2 Tsamuheri 15:12 - Kakaɨyari Niukieya

¹² Hikɨ mexi'akuxi mawari 'ixɨarariyari wewiekai, 'Awitsaruni ti'aitame 'ɨxatsitɨwame kaniuta'inieni yupaapa Rawiri hetsɨa mieme, mɨkɨ 'Akituperi katinitewakaitɨni meta Kiru kiekame kanihɨkɨtɨkaitɨni. Mɨpaɨ Rawiri memaye'uniekai metɨrɨkaɨyetɨ mekanakɨnirɨmekaitɨni, 'Awitsaruni memaweiyakai matsi waɨkawa mekanakɨnirɨmekaitɨni.

2 Tsamuheri 15:12 ပူးပေါင်းရင်းမြစ်များ

Nɨawari 41:9

Nehamiku 'ɨaritɨ yemekɨ hetsiena nemɨtiwiyakai kwi nehamatɨa mɨrakwaiwekai, nehepaɨtsitari kaneuniukani.

2 Tsamuheri 15:31

Merikɨte 'ana Rawiri katiniutaxatɨarieni kename 'Akituperi 'Awitsaruni Rawiri maye'unie hetinɨkai. Hikɨ Rawiri mɨpaɨ katiniuyunenewieni: «Yawé, yaketineuyuri yamɨkatiyɨnikɨ 'Akituperi kemɨtiku'eriwa».

Kutsuhexi 15:51

Kutseheni, Huruni meta Kiru, naitɨri tamamata heimana xewi kiekariyari heixeiyatɨkaime 'etsiyeyeume kiekari yu'aurie.

2 Tsamuheri 17:23

'Akituperi matsi 'Awitsaruni mɨkahenu'enikɨ kemɨtiuxatakai, puxu 'ukuha'aritɨaka yukiekaritsie kaneyani. Kepauka yukie munua, 'aixɨa tiuyurieka yutɨɨriyama wahetsiemieme, heyaka xaɨtsie kaneyukawieni. Mɨpaɨ katiniumɨni, kaniukateukieni yupaapa teɨkipa.

2 Tsamuheri 17:14

'Awitsaruni meta 'ixaheritsixi yunaitɨ mɨpaɨ mekaniutiyuani: —Hutsahi 'araki tewiyari kemɨtiku'eriwa 'aixɨa kani'aneni keyuri 'Akituperi niukieya. Mɨpaɨ pɨtiɨyɨ Yawé yamainekaikɨri 'Akituperi kemɨtiku'eriwakai yamɨkatiyunikɨ, tsepanetɨ mɨkɨ matsi waɨkawa mɨtimaiwekai, mɨpaɨ 'Awitsaruni 'axamuyurienikɨ.

Titu 1:16

Mekaniyuhekɨatani kename waniu me'imate Kakaɨyari me'utiyuatɨ, peru kememɨteyurie mepɨyuhekɨata matsi kename meka'imate, mekanixani'eriwani, yamepɨkatekahu, meta mepɨkayɨwawe 'aixɨa memɨte'uyurieni.

Wani 13:18

»Yunaime xehepaɨtsita nepɨkatikuxata. Ne nepɨxemate kehate nemɨxe'anuyexei. Matsi mɨpaɨ nekatiniuyurieni 'utɨarika maye'anikɨ mɨpaɨ maine: “'Iya ne'ikwai mɨkwakai yukeputsakɨ pɨnetsi'uketsi”.

Temaiwawemete 21:27

Yawé 'axateyuruwamete wamawari pɨxani'erie, meta tsiere kepauka 'axa'anemekɨ mawari memɨyetua mɨkɨ pɨxani'erie.

1 Kemɨtiuyɨ 27:33

'Akituperi mɨkɨtatsiere ti'aitame 'ɨxatsitɨwameya pɨhɨkɨtɨkai. Hutsahi 'araki tewiyari ti'aitame 'aixɨa mɨtimate pɨhɨkɨtɨkai.

1 Te'aitamete 21:12

Yamepɨte'uta'aitaxɨ xeitukari teɨteri memuyuhakienikɨ meta Nawuhuti mekaniutakwewieni yunaime teɨteri wahɨxie mekaneyeni.

1 Te'aitamete 21:9

Mɨkɨ xapatsie mɨpaɨ katine'ukaitɨni: «Mɨpaɨ xeketeneta'aita teɨteri meke'uyuhakieni xeitukari, hikɨ teɨteri xekeniwarukuxeɨri, mɨkɨ yunaime wahɨxie Nawuhuti xekenayetsa.

'Inɨatsie 23:30

Waraki yakatiniuyurieni Warami kemɨrehɨawekai, mana kaniwarutimawa 'atahutame tsikerutsixi meta muxatsi 'ukitsi.

'Inɨatsie 23:14

Hikɨ mekanekɨne Tsupini hɨriyaritsie Pitsikaha mɨtitewatsie. Mana mawari taiyame 'atahutame kaniutiwewieni, xexuimetsie xeime tsikeru xeime muxa 'uki mekaniutimawa.

'Inɨatsie 23:1

Warami, Waraki mɨpaɨ katiniutahɨawe: «'Atahutame mawarite taiyame keneutiwewi meta 'atahutame tsikerutsixi meta 'atahutame muxatsi 'ukitsi».

2 Tsamuheri 16:15

Merikɨteta, 'Awitsaruni meta 'ixaheritsixi yunaitɨ memeweiyakai Kerutsareme mekaneutahaxɨakaitɨni, 'Akituperi yaxeikɨata kaneweiyakaitɨni.

2 Tsamuheri 23:34

'Eripereti 'Akatsiwahi nu'aya Mahaka tewiyari, 'Eriyani 'Akituperi nu'aya Kiru kiekame,

Nɨawari 41:10

Yawé, 'ekɨ matsi, keneneutinenimayata, kenenanukuketɨa neta nemɨnekɨhɨanikɨ.

Temaiwawemete 15:8

Yawé 'axateyuruwamete wamawari kani'uxiwe'erieka, matsi puyutemawie heitseriemekɨ yamemɨtekahu wanenewierikɨ.

Keremiyaxi 6:20

¿Titakɨ nereiyehɨwa 'ikɨ 'ɨkwa Tsawa manetɨarie, meta 'ikɨ 'uwá makaka xeime kwieyaritsie 'ateewa paitɨ manetɨarie? Wamawari taiyariyari pɨkanetsinake, wamawarika pɨkanetsinake».