2 Tsamuheri 17:10 - Kakaɨyari Niukieya

¹⁰ Xɨka mɨpaɨ reyɨni kuyaxi waɨkawa memɨyɨwawe memayu'eririya maye 'uki hepaɨ mekanitimamakuni, metsɨ yunaitɨ 'ixaheritsixi mekatenimaika 'apaapa Rawiri kuya kwinimieme mɨreuyutamiewe kanihɨkɨtɨni meta teɨterimama memɨyɨwawe mekanihɨkɨtɨni.

2 Tsamuheri 17:10 ပူးပေါင်းရင်းမြစ်များ

Hepɨrayutsixi 11:34

mekanitɨni tai tsepa mɨtɨrɨkaɨyekai, mekaniutawikweni kutsirakɨ memɨkakwi'iwakɨ, tsepa memuweraranikai meputɨrɨkariyarie, kuyakɨ memɨyɨwawe mekanakɨne, mekaniwaranukuweiya kuyaxi xaɨtsie miemete.

Kitsariyaxi 19:1

Niuki 'Ekipitu hepaɨtsita mieme: Yawé xekeneuxeiya. 'Ekipitu kaniye'aka hai kwinimieme 'ayɨweme hetsie 'akaitɨ. 'Ekipitu miemete kakaɨyarixi me'ixeiyatɨ mekaniutiyɨyɨakani, 'ekipitutari wa'iyari kanitiweranareni.

Kitsariyaxi 13:7

'Ayumieme mamate naitɨ kanitiweranareni, teɨteri yunaitɨ mekayuwaɨriyatɨ mekaniyukuhayeikawani.

Kwikari 3:7

Neuxei, Tsarumuni kaxetaya kaniyɨaneni. Haika tewiyari kuyaxi me'eweiyatɨ mana pamie, 'ixaheritsixi kuyaxiyaritsie memanayexeiyarie kwinimieme yeme memɨteheuyutakwiwawe.

Temaiwawemete 28:1

'Axatiyuruwame kaniuyu'unarɨmeni tsepa xewitɨ mɨka'iweiya, matsi heitseriemekɨ yamɨtikamie kayuwatɨ 'apuyeika maye hepaɨ.

2 Tsamuheri 23:20

Wenahiyaxi Kuyara nu'aya Kawɨtseri kiekame, mɨkɨ yumemiwame pɨhɨkɨtɨkai, waɨkawa mariweme katiniuyurieni kuyakɨ. Yuhutame teɨteri memauyutakwiwawekai Muhawi kiekatari kaniwara'iwa, xeimiemeta kepauka 'ɨwi 'ukawiwieku putsu muyewakita kaneukahani maye muwa kaniumieni.

2 Tsamuheri 1:23

»Tsahuri Kunatani matɨa. 'Aixɨa mepɨte'u'iyarikai. Mɨkɨ 'aixɨa mepɨtenaki'eriwakai, 'axeikɨa yunaitɨ mekaniukwini. Mɨkɨ kwinimieme mekatenanautsawawekaitɨni keyuri kwixɨ, meta waɨkawa mekanitɨrɨkawikaitɨni keyuri mayetsi.

1 Tsamuheri 18:17

Merikɨtsɨ heiwa Tsahuri Rawiri mɨpaɨ katiniutahɨawe: —Neniwe 'amɨyumate Merawi 'ena kaniukani, nekamaniyetuirieka pemitiwitɨnikɨ, peru pekamatɨ pekaniyumienemɨkɨ Yawé hetsiemieme, Mɨpaɨ Tsahuri katiniku'eriwakaitɨni: «'Aixɨa pɨyɨni nemamatsie mɨkamɨnikɨ, piritsiteutsixi matsi wahetsɨa mɨmɨnikɨ pɨta».

Hutarieka 'inɨari 1:28

¿Hakewari tepeyehu? Ta'iwama kwinimieme mekatatenimariutani, mɨkɨ mɨpaɨ mekaniutiyuaneni kename mana kiekatari waɨkawa mehetɨrɨkawi meta kwinimieme mehetɨtɨ, kename wakiekari hemamariwawe meta kename wakuraru muyuawitsie paitɨ heye'atɨka. Matsi 'imatɨrieka, mɨpaɨ mekaniutiyuaneni kename mana 'anakitsixi mewarexei”.

Memeyekɨ 15:15

'Erumi kiekatari wa'ukiyarima waɨkawa mepɨtimamani, waɨkawa meputiyɨyɨakatɨkani 'itsɨkate Muhawi kiekatari. Meta Kanani kiekatari meputiweranaxɨa,

Tsutɨarika 49:9

Neniwe Kura, maye temaikɨ hepaɨ pepɨ'ane, maxa muwiyarie mɨkwa'a hepaɨ. Maye 'amɨpa hepaɨ, pe'itakwaka pehakunuaka pemanuhuputsie pekaniyuhayewa. Maye 'uka hepaɨ, xewitɨ pɨkayɨwe mɨmatsi'uximatɨanikɨ.

2 Tsamuheri 17:9

'Ariri hikɨ terɨta kaneyu'awietani yatɨni muwa xaɨtsie. Xɨka mɨkɨ meri 'aye'ani waretakwini, kemɨ'ane mɨpaɨ mɨretimani mɨpaɨ pɨtayɨni: “'Awitsaruni kuyaximama mekanekwi'iwa”.

Nɨawari 89:19

Heiwa 'ekɨ 'ateɨterima pepɨtiwarutaxatɨa heinɨtsi hepaɨ 'anemekɨ, mɨpaɨ pepɨtiwarutahɨawixɨ 'ateɨterima yamemɨtekahu: «Ne nekaniparewieka xeime waɨkawa meuyutamiewe, xeime tewi 'aixɨa nemɨtixeiya hetsiena mieme 'aixɨa nepaine.

'Etsekieri 21:15

wa'iyari mɨmamakakɨ meta memuyumɨirenikɨ mɨkite. Kitenieri nekanitikeni 'ixipara mɨtiyumemiwa. 'Ixipara mɨxawatɨ mutimerɨkanikɨ meta patamɨarie mɨtiyumemiwanikɨ.

1 Tsamuheri 16:18

Xewitɨ ti'uximayatame mɨpaɨ kaniutayɨni: —Ne xeime temaikɨ nepɨmate 'aripakɨ reutayuitɨaweme. Peuyutamiewe pɨkama, kwinimieme rakunieretɨ, heitseriemekɨ pɨtikuxata meta xeimieme pɨrayeitɨwa. Yawé hamatɨana puyeika piparewie. Paapaya 'Itsahi pɨtitewa, Wereni kiekame.