2 Tsamuheri 14:32 - Kakaɨyari Niukieya

³² Hikɨ 'Awitsaruni mɨpaɨ katinita'eiya: —Ne nepɨmatsi'utanɨ'a nepɨmatsiwawiriekai ti'aitame hetsɨa pemumiekɨ meta pemeita'iwawiyakɨ ketitayari Ketsuxi kiekariyaritsie nemeyeikakai nereyetɨa. Matsi 'aixɨa pɨyɨnikekai xɨka mana neheyuhayewake. Ti'aitame hɨxie nekanimieni, xɨka nehetsie tixuaweni, kenetsi'umieni.

2 Tsamuheri 14:32 ပူးပေါင်းရင်းမြစ်များ

Temaiwawemete 28:13

Kemɨ'ane 'axamɨti'ane mɨti'awieta hatsuaku 'aixɨa pukatiyeyani, matsi kemɨ'ane muyutahekɨata 'axamɨti'ane mɨtiku'eirieni mɨkɨ katineuyehɨwiyariemɨkɨ.

1 Tsamuheri 20:8

Metsɨ Yawé hɨxie tɨratu pekaniuwewieni nehamatɨa, kename ti'a'uximayatsiriwame nehɨkɨ, 'ayumieme waɨkawa nepɨmatsiwawirie yurikɨ pemɨnetikuxaxatɨwanikɨ. Xɨka ne 'axanetiuyurieni mɨpaɨ peretimani, 'apaapa hetsɨa pepɨkanetsiyetuayani, 'ekɨ matsi keneneumi'a.

Memeyekɨ 14:12

Yatepaitɨkatei 'Ekipitu paitɨ: “Ketaneuhayewa. Pɨtatsinake 'ekipitutari temɨtewa'uximayatsirieka”. Matsi 'aixɨa pɨ'anekai temɨteware'uximayatsiriekakɨ, 'ena temɨkakwinikɨ makumawetsie.

Xumatari 3:19

Hikɨ tame mɨpaɨ tepɨtemate, naime 'inɨari niukiyari kemaine, pɨtiwarutaxatɨa mɨkɨ 'inɨari niukiyaritsie memɨtewiya, yunaime wateni muwaranunamirienikɨ, Kakaɨyari mɨwataxanetakɨ yunaime kwiepa memɨtama.

Mateu 25:44

Mɨkɨta mɨpaɨ mekatenitahɨawikuni: “Ti'aitame, ¿kepauka kuta tepɨmatsi'uxei peheuhakamɨkɨme, peheuharimɨkɨme, kuyeikame pehɨkɨtɨkaku, pemaweme, petikuyeme, pe'anutahɨiyaku, tepɨkamatsi'uparewi?”

Keremiyaxi 8:12

¿Kamɨtsɨ mete'uyutitetewiyaxɨ kemɨtixani'eriwakɨ yamete'uyurieka? Hawaikɨ, tixaɨtɨkɨ mepɨkateyutitetewiyawawe, mepɨka'imate paitɨ tita mɨtitewiyarika. 'Ayumieme, mepatixɨrieni kemɨ'ane mematixɨriyani wahamatɨa, kepauka 'uximatɨarika wahetsie nemɨkawiwieni —Yawé mɨpaɨ kanaineni—.

Nɨawari 36:2

Mɨpaɨ pɨtiku'eriwa kename 'aixɨa tiuka'iyari 'axamɨti'ane pɨkaxani'erie.

1 Tsamuheri 15:13

Hikɨ kepauka Tsamuheri munua, Tsahuri mɨpaɨ katinitahɨawe: —Yawé 'aixɨa kematsiyurieka. 'Ari nepɨraye'atɨa Yawé kemɨnetiuta'aitɨa.

Memeyekɨ 17:3

Peru 'ixaheritsixi waɨkawa mepeuharikukai, Muitsexi hepaɨtsita mepɨniukixiekai. Mɨpaɨ mekatenikɨhɨawekaitɨni: —¿Ketitayari petarayewitɨ 'Ekipitu kwieyaritsie? Kauka xeikɨa petatsiheyewitɨ teyeharikwitɨwetɨ temɨkwinikɨ, taniwema meta tatewama.

Memeyekɨ 16:3

Mɨpaɨ 'ixaheritsixi mekaniutiyuanekaitɨni: —Matsi 'aixɨa pɨ'anekai xɨka Yawé tatsihekwinike 'Ekipitu paitɨ. Mana 'aixɨa tepɨtehetikwa'akai wai 'itsarikɨ meta pakɨ yemekɨ tepetihuxarɨwekai. Xeme xepɨtatsiheyewitɨ, 'ena makumawetsie teyunaime xemɨtatsikwinikɨ haakakɨ.

Tsutɨarika 3:12

'Uki mɨpaɨ kaniutayɨni: —Mɨkɨ 'uka pemɨnetsi'uwitɨtɨa, pɨnetsi'umi nepitakwai.

2 Tsamuheri 3:3

hutarieka mieme Kirehawi 'Awikahiri nu'aya, Nawari Kaximeri kiekame mɨ'ɨyayatɨkai, hairieka mieme, 'Awitsaruni Mahaka nu'aya, ti'aitame Tarimahi nu'aya Ketsuxi kiekame,

2 Tsamuheri 13:37

'Awitsaruni kepauka muyuta'unaxɨ, Tarimahi hetsɨa kaneyani heyuti'awietake 'Amihuri nu'ayatsɨa, Ketsuxi kwieyaritsie ti'aitame mɨhɨkɨtɨkai. Haika wiyari mana kaniuyuhayewa. Rawiri matsi yuniwe 'Aminuni hetsiemieme kaniutitsuakakaitɨni tukarikɨ,

2 Tsamuheri 14:31

Hikɨ Kuhawi kaneyani kwitɨwa 'Awitsaruni kie, mɨpaɨ katinitahɨawe: —¿Ketitayari 'ahetsɨa miemete, ne'etsiya metehetataiyaxɨ?