2 Tsamuheri 15:1 - Kakaɨyari Niukieya

¹ Merikɨtsɨ yapaɨmexɨa tukari 'anukayaku, 'Awitsaruni kaxetate kuyaxa mieme kanikuwauni, yayupaɨmemeta kawayutsixi, yaxeikɨata 'ihɨwemete kuyaxi huta tewiyari heimana tamamata meyupaɨmeme kaniwarukuxeɨrieni.

2 Tsamuheri 15:1 ပူးပေါင်းရင်းမြစ်များ

1 Te'aitamete 1:5

Merikɨtsɨ 'Aruniyaxi Rawiri nu'aya Kakiti matɨa memeyexei, kaniuyukuha'aritɨani mɨpaɨ 'utaitɨ: «Ti'aitame nepayani». 'Ayumieme yuwaɨkawame kaniwarukuxeɨrieni kuyaxi. Kaxetate kuyaxa miemete meta kawayutsixi kaniwarukuxeɨrieni meta huta tewiyari heimana tamamata kuyaxi 'ihɨwemete.

Nɨawari 20:7

Mɨkɨ yukaxetate kuyaxa miemetsie mekaneuwawaɨreni, 'iyata yukawayutsixi 'amemɨpapa wahetsie mekaneuwawaɨreni, peru tameta takakaɨyari Yawé hetsie tekaneuwawaɨreni.

2 Tsamuheri 12:11

»Yawé mɨpaɨ kanaineni: “Ne yanekatiniyurimɨkɨ 'anuiwarimatɨtɨ mepɨhɨkɨtɨni memɨmatsi'uximatɨani, penierekaku 'a'ɨitama neniwayetuamɨkɨ xeime hetsɨa, mɨkɨ matsi tukarikɨ wahamatɨa kanikahuimɨkɨ.

1 Tsamuheri 8:11

Mɨpaɨ katiniwarutaxatɨani: —'Ipaɨ katiniyurimɨkɨ ti'aitame, tɨrɨkaɨyemekɨ katinita'aitamɨkɨ xehetsie: Yuniwema xekaninawaiyariekuni para kaxetate memɨwahɨtɨkanikɨ meta kawayutsixi kuyaxi watewama, meta ti'aitame kaxetaya manuyeyeikatsie memɨte'anuyepiwanikɨ.

Temaiwawemete 17:19

Kemɨ'ane minake 'axamɨtiyurienenikɨ mɨkɨ kaninakeni muyutamienikɨ, kemɨ'ane kwinimieme mɨraniuwe tenieya manutatsanarienikɨ kanikuwaneni.

Temaiwawemete 16:18

Kemɨ'ane mɨtiyukatawe'erie tiyu'uname hetsiena pɨye'ani, kemɨ'ane muyuta'ɨre pekaweni.

Temaiwawemete 11:2

Kemɨ'ane mɨtiyukatawe'erie kaniyutewiyatsitɨamɨkɨ, kemɨ'ane mariweme mɨka'ayuyeitɨa, timaiwetɨ payani.

1 Te'aitamete 1:33

ti'aitame mɨpaɨ katiniwarutahɨawe: —Xekeniwara'inietɨ paratsiyuta memɨte'uximaya, neniwe Tsarumuni xekenanutiyetsa nemuratsie, hikɨ xekenanuwitɨki Kikuni haixayari matiniere paitɨ,

Hutarieka 'inɨari 17:16

»Mɨkɨ ti'aitame yumɨireme kawayutsixi mɨwananeka pɨkayɨweni, meta teɨteri pɨkawapitɨaka 'Ekipitu memeuhunikɨ waɨkawa kawayutsixi mewarexeiyatɨ memakɨnekɨ, karikɨ Yawé mɨpaɨ katinixe'utahɨawe: “Tawariri mɨkɨ huyeta xepɨkaheuhuni”.