2 Tsamuheri 16:11 - Kakaɨyari Niukieya

¹¹ 'Awitsahi tikɨhɨawetɨ meta yunaime 'iparewiwamete, Rawiri mɨpaɨ kaniutayɨni: —Metsɨ neniwetɨtɨ kanenimiemɨkɨni, matsi 'ikɨ wenikamini tewiyari tsepa mɨnetiumi. Xekenehayewani 'axamɨnetikɨhɨawenikɨ, Yawé matsi mɨpaɨ katinita'aitɨani.

2 Tsamuheri 16:11 ပူးပေါင်းရင်းမြစ်များ

Mateu 10:21

»'Iwamarixi xewitɨ yu'iwa kaniyetuamɨkɨ mɨmierienikɨ, meta nuariekame yuniwe kaniyetuamɨkɨ. Tɨɨri mekaniyeha'akuni yupaapama wahepaɨtsita meta mekatenita'aitakuni memɨkwi'iwakɨ.

'Etsekieri 20:25

'Ayumieme nepɨxeyetuiri 'aitsika 'aixɨa mɨka'anene, meta 'inɨari niukiyari tukari mɨkahexeiya.

'Etsekieri 14:9

»Xɨka xewitɨ tixaxatame 'itarikakɨ tihekɨatani, ne Yawé yakɨ 'utaineme nemayeitɨakɨ kanainemɨkɨ, ne neteɨterima wahɨxie nekanika'unamɨkɨ.

2 Kemɨtiuyɨ 32:21

Hikɨ Yawé yuniuki tuayame kaneyenɨ'ani mɨwakwinikɨ yunaime kuyaxi meta tewa'aitɨwamete 'Atsiriyatsie ti'aitame memakuteitsie, meta kuyaximama tewa'aitɨwamete, hikɨ mɨkɨ 'ana yutewiyatɨ kanakunuani yukiekaritsie. Meta kepauka meutaha yukakaɨyari tukita, niwemamatɨtɨ mekanimieni.

2 Te'aitamete 19:37

Peru xeime tukaritsie, mexi yunenewiekai titunumawetɨ yukakaɨyari Nitsiruki tukita, 'ana niwemama 'Aruramereki meta Tsaretsexi matɨa mekanimieni 'ixiparakɨ, hikɨ me'imieka mekaniyuta'una 'Ararati kwieyaritsie paitɨ. Hikɨ hetsiena mieme nu'ayatɨtɨta 'Etsaxikaruni titewatɨ kanitsutɨani ti'aitatɨ.

2 Tsamuheri 7:2

Hikɨ Rawiri Natani Kakaɨyari niukameya mɨpaɨ katiniutahɨawe: —Neɨxei, 'aixɨa pɨka'ane ne paratsiyuta nemayeka kariuxa kɨyeyari kiiyarita, Kakaɨyari tɨratuya kakuniyari, 'ixuriki kiiyarita 'ayekaikaku.

Tsutɨarika 45:5

Hikɨri yɨkɨ xepɨkateyɨkɨhɨaweni mɨya xemɨte'uyurikɨ. Kakaɨyari pɨta pɨtiuyuri, 'ena ne meri mɨnetsi'atɨa, para xemɨtawikwenikɨ.

Tsutɨarika 15:4

Yawé mɨpaɨ katinitahɨawe: —Hawaikɨ mɨkɨ tewi 'apiinite mɨranupini pɨka'ayani, 'apiinite mɨranupini yurikɨ 'aniwe pɨyɨaneni.

1 Tsamuheri 26:19

Hikɨ 'ekɨ ti'aitame nemaniwawirieka pemɨnetsi'enienikɨ. Xɨka Yawé tiyurieneni, 'ekɨ ti'aitame pemɨnetsi'aye'uniekakɨ, kenereuyehɨwirieka Yawé meta nemawarika kenaki'erieka. Mexɨka teɨteri meteyurieka, Yawé 'axakewaruyurieni, mekanenayeweweiyani 'ena kwie Yawé mɨnetsi'uxatɨatsie mɨpaɨ menetekɨhɨawetɨ, hipame pɨta kakaɨyarixi tiwa'uximayatsiriwame mekanenayeitɨwani.

Nɨawari 109:28

Tsepa mɨkɨ 'axamemɨnetsi'uyuri. 'Ekɨ matsi 'aixɨa keneneuyuri. Tsepa memaye'axɨa nehetsɨa, 'ekɨ matsi pepɨwatewiyatsitɨani, neta ti'a'uximayatsiriwame nepɨnetemawieka.

2 Tsamuheri 20:1

Merikɨtsɨ xewitɨ mana puyeikakai 'axatiuka'iyaritɨ Tsawa titewatɨ Wikɨri nu'aya, Wenikamini nuiwarieya hetsiemieme. Kuxineta kaniutahɨtsieni meta mɨpaɨ katiniuhiwa: «'Ixaheritsixi, takie teyunaitɨ tepɨtayeixɨani, Rawiri hetsɨa tixaɨtɨ tepɨkatehayexeiya, meta 'etsiwatɨma mɨtatiyetuirienikɨ 'Itsahi nu'aya».