2 Tsamuheri 13:12 - Kakaɨyari Niukieya

¹² Mɨkɨ mɨpaɨ katinitahɨawe: —Ne'iwa, ketineuhayewa pepɨkanetsinanaimaka, 'ixaheritsixi mɨpaɨ tepɨkateyurie. 'Axapepɨkatiyurieneni.

2 Tsamuheri 13:12 ပူးပေါင်းရင်းမြစ်များ

'Itsɨkate 20:6

Hikɨ neheitikweka, nekaneitixitexɨani kememɨyupaɨme 'Ixaheri nuiwarimama wahetsɨa nekaneitanɨ'axɨani, mɨkɨ 'axati'anekame memɨteheutiwiwiexɨakɨ 'Ixaheri kwieyaritsie.

'Itsɨkate 19:23

Kii kutsiyari kanewayeyani mɨpaɨ katiniwarutahɨawe: ―Hawaikɨ ne'iwama, 'axaxepɨkate'u'iyarini, 'ikɨ tewi pɨne'iwatame. Mɨkɨ xepɨka'itewiyatsitɨaka 'axamɨti'anekɨ.

Mawari 20:17

»Xɨka xewitɨ 'ahurawa yu'iwa 'ukumayɨani, mɨkɨri tewiyɨkɨmekɨ katiniyurimɨkɨ yuhutatɨ mɨirikɨa mekananuhapaniekuni. Yu'iwa kaniutewiyatsitɨani, mɨyamutiuyurikɨ katinika'eniexɨamɨkɨ ke'axamɨtiuyurikɨ.

Tsutɨarika 34:7

Kepauka Kakuwu niwemama memu'axɨa mekateniutamarieni kemɨtiɨyɨkai, pɨkawarunakixɨ waɨkawa meha'atɨ mekaniuyuhayewa. Tsikeni waɨkawa 'axakatiniuyuriekaitɨni 'Ixaheri hepaɨtsita niweya munanaimakɨ, pɨkaheuyewekai matsi mɨpaɨ mɨtiyurienikɨ.

Mawari 18:11

»'Apaapa nu'aya yu'ɨyatsie meyexei hamatɨa pepɨka'ukahupuni pe'ikumayɨanike. Pepɨka'itewiyatsitɨaka mɨkɨ pɨ'a'iwa.

Mawari 18:9

»'Ataru hamatɨa pepɨka'ukahupuni pe'ikumayɨanike, 'apaapa meta 'amaama memeyexei, 'axeikɨa xe'utinunuiwame yatsepa xaɨtsie metinuiwaxɨ.

Temaiwawemete 7:7

Nepɨne'ɨwiyaxɨ temari memɨka'u'iyari wahetsie, mɨkɨ temari watsata xeime kwi nepuxei xeime yemekɨ 'atsimɨkatimate.

Hutarieka 'inɨari 22:29

'uki 'uka 'ukiyarieya pɨrakapitɨani huta tewiyari heimana tamamata pɨrata tuminiyarikɨ, meta 'uka pɨtiwitɨni mikumayɨakɨri. Mɨkɨ hatsuaku pɨkayɨweni miku'eirieni.

Tsutɨarika 34:2

Kepauka mixei Tsikeni, Kamuxi nu'aya, heweu tewiyari, mana mɨtiwa'aitɨakai, 'iwiyaka waɨriyarika 'ipitɨatɨ hamatɨana kaniukahuni kaninanaimani.

Hutarieka 'inɨari 22:21

kehehanieni paapaya kiiya kitenie paitɨ, hikɨ mana 'ukitsi kiekaritsie kiekatari meke'imieni tetexikɨ me'ititɨaxatɨ. Mɨpaɨ keranuyeyani 'axamɨtiuyurikɨ 'Ixaheri kwieyaritsie meta yupaapa kiiya mutewiyatsitɨakɨ 'axa'anemekɨ 'uyeikatɨ mɨyamɨtiuyurikɨ. Mɨpaɨ xepɨtehayewani 'axamɨti'ane xetsata mɨtixuawe.

Keremiyaxi 29:23

'Ixaheri kwieyaritsie kwinimieme 'axamepɨte'uyuri: Hipame wa'ɨitama mepɨwarukumayɨa meta kenemɨka'utayɨ 'itarika xeikɨa mepɨte'utaxa nehetsiemieme. Ne yanekatinimaika meta nepunierixɨ kemɨtiɨyɨ», Yawé mɨpaɨ kanaineni.