2 Tsamuheri 13:3 - Kakaɨyari Niukieya

³ Peru 'Aminuni yuhamiku kwinie timaiweme kanexeiyakaitɨni Kunarawi titewakame, Tsimaha kaninu'ayatɨkaitɨni meta Rawiri kanimatsuyatɨkaitɨni. Kunarawi

2 Tsamuheri 13:3 ပူးပေါင်းရင်းမြစ်များ

1 Tsamuheri 16:9

Tsama titewakameta mana kaniutakeni, yaxeikɨa Tsamuheri kaniutayɨni: —'Ikɨta yaxeikɨa Yawé pɨka'enayexei.

1 Kurinitutari 3:19

Kwiepa memɨtama kememɨtemaiwawe, Kakaɨyari hɨxie memɨka'u'iyarini hepaɨ mekani'aneneni. Mɨpaɨ katine'uka: «Memɨtemaiwawe Kakaɨyari yakatiniwakupitɨwani kememɨteku'eriwakaitsie memuyukaxɨrienikɨ».

Tsatiyaku 3:15

Mɨkɨ mɨtimaiwenikɨ pɨkahɨkɨ taheima makaneika, kwiepa pɨta kanimiemetɨni tewi kemɨtimaiwe meta kakaɨyarixi 'axamemɨ'anene wahetsie mayeneika.

Keremiyaxi 4:22

«Neteɨterima mepɨka'u'iyari, mepɨkanetsimate, tɨɨri 'atsimemɨkatemate mepɨhɨkɨ memɨkatemaiwawe. Kwinimieme mepanayeyɨne 'axamemɨteyurienikɨ, 'aixɨa memɨteyurienikɨ mepɨkamate».

Temaiwawemete 19:6

Xikutsixi waɨkawa hamikutsixi mekaniwareuxeiyani, yunaitɨ teɨteri mekaniwatemawikuni 'etsiwa 'imikierikɨ.

'Etsitexi 6:13

Yu'ɨya Tseretsi meta yunaime yuhamikuma katiniwarutaxatɨani kemɨranuyeyakai. Hikɨ 'ɨxatsitamete waɨkawa memɨtemaiwawekai meta 'ɨyaya Tseretsi mɨpaɨ mekatenitahɨawe: —Maxirukeyu xɨka pemiemɨkɨ, xɨka huriyu tewiyari hɨkɨtɨni pepɨkayɨwekaxɨani. Kaniyuritɨni 'ekɨpɨta pekanimieriemɨkɨ.

'Etsitexi 5:14

'Ɨyaya Tseretsi meta yunaitɨ hamikumama mɨpaɨ metenitahɨawe: —Kɨye 'anuyemɨtsɨme keneuta'aita huta tewiyari heimana tamamata tsikuriyari 'utewime, ximerita ti'aitame keneutawawiri Maxirukeyu mana mɨkaxuiyanikɨ. Mɨpaɨ 'aixɨa 'iyari pekanimieni 'ixɨararipa ti'aitame matɨa. 'Amani kemɨtiutahɨawarie kaninake, katiniuta'aita kɨye 'anuyemɨtsɨtɨ mɨkakerienikɨ.

'Etsitexi 5:10

Peru 'uyɨnɨtɨaka yukie kaneyani. 'Amani yuhamikuma kaniwaruta'inieni meta yu'ɨya Tseretsi,

2 Tsamuheri 14:2

'Ayumieme katiniutanɨ'ani 'uka mɨwitɨkiemiekɨ waɨkawa mɨtimaiwe, mɨkɨ Tekuha mɨrakutewatsie kaniukateitɨni, mɨpaɨ katinitahɨawe: —Yuheiweriekame hepaɨ ketineu'akemaritɨa, witsimu'ɨa pepɨka'akawiriwani, matsi yuheiweriekame hepaɨ kene'aneni, 'aniwe mumɨni hepaɨ.

2 Tsamuheri 13:32

Kunarawi Tsimaha nu'aya Rawiri matsuya, mɨpaɨ katinitahɨawe: —'Ekɨ ti'aitame yunaitɨ 'aniwema mehekwi'iwame pepɨka'erieka, matsi 'Aminuni xeikɨa kane'itɨarieni. 'Awitsaruni yakatinimaikaitɨniri kepaukapai 'Aminuni Tamaxi mukumayɨatsie taruya.

'Itsɨkate 14:20

Hikɨ Tsanitsuni 'ɨyaya kaniyetuiyani xeime hetsɨa, kepauka 'ixɨarari mɨwewiekai hamatɨana muyeikakai hetsɨa.

Tsutɨarika 38:20

'Ariketa Kura tsipu kanenɨ'ani, yuhamiku 'Arurani kiekame kaniutanɨ'ani mɨrewayepinikɨ tita mɨreku'eiriekai, hikɨ hamikuya 'uka pɨkahetaxei.

Tsutɨarika 38:1

Merikɨtsɨ Kura yu'iwama waruku'eirieka kaneyani xaɨtsie paitɨ. Xeime kie kaniutayerɨni Hiraxi titewakame hetsɨa, 'Arurani kiekame hetsɨa.

Tsutɨarika 3:1

Kuu, kwinimieme katinimaiwekaitɨni keyuri hipatɨ yeutari Yawé Kakaɨyari muwarutawewiekai, hikɨ 'uka mɨpaɨ pɨtiuta'iwawiyaxɨ: ―¿Kakaɨyari mɨpaɨ pɨkahainekai xɨari kename xeka'ikwaka naime 'ikwaxi harawerita mieme?

1 Tsamuheri 16:11

¿'Ikɨri 'aniwema yunaitɨ metehɨkɨ? 'Itsahi mɨpaɨ kaniutayɨni: —'Etsimuyumate peuyewetse, mɨkɨ muxatsi pɨwarehɨne. Tsamuheri mɨpaɨ katinitahɨawe: —Muwawiemiekɨ ketineutanɨ'a mɨkɨ nuayuke tepɨyɨwawe temiyeweiyani.

2 Tsamuheri 13:2

Matsi Tamaxi mɨ'ɨimaritɨkaikɨ, 'Aminuni katiniutakwine yuhɨawetɨ mɨpaɨ tiku'eriwatɨ mɨkwaniwekaikɨ yamɨtiyurienikɨ kemɨtiku'eriwakai hetsiena mieme.

2 Tsamuheri 13:4

'Aminuni mɨpaɨ katiniuta'iwawiya: —¿Titayari 'ekɨ ti'aitame penu'ayatɨtɨ kwinimieme petiyɨxime petikuye? ¿Titayari pekaneraxaxatɨwa kepemɨti'akuhɨawe? Hikɨ 'Aminuni mɨpaɨ katinita'eiya: —Nerikɨ Tamaxi nepɨhiwe'erie, ne'iwa 'Awitsaruni 'iwaya.

2 Tsamuheri 21:21

Mɨkɨ 'ixaheritsixi kaniwa'iwamɨkɨkaitɨni memɨtimamanikɨ, peru Kunatani Tsimaha nu'aya, Rawiri matsikaya kanimieni.

1 Kemɨtiuyɨ 2:13

Kitsahi nu'aya mexɨakame patɨa 'Eriyáwi, hutarieka mieme 'Awinarawi, hairieka mieme Tsimaha,

1 Kemɨtiuyɨ 27:32

Kunatani Rawiri tatatsieya, ti'utɨwame mɨtimaiwekai, ti'aitame 'ɨxatsitɨwameya pɨhɨkɨtɨkai. Kehieri Kakumuni nu'aya pɨwa'ɨwiyakai ti'aitame niwemama.