2 Tsamuheri 16:21 - Kakaɨyari Niukieya

²¹ 'Akituperi mɨpaɨ 'Awitsaruni katiniuta'eiya: —'Ekɨ keneukahu'i 'apaapa tuxexerimama wahamatɨa, paratsiyu memɨhɨkakɨ mɨwaruku'eiri. 'Ana 'ixaheritsixi yunaitɨ mɨpaɨ mekatenetimaikɨni kename 'ekɨ ti'aitame 'apaapa pe'aye'uxiwe'erie, mɨpaɨ memɨmatsiparewie mekanitɨrɨkariyariekuni.

2 Tsamuheri 16:21 ပူးပေါင်းရင်းမြစ်များ

2 Tsamuheri 20:3

Kepauka ti'aitame Rawiri yuparatsiyuta munua Kerutsareme, yutuxexerima kaniwarayenɨ'ani tamamata memɨyupaɨmekai yuparatsiyu muwaruhɨritɨakai, xaɨtsie pɨtari me'ɨwiyariekame kaniwarayeitɨani. 'Akuxi pɨtiwamikwakai, peru tawariri wahamatɨa pɨka'ukahui. Kiita mepeunakai yuheyemekɨ, wiuraxi wahepaɨ mepɨ'anekai, mɨpaɨ me'anenetɨ mepɨyuhayewaxɨ kepaukake memukwi.

2 Tsamuheri 15:16

Hikɨ yapauka ti'aitame nayeyani yunaime yuparewiwamete warawitɨtɨ, peru kaniwaruku'eirieni tamamata meyupaɨmeme yutuxexerima paratsiyu memɨ'ɨwiyanikɨ.

Tsakariyaxi 8:13

Kura kwieyaritsie kiekatari meta 'Ixaheritsie, xepɨkaheumamaka, matsi xekeneyuwaɨririyani. Xeme hipame nuiwarite watsata 'axaxemɨ'itɨarie xepɨhɨkɨtɨkai, ne peru nepɨxetawikweitsitɨani, hikɨ hipatɨta 'aixɨa mepɨ'itɨarieni xekɨmana”.

2 Tsamuheri 2:7

'Ayumieme xekeneyuwaɨriyani meta xepɨkamamaka, tsepanetɨ Tsahuri tixe'aitɨwame mumɨ, Kura nuiwarimama nemu'utsie hatseiti mekaneniukawirieni tiwa'aitɨwame nemɨhɨkɨtɨnikɨ».

Mawari 18:8

»'Apaapa 'ɨyaya hamatɨa pepɨka'ukahupuni pe'ikumayɨanike, 'apaapa pepɨkatewiyatsitɨaka.

1 Kurinitutari 5:1

Mɨpaɨ katinikuniuwani, kename xeniu, xewitɨ xeme 'ikumaɨwa kemɨ'ane mɨkayɨ'ɨya. Kememɨkateyurie nuiwarite, yakatiniyurieneni mɨkɨ 'ikumaɨwatɨ. Yupaapa 'ɨyaya xeniu kaniutiwitɨni.

1 Te'aitamete 2:22

Hikɨ ti'aitame yumaama mɨpaɨ katiniutahɨawe: —Peru neuxei ¿titayari penetiwawirie 'Awitsahaki 'Aruniyaxi nemɨwitɨtɨanikɨ? Mɨkɨ kaninematsikatɨni, mɨkɨ wa'atɨ mawari wewiwame 'Awiyataxi tiparewie meta Kuhawi Tsariwiya nu'aya. Mɨkɨ 'uweni nemihanitɨanikɨ pekanetinikɨhɨaweni.

1 Te'aitamete 2:17

'Aruniyaxi mɨpaɨ katinitahɨawe: —Ximɨxi, 'ekɨ mɨpaɨ ketinetahɨawi ti'aitame Tsarumuni, kenetsi'uwitɨtɨani 'Awitsahaki Tsunemi kiekame, 'ekɨ yapereitahɨaweyu pɨmatsi'anu'enieni.

2 Tsamuheri 12:11

»Yawé mɨpaɨ kanaineni: “Ne yanekatiniyurimɨkɨ 'anuiwarimatɨtɨ mepɨhɨkɨtɨni memɨmatsi'uximatɨani, penierekaku 'a'ɨitama neniwayetuamɨkɨ xeime hetsɨa, mɨkɨ matsi tukarikɨ wahamatɨa kanikahuimɨkɨ.

1 Tsamuheri 27:12

Hikɨ 'Akihitsi Rawiri yuri katini'eririekaitɨni, mɨpaɨ katiniku'eriwakaitɨni: «Merikɨte Rawiri 'ixaheritsixi wa'uxiwe'erietɨ kaniyuhayewani yuteɨterima tɨme, xɨari yuheyeme pɨnetita'uximayatsirieni».

