2 Tsamuheri 13:22 - Kakaɨyari Niukieya

²² 'Ana mɨtiyehane 'Awitsaruni 'Aminuni pɨkakuhɨawekai, matsi kanixani'eriekaitɨni 'iwaya Tamaxi hamatɨa mukahuikɨ.

2 Tsamuheri 13:22 ပူးပေါင်းရင်းမြစ်များ

Tsutɨarika 31:24

Perutsɨ mɨkɨ tɨkaritsie Kakaɨyari Rawani 'arameu tewiyari katiniutaxatɨani kutsukaku mɨpaɨ katinitahɨawe: «'Amarima 'aixɨa Kakuwu pepɨka'utate'ani».

1 Wani 3:15

Yunaitɨ yu'iwama memɨwa'uxie teyumemiwamete mekanihɨkɨtɨni, xeme xepɨtemate tiyumemiwame yɨkɨmana tukari mɨkaxɨwe pɨkahexeiya.

Tsutɨarika 24:50

Hikɨ Rawani Wetuheri hamatɨa mɨpaɨ mekaniutiyuani: —Xɨari Yawé matsi mɨpaɨ paine, tame huu temaitɨkani tepɨkayɨwawe meta tixaɨ.

1 Wani 2:11

Kemɨ'ane yu'iwa mu'uxie yɨwipa kaniuweni, meta yɨwipa kaniuyeikani, 'atsipɨkatimate kemɨtimie yɨriya mekɨpiriyakɨ.

1 Wani 2:9

Kemɨ'ane hekɨaripa muyeika maine, peru yu'iwa 'uxietɨ, mɨkɨ yɨwipa 'akuxi kaniuyeikani.

'Epetsutari 4:31

Xeketeneuhayewa xehayutsiɨriyatɨ xeteyuka'uxiwe'erietɨ xeyuhaxɨawiyatɨ xe'utihiwatɨ 'axaxe'utiyuatɨ. Mɨkɨ naitɨ ketixani'eriwani xehetsɨa, meta naitɨ 'axamɨti'ane.

'Epetsutari 4:26

Xɨka xeha'aka, perutsɨ 'axaxepɨkateyurieni, xepɨka'ipitɨaka xeitukari xemɨha'akakɨ.

Mateu 18:15

»'A'iwa xɨka 'axa'utayɨni 'ahepaɨtsita, hetsɨana kenemie yaketineutahɨawi yɨhɨkɨate xeti'utɨ 'ekɨ mɨkɨ hamatɨa. Xɨka matsi'u'enieni, 'a'iwa pɨhɨkɨtɨni xepuyunaki'erieka.

Ti'ɨkitame 7:9

Haxɨakɨ xeikɨa pepɨka'ayeweni, matsi mɨkɨ 'atsimɨkatimate kani'iyarieyatɨni.

Temaiwawemete 26:24

Kemɨ'ane mɨtiyuka'uxiwe'erie yuniukita katini'awietani, matsi yutaɨta 'axakatiniyurimɨkɨni.

Temaiwawemete 25:9

'Ahepaɨ tewi hepaɨtsita 'aixɨa keneu'ayuri ke'axapemutayɨkɨ, meta xeime 'awie mɨpaɨ pepɨkarahɨaweni mɨkɨ 'axakemɨtiuyurikɨ.

Temaiwawemete 10:18

Kemɨ'ane 'uxiwe'erika mɨ'awieta mɨkɨ katini'itawani, kemɨ'ane mɨkayuwaɨriya muwapariewienikɨ teɨteri hipame wahetsiemieme kananiuweni.

Tsutɨarika 31:29

Ne nekaniyɨweni nemɨtixe'utikwinitɨani, peru 'ikɨ tɨkaritsie 'apaapa Kakaɨyarieya pɨneretaxatɨa mɨpaɨ pɨneretahɨawixɨ: “'Amarima 'aixɨa Kakuwu pepɨka'utate'ani”.

1 Wani 3:10

'Ipaɨ mepɨtematsiɨkɨ Kakaɨyari niwemama meta Kauyumarie niwemama: Kemɨ'ane yamɨkatiyuriene kemɨtiheitserie meta kemɨ'ane yu'iwa mɨkanaki'erie, mɨkɨ Kakaɨyari pɨkanu'aya.

1 Wani 3:12

Kahini hepaɨ tepɨkayɨaka, mɨkɨ 'axamɨtiyuriene hetsɨa kanimiemetɨkaitɨni, yumuta kaniumieni. ¿Titayari timi? Tita mɨtiyurienekai 'axamɨti'anekaikɨ, mutaya tita mɨtiyurienekai mɨheitseriekaikɨ.

2 Tsamuheri 13:21

Kepauka Rawiri ti'aitame mɨtiutamari naime kemɨtiuyɨkai hepaɨtsita, waɨkawa kaniuyeha'ani.

Temaiwawemete 26:26

Tsepa 'uxiwe'erika muti'awietaxɨ yuhetsie, matsi mɨkɨ mɨirikɨa memayuxeɨrietsie katinitahekɨatsiemɨkɨ ke'axamɨtiuyuri.