2 Tsamuheri 13:29 - Kakaɨyari Niukieya

²⁹ Te'uximayatamete yamekateniuyurieni 'Aminuni hepaɨtsita 'Awitsaruni kemɨtiwaruta'aitɨa. Hikɨ hipatɨ ti'aitame niwemama mekananuku'uni, yuxexuitɨ yumuratsixi wahetsie me'anutiyaxixɨaka mekanekɨne meyuta'unake.

2 Tsamuheri 13:29 ပူးပေါင်းရင်းမြစ်များ

1 Te'aitamete 1:33

ti'aitame mɨpaɨ katiniwarutahɨawe: —Xekeniwara'inietɨ paratsiyuta memɨte'uximaya, neniwe Tsarumuni xekenanutiyetsa nemuratsie, hikɨ xekenanuwitɨki Kikuni haixayari matiniere paitɨ,

2 Tsamuheri 18:9

'Awitsaruni, 'uyu'unarɨmetɨ muratsie Rawiri kuyaximama kaniwaranukunake. Hikɨ mura xiu 'atimariweme hetɨa kaneuyehani, muwa 'Awitsaruni mu'uya kɨyexitsie kaniutseni. Mura munautsarɨmekaikɨ 'Awitsaruni wapaitɨ kaniuyewiere kɨyexitsie.

Mikeyaxi 7:3

Nixewitɨ pɨkawara'iwa ke'axamemɨteyuriekɨ, ti'aitame parewiwametemama meta 'itsɨkate mepiku'iwawa 'awie memɨtepitɨarienikɨ. Memɨtɨrɨkawi mekateniku'iwawani xeikɨa, meta yunaitɨ mekaniyutemawieritɨaka ketita memɨtehiwe'eriekɨ.

Temaiwawemete 29:12

Kwiepa ti'aitame xɨka memɨte'itawa xeikɨa wareu'enieka, yunaitɨ te'i'uximayatsiriwamete 'axamekateniu'iyarikakuni.

Mawari 19:19

»Yaxeketenekahuni ne'aitsikatsie: »Tewaxi hipame yɨkɨ memɨ'anene wahamatɨa xepɨkawaweiyatsitɨatɨweni. »Yuwatsiyata huta 'imɨariyari yɨkɨ'anenekamekɨ xepɨka'etɨweni. »'Ixuriki hiru hutame yɨkɨ 'anenemekɨ wewiyakame xepɨka'anakatɨkɨni.

Tsutɨarika 36:24

Tsiwehuni niwemama mepɨhɨkɨ: 'Ayaha meta 'Ahana. 'Ikɨ 'imatɨrieka mieme haa xɨkame mutaxei kanihɨkɨtɨni makumawetsie hetineikatɨkaime, yupaapa puxurimama wahɨnetɨ Tsiwehuni.

2 Tsamuheri 13:30

Hikɨ 'akuxi huyeta yateewa mekaniuhukaitɨni Rawiri kepauka niuki mu'eni: «'Awitsaruni ti'aitame niwemama yunaime kaniwarekwini. Mɨkɨ nixewitɨ 'ayenieretɨ pɨkayuhayewaxɨ».

1 Te'aitamete 1:38

Tsaruki mawari wewiwame, Natani Kakaɨyari niukameya meta Wenahiyaxi Kuyara nu'aya, meta kereteutsixi, pereteutsixi, Tsarumuni mekananutiyeni Rawiri ti'aitame murayatsie, meta me'ihɨtɨ 'auriena mekaneutiwetɨkateitɨni kepauka Kikuni haixayari hepa kɨatsata memukahukai.

2 Tsamuheri 12:10

'Ayumieme hipatɨ 'anuiwarima 'uxa'atɨniwarie mepɨtakwikwiwani 'ixiparakɨ, pemɨnetsi'utatawe'erikɨ meta 'Uriyaxi heti tewiyari 'ɨyaya 'a'ɨya pemayeitɨakɨ”.

2 Tsamuheri 14:6

'Ekɨ ti'aitame ne ti'a'uximayatsiriwame yuhutame neniwema nekaniwarexeiyakaitɨni, mɨkɨ mepuyutakwi yeuta me'u'uwatɨ, matsi xewitɨ mumawekaikɨ mɨwata'imaiyakɨ, mɨkɨ xewitɨ yu'iwa kaniumieni.