1 Tsamuheri 13:4

'Ixaheritsixi yamepɨtehetima 'ikɨ niuki hepaɨtsita kemɨtiuyɨ: «Tsahuri kuyaximama piritsiteutsixi mekaniwaretakwini, 'ayumieme matsi waɨkawa piritsiteutsixi metatsixani'erietɨ mekanakɨne». 'Ayumieme Tsahuri teɨteri mepi'eni mepuyukuxeɨri Kirikari mɨrakutewatsie.

Mawari 20:11

»Xɨka xewitɨ yupaapa 'ɨyaya hamatɨa 'ukahuni, yupaapa kanitewiyatsitɨaka. 'Uki meta 'uka mepɨkwi'iwa, mɨyamemɨte'uyurikɨ wahetsie pɨtinakeni memɨkwi'iwakɨ.

Tsutɨarika 38:16

Yumu'e ka'erietɨ hepana kaneyani, mɨpaɨ katinitahɨawe: —'Ahamatɨa nepɨkahuni pekati'awaɨriya. 'Uka mɨpaɨ katinita'iwawiya: —¿Tita penetipitɨani, xɨka ne'unewaɨriya?

Tsutɨarika 35:22

Mɨkɨ kwieyaritsie mekutetɨ, Xuweni Wiriha hamatɨa kaniukahuni, yupaapa 'ɨyaya hamatɨa. Kepauka 'Ixaheri mɨretima waɨkawa kaniuyeha'ani. Kakuwu tamamata heimana yuhutame kaniwarutinuarieni:

Tsutɨarika 34:30

Hikɨ Kakuwu mɨpaɨ katiniwarutahɨawe Tsimehuni Rewi mame: —Waɨkawa 'uximatɨarika xepɨnetsiheutiwiwiriexɨa. Hikɨ 'ena mɨtiyehane kananeutsixi, peretseutsixi, 'enakiekatari yunaitɨ, menetsi'aye'unietɨ mepakɨne. Xɨka mɨkɨ me'uyukuxeɨrieni menetsi'utamieni, mepɨnetsimieni netɨɨriyama yunaime mepɨwakwini, waɨkawa teɨteri nepɨkawarexeiya.

Tsutɨarika 6:4

Kepauka Kakaɨyari niwemama teɨteri waniwema memɨwarutiwitɨ, tɨɨri kwinimieme me'utɨtɨme mekaniwarayexeiya, kwinimieme mete'ayu'iwatɨ mekanakɨne meripaitɨ. Mana mɨtiyetɨa kwinimieme me'utɨtɨ mekaniutixuawere kwiepa.

2 Tsamuheri 16:20

Mɨpaɨta 'Awitsaruni 'Akituperi katiniutahɨawe: —Xekenetimamatekeni kehapaɨ temɨteyurieni.

2 Tsamuheri 17:7

Hutsahi mɨpaɨ 'Awitsaruni katiniuta'eiya: —Hikɨ 'Akituperi kemaine 'aixɨa pɨka'ane.

2 Tsamuheri 10:6

Yametehetimaika 'amunitsixi Rawiri hepaɨtsita ke'axamemɨte'uyuriekai, mɨkɨ tɨratu mekaniutiwewieni te'aitamete wahetsɨa kuyaxi memɨwaranɨ'airienikɨ pɨratakɨ: tsiriyutsixi Weti-Xekuwi kiekatari meta Tsuwaha kiekatari, xeitewiyari miriyari kuyaxi mekaniyupaɨmekaitɨni yɨ'ɨkama memuhu, Mahaka ti'aitame kuyaximama xeimiriyari meta Tuwi kuyaximama tamamata heimana huta miriyari mepɨyupaɨmekai.

2 Tsamuheri 13:5

Kunarawi mɨpaɨ katinita'ɨkitɨani: —Keneu'akwinima pemɨtikuyeni hepaɨ ketinekani 'a'utatsie. Kepauka 'apaapa mɨmatsixeiyamie mɨpaɨ ketineutahɨawi: “Ximɨxi ne'iwa Tamaxi pamie mɨneramimiekɨ. Ne nekaneixeiyamɨkɨni 'uwa 'ikwai netiwewiriekame meta pɨnerapiniriwani”.

1 Te'aitamete 11:25

Mɨpaɨ 'uyɨka Xetsuni ti'aitame kanayani Tsiriya kwieyaritsie. Kepauka Tsarumuni 'amuyeikakai, Xetsuni 'Ixaheri naye'uxiwe'eriekaitɨni mɨkɨ meye'unie kanayani, mɨpaɨ meteyurietɨ kwinimieme mekatenikwinitɨani Harari yunaitɨ.