2 Tsamuheri 1:21 - Kakaɨyari Niukieya

²¹ »Xɨa'ui, Kiriwuha hɨriyarite, xeme xehetsɨa pɨka'ukawiwiyeni meta pɨka'ukuhaɨtsiyatani. Tɨriku pɨka'utixuxuawereni mawari mayanikɨ. Tsahuri mana mukahɨiyakɨ kɨmana muyukunarɨma 'a'ɨtɨ: memɨte'ayu'iwa kɨmana memɨyukunarɨma mana mepeihɨa.

2 Tsamuheri 1:21 ပူးပေါင်းရင်းမြစ်များ

1 Tsamuheri 31:1

Merikɨtsɨ piritsiteutsixi 'ixaheritsixi mekaniwarutakwini, peru mewaruxeiyaka mekaniuyuta'una 'ixaheritsixi. Kiriwuha yemuriyaritsie mɨkɨ yumɨiretɨ mekaniukwi'iwa.

Kitsariyaxi 21:5

Mɨkɨ mexate mana mepuku'uitɨa, 'itari mekanikuwerani, mepɨtekwa'a meta mepɨte'ie. Xemanuyetei, 'axekeneti'uka. Xekenanuku'uti, yuheima nunuwame xekeneutiwiyama.

1 Tsamuheri 10:1

Hikɨ Tsamuheri puteyu hatseiti witsimu'ɨa mayema watihanaka Tsahuri mu'uyatsie kanikawirieni. Meta kani'itseni mɨpaɨ katinitahɨawe: —Yawé kaniyɨaneni mɨmatiukawiri teɨterimama tiwa'aitɨwame pemayanikɨ.

Kuheri 2:14

Heiwatɨ Kakaɨyari 'aixɨa mɨtinixe'uxei kemɨtiku'eriwakai mɨnipataxɨ, 'aixɨa mɨti'ane mɨtatiniuhayewi. 'Imikieri hatsite mɨkɨ meta kaxie winuyari mɨtiyeuriwa Yawé xekakaɨyari hetsɨa katinimiemetɨni.

Kuheri 1:9

Hatsite mawariyari meta kaxie winuyari mɨtiyeuriwakai, mɨkɨri Yawé tukieyata pɨkareyetuiwa. Mawari wewiwamete mepuyuheiwerie, Yawé hetsiemieme te'uximayatamete.

'Etsekieri 31:15

»” ’Yawé naimekɨmɨyɨwe mɨpaɨ kanaineni: Kepauka kariuxa meukatewatsie mɨkayunixɨ, ne haramara kwieta mieme mɨkawanikɨ yanepɨtiuyuri, hiwerika mɨ'inɨariyaritɨnikɨ. Haa muhapane pukawaxɨa meta 'akite 'amatayeyeu, mɨkɨkɨ hiwerika Riwanu nepupitɨa, meta naitɨ 'iteɨrite yeuta timieme pɨtiutiwa.

Kitsariyaxi 5:6

Yuxaɨta nekaniku'eirimɨkɨ, pɨkakawitekieni mɨkakayɨrakɨ meta pɨkakakwietsanarieni, mana xuya pɨtinexɨani meta 'ɨtsi. Ne hai nepɨtita'aitɨani mɨkɨ hetsie mɨka'ukawiwiyenikɨ.

1 Kemɨtiuyɨ 10:8

Hikɨ 'uxa'arieka kepauka piritsiteutