2 Tsamuheri 14:14 - Kakaɨyari Niukieya

¹⁴ Haa xɨka 'utayeuriyani kwiepa pɨkayɨwe tawarita mikuhanɨni, mɨpaɨ yaxeikɨata tanaitɨ tekanikwikuni. Peru matsi Kakaɨyari tatukari pɨkatatsikunawairiwa, matsi pɨta katinikuwauneni 'ateewa muyeika yuheyemekɨ 'ateewa mɨka'uyeikanikɨ.

2 Tsamuheri 14:14 ပူးပေါင်းရင်းမြစ်များ

Kuwi 30:23

Yanepɨtimate teukiyapa kepemɨnereukatuanikɨ, hakewa teyunaitɨ 'atemu'uwa temɨtakukuwe metakiekaritsie.

Hepɨrayutsixi 9:27

Teɨteri wahetsie katininakimɨkɨ xeimieme memɨkwinikɨ, 'ariketa 'itsɨkame kaniwatahɨawimɨkɨ.

'Inɨatsie 35:28

'Ayumieme mukuweiyariene mɨkɨ kiekaritsie keyuhayewani mayu'awietatsie kepaukake mɨmɨni mawari wewiwamete tiwa'aitɨwame. 'Anake kaniyɨwemɨkɨ munuanikɨ yukwietsie.

Kuwi 34:15

yunaitɨ teɨteri mekaniukumaweriweni, yunaitɨ tumuanari mekanakɨniwaweni.

'Inɨatsie 35:25

teɨteri hetsiena mɨrahɨiwa hetsie mekanitanuakuni, mekanitatuakuni kiekari muwayu'awieta tawarita munuanikɨ, muwa keyuhayewani, mawari wewiwamete tiwa'aitɨwame hatseiti mɨpatsie mukawiriyarie mɨyuke kaniwayeyeimɨkɨ.

'Inɨatsie 35:15

'Ikɨ kiekari 'ataxewitɨ yu'awiwietame kanayeimɨkɨ 'ixaheritsixi wahetsiemieme meta 'ateewa kiekatari, mana kiekatari yatɨni tsepa mana memɨkakiekatari. Kemɨ'ane mɨtiuyumi ka'imaime, mɨkɨ kiekaritsie muyuta'una kaniyɨwemɨkɨ.

Ti'ɨkitame 9:5

Memayeneniere mɨpaɨ mekatenimaika kename mekwini, peru mɨkite 'atsimepɨkatemate meta tixaɨtɨ mepɨkatetakwewie, mɨkɨ yapauka mepatɨmaiyarɨwa.

Nɨawari 22:14

Haa hepaɨ netukari pɨtayeuriwe, ne 'umete naitɨ pɨxɨxɨni. Ne 'iyari xɨrɨka hepaɨ 'anetɨ patɨa, netaɨta witsɨanitɨ puhane.

Kuwi 14:14

Xɨka tewi 'umɨni, tawariri 'ayeyuritɨ pɨka'ayani. Kenemɨreutere netiuka'eniwatɨ ne'uyeikatɨ nepɨta'ikwewani kepaukake nemɨxɨnarieni.

Xumatari 2:11

Kakaɨyari yɨkɨ pɨkatiwaxeiya teɨteri.

Mateu 22:16

Mekaniwarenɨ'ani yuhetsɨa miemete teyɨ'ɨkitɨwamete hetsɨana meta hipame Herurexi hetsie memɨtewiyakai, mɨpaɨ memɨte'itahɨawekɨ: —Ti'ɨkitame, tame mɨpaɨ tepɨtemate yurikɨ yapepɨtikamie, meta Kakaɨyari huyeya hepaɨtsita pepɨti'ɨkita yurikɨ. Yunaime yaxeikɨa pepɨtiwaxeiya, yayupaɨmeme xeikɨa pepɨkawanaki'erie.

Nɨawari 90:10

Hipatɨ haika tewiyari heimana tamamata wiyari mepɨtihipite, heiwa tepanuti'axe nauka tewiyari wiyari, xɨka tɨrɨkariya 'akuxi tehexeiyani. 'Apɨpaɨme mɨkɨ wiyari, mɨyatɨtɨ, waɨkawa 'uximayatsika pɨtiuyɨne meta 'uximatɨarika: yapauka kananuyekɨkani, tameta wahamatɨa tekaniuhuni.

Nɨawari 90:3

'Ekɨ yapepɨtiyuriene teɨteri tumuanari memakɨkanikɨ, kepauka mɨpaɨ pemutaine: «Xemɨkwiwawe, tumuanari xeke'akɨne».

Nɨawari 79:3

Naitsarie Kerutsaremetsie xuriya meputayeuri, haa memutayeurieni hepaɨ, meta mɨkite muwakateuku kaniumaweni.

Nɨawari 58:7

'Amamatetsie haa hepaɨ meke'ukakunetɨkɨne, kepauka yutupi memahapani wa'ɨrɨ kehakamurixɨani.

Kuwi 34:19

Kakaɨyari te'aitamete mexɨakate xeikɨa waɨkawa pɨkawaparewie, meta xikutsixi xeikɨa pɨkawaparewie tixaɨtɨ memɨkateheuxeiya kawanaki'erietɨ. Yunaitɨ matsi mɨkɨ 'iwewarimama mepɨhɨkɨ.

2 Tsamuheri 11:25

Merikɨte Rawiri yuniuki tuayame mɨpaɨ katiniutahɨawe: —Kuhawi mɨpaɨ ketinetahɨawi nehetsiemieme waɨkawa 'axapɨkareyɨkɨhɨaweni kemɨreyɨ hepaɨtsita, 'ixipara matsi pɨtiyumemiwa tsepa kemɨ'ane. Mɨpaɨ ketinetahɨawi tawarita hekwamekɨ kewaretakwini mana kiekatari, kepaukake mɨkɨ kiekari naime meka'una.

Hutarieka 'inɨari 10:17

Yawé 'akakaɨyari matsi kakaɨyarixi kaniwakakaɨyaritɨni, meta yunaime te'aitamete katiniwa'aitɨwametɨni, kwi tɨrɨkaɨyetɨ 'ayemakaxiwatɨ, yɨkɨ katiwaxeiyatɨ teɨteri tixaɨtɨkɨ katipatatɨ.

Mawari 26:40

»Matsi xɨka xe'itahekɨata 'axakexemɨte'uyurikɨ meta xepaapama 'axakememɨte'uyurikɨ, memɨnetsi'uku'eirikɨ, meta menetsi'aye'unietɨ memakɨkɨ,

1 Pekuru 1:17

Mɨkɨ yɨkɨ katiwaxeiyatɨ kaniwa'inɨatani kememɨteyurie yuxexuitɨ, mɨya mɨ'ane xɨka xe'utahɨawe yu'ukiyaritɨme, xe'eyemakatɨ 'aixɨa xete'ixeiyatɨ xekeneyɨaka mexi'akuxi 'ena xe'u'uwa

Nɨ'ariekate 10:34

Hikɨ Pekuru mɨpaɨ kaniutayɨni: —Yurikɨ hikɨrixɨa mɨpaɨ nepɨretima, Kakaɨyari teɨteri yɨkɨ pɨkatiwaxeiya,

Memeyekɨ 21:13

»Xɨka mɨpaɨ kara'eriwatɨ tiuyurieni, Kakaɨyari pɨta yahainekaku tiɨyɨni, tiyumiekame pɨyɨwe muyuta'una hakewatsɨ ne nemetaxata.

2 Tsamuheri 14:15

»'Ekɨ ti'aitame 'ahamatɨa netitaxatake ne nekaneyeyani, teɨteri waɨkawa mepɨtekuxata menetsimariutatɨ. Mɨpaɨ nepɨre'eri: “Ti'aitame hamatɨa nepɨretaxata, heiwatɨ netsihe'enieni ketita nemɨreitawawirieni,

1 Te'aitamete 11:39

Ne nepɨwa'uximatɨani Rawiri nuiwarimama, peru yuheyemekɨ pɨkatixaɨ”».

Nɨawari 22:15

Netɨrɨkariya haxu hepaɨ puwa, neneni pukuwewerike. Mɨkite watsata pepɨnetsi'ukateukixɨ.

Nɨawari 77:8

¿Kamɨtsɨ naitɨ tiuyɨ naki'eriyaya mɨkaxɨwekai, meta naimekɨ kemɨtarahɨawekai yuheyemekɨ?

Hiwerika 3:31

Yawé katanexɨrieni, peru yuheyemekɨ pɨkatatsihexɨrieni.

'Etsekieri 18:23

Mɨpaɨ xepɨkateku'eriwani kename xɨka 'axatiyuruwame 'umɨni, ne'iyari 'aixɨa kuyɨne. Hawaikɨ matsi pɨnetsinake 'axatiyurienetɨ mɨtihayewakɨ, 'amuyeikanikɨ. Ne, Yawé, mɨpaɨ nekanaineni.