2 Tsamuheri 16:4 - Kakaɨyari Niukieya

⁴ Ti'aitame mɨpaɨ katinitahɨawe: —Merikɨte, Mepiwutseti meripaitɨ naitɨ tita mɨtipiinieyatɨkai hikɨri 'ekɨ katini'apiinitɨni. Tsiwaha mɨpaɨ kaniutayɨni: —Ne netini'a'uximayatsiriwametɨni neti'aitɨwame. 'Aixɨa pekenetsiyurieka 'ayehemekɨ ti'aitame.

2 Tsamuheri 16:4 ပူးပေါင်းရင်းမြစ်များ

Temaiwawemete 18:17

'Itsɨkame hɨxie kemɨ'ane matɨari mieme maniuka kename 'axakatiuyuri 'utaitɨ, peru hipatɨta mekani'axɨakuni memunenierixɨ yame'utiyuatɨ kename 'axatiuyuri.

Temaiwawemete 18:13

Mɨka'uka'iyari kaniyutewiyatsitɨmɨkɨ, xɨka 'aixɨa kati'enawetɨ waruta'eiya.

Temaiwawemete 19:2

'Aixɨa pɨka'ane pekareutamaiwetɨ xɨka petiutsutɨani, kemɨ'ane muyutimexɨitɨani mɨkɨ puyutewinɨani.

Hutarieka 'inɨari 19:15

»Xewitɨ xeikɨa ya'utainekaku munierixɨ pɨkayɨweni tewi mumierienikɨ xanetsietɨ kename 'axatiuyuri. Tsepa titakɨ mɨti'ayumieme 'aixɨa pɨtiyɨni yamehaitɨkaikaku yuhutatɨ yatɨni yuhaikatɨ memunenierixɨ.

Memeyekɨ 23:8

»Tumini xɨka xewitɨ 'awie matsi'ɨitɨaka tixaɨtɨ kemɨkatiheitserie pemɨtiyurienikɨ, pepɨka'inaki'erieka, mɨpaɨ 'itsɨkate kemɨkatiheitserie mepɨteyuriwawe.

2 Tsamuheri 14:22

Kuhawi kwiepa kaniutihɨximakeni ti'aitame hɨxie, Kakaɨyari kaniutawawirieni 'aixɨa miyurienikɨ, mɨpaɨ tikɨhɨawetɨ: —Pamɨpariyutsi nepɨmatsipitɨa neti'aitɨwame tita nemɨmatiutawawiri yapemɨtiuyurikɨ.

2 Tsamuheri 14:4

Kepauka mɨkɨ 'ukaratsi Tekuha kiekame munua ti'aitame hɨxie, kananakatutsire kwiepapai kaniutihɨximakeni. Mɨpaɨ katinitahɨawe: —'Ekɨ ti'aitame, keneneuparewi.

2 Tsamuheri 9:6

Kepauka Mepiwutseti Kunatani nu'aya meta Tsahuri teukarieya Rawiri hɨxie munua, kaniutihɨximakeni kwiepapai. Rawiri mɨpaɨ katinita'iwawiya: —¿'Ekɨ Mepiwutseti petihɨkɨ? Mɨkɨ mɨpaɨ katinita'eiya: —Huu, nenepɨhɨkɨ mati'uximayatsiriwame.

2 Tsamuheri 9:9

Hikɨ Rawiri Tsiwaha mɨpaɨ katiniutahɨawe, Tsahuri parewiwameya: —Naitɨ ketipaɨmetɨ Tsahuri mati'aitɨwame mɨtipiinieyatɨkai meta tɨɨriyamama, teukarieya Mepiwutseti nekatiniyetuirieka.

2 Tsamuheri 16:3

Hikɨ ti'aitame mɨpaɨ katinita'iwawiya: —¿Hakewari mati'aitɨwame teukarieya? Tsiwaha mɨpaɨ katinita'eiya: —Kerutsareme peyuhayewaxɨ. Mɨkɨ mɨpaɨ hikɨ katiniku'eriwani kename 'ixaheritsixi ti'aitamekɨ me'itahɨawe teukarieya mɨti'aitakaikɨ.

2 Tsamuheri 16:5

Hikɨ kepauka Rawiri ti'aitame Wakurini munua, mana xewitɨ tewi kanayeneni Tsahuri nuiwarieyatɨtɨ, Tsimi titewatɨ Kera nu'aya. Mɨkɨ 'axatikɨhɨawetɨ kanitsutɨani,

2 Tsamuheri 19:27

meta ti'aitame 'ahɨxie 'axakanetinikuxatani xeikɨa kenemɨka'utayɨ. Matsi 'ekɨ ti'aitame niuki tuayame Kakaɨyari hetsɨa mieme hepaɨ pekani'aneni pekaniyɨweni yapemɨtiuyurieni nehetsie kemɨmatinake.

2 Tsamuheri 14:8

Ti'aitame mɨpaɨ katinita'eiya: —'Akie kenemie, ne'aixɨa nekatiniyurimɨkɨ mɨkɨ hepaɨtsita.