2 Tsamuheri 16:2 - Kakaɨyari Niukieya

² Ti'aitame mɨpaɨ katinita'iwawiya: —¿Keri petiyurieni 'ikɨ naime? Tsiwaha mɨpaɨ katinita'eiya: —Puxuri mepɨ'ayumiemete 'atɨɨriyama memanutiyaxekɨ, paa yaxeikɨata 'ikwaxi 'akuyaxima memitikwanikɨ pɨ'ayumieme meta kaxie winuyari kemɨ'ane memuti'uxikeni makumawetsie pɨwahetsiemieme.

2 Tsamuheri 16:2 ပူးပေါင်းရင်းမြစ်များ

2 Tsamuheri 17:29

xiete, kunere, kexiu meta muxatsi wakexiuyari. Rawiri 'ikɨ 'ikwaite mekateniyetuirieni meta teɨterimama para memɨtetikwanikɨ, mɨpaɨ meteku'eriwatɨ xɨari 'ikɨ teɨteri mepehaakakwi meta mepeharikwi makumawetsie me'u'uwatɨ, meta mepu'u'uxe.

'Itsɨkate 10:4

Xeitewiyari heimana tamamata kaniwarutinuarieni, yuxexuitɨ mɨkɨ yupuxuritsie mekananutiyaxikekaitɨni, meta yuxexuitɨ mekateni'aitakaitɨni xeikiekariyaritetsie Karaha kwieyaritsie. Hikɨ 'akuxi mɨkɨ kiekarite mɨpaɨ katinematiwani «Yahixi kiekariteya».

'Itsɨkate 5:10

»Xeme puxuri memeutuxatsie xemanutiyaxike 'ixuriki xe'anayeweratɨ xemayaxike, xemeta, huyeta xemuhu, mɨpaɨ xeketeku'eriwani.

'Etsekieri 37:18

»Kepauka 'a'iwama mɨpaɨ memɨmateta'iwawiya: “¿Ketita mɨkɨ ti'inɨariyari?”,

2 Tsamuheri 19:26

Mepiwutseti mɨpaɨ kaniutayɨni: —Neti'aitɨwame 'aku, pepɨtimate ne mati'uximayatsiriwame nepɨka'uyeiwe, ne mɨpaɨ nepɨra'eriwakai puxu xewitɨ panutixiratɨanikekai mɨpaɨ 'ana 'a'utɨa nemɨyemiekɨ. Matsi neti'uximayatsiriwame Tsiwaha kaneniukwamana,

2 Tsamuheri 15:23

Hikɨ yunaitɨ teɨteri mekaniutitsuanakaitɨni karima kepauka Rawiri mana muyemiekai yuteɨterima wahamatɨa, kepauka ti'aitame Kiruni 'akiyaritsie manutɨa, teɨteri yunaitɨ mekanitsutɨani makumawetsie me'erietɨ.

2 Tsamuheri 15:1

Merikɨtsɨ yapaɨmexɨa tukari 'anukayaku, 'Awitsaruni kaxetate kuyaxa mieme kanikuwauni, yayupaɨmemeta kawayutsixi, yaxeikɨata 'ihɨwemete kuyaxi huta tewiyari heimana tamamata meyupaɨmeme kaniwarukuxeɨrieni.

1 Tsamuheri 25:27

Keneutanaki'eri 'ikɨ 'imikieri mati'uximayatsiriwame matsi'atɨiri, ketiniwarutamikwa 'ateɨterima.

1 Tsamuheri 14:28

Hikɨ kuya xewitɨ mɨpaɨ katinitahɨawe: —'Apaapa mɨpaɨ kaniutayɨni Kakaɨyari hɨxie kuyaxi tahetsiemieme: “'Axake'u'itɨarieni kemɨ'ane 'ikɨ tukaritsie tixaɨtɨ mɨtitakwani”. 'Ayumieme kuyaxi mekaniyehakakwitɨweni.

Tsutɨarika 33:8

'Etsahu mɨpaɨ katiniuta'iwauni: —¿Kepaɨtɨtɨri mɨkɨ tewaxi pemɨnetsihenɨ'airi? Kakuwu mɨpaɨ katinita'eiya: —Kɨmana 'aixɨa pemɨneranunakekɨ nepɨtiuyuri.

Tsutɨarika 21:29

'Awimereki 'Apɨrahami mɨpaɨ katiniuta'iwawiya: —¿Titayari petiwarayehapana mɨkɨ 'atahutame muxatsi?