani: —Hutsahi 'araki tewiyari kemɨtiku'eriwa 'aixɨa kani'aneni keyuri 'Akituperi niukieya. Mɨpaɨ pɨtiɨyɨ Yawé yamainekaikɨri 'Akituperi kemɨtiku'eriwakai yamɨkatiyunikɨ, tsepanetɨ mɨkɨ matsi waɨkawa mɨtimaiwekai, mɨpaɨ 'Awitsaruni 'axamuyurienikɨ.

2 Tsamuheri 16:11

'Awitsahi tikɨhɨawetɨ meta yunaime 'iparewiwamete, Rawiri mɨpaɨ kaniutayɨni: —Metsɨ neniwetɨtɨ kanenimiemɨkɨni, matsi 'ikɨ wenikamini tewiyari tsepa mɨnetiumi. Xekenehayewani 'axamɨnetikɨhɨawenikɨ, Yawé matsi mɨpaɨ katinita'aitɨani.

2 Tsamuheri 19:1

Hikɨ Kuhawi mekatenekuxatɨani kename ti'aitame waɨkawa yuheiweriekai 'Awitsaruni hetsiemieme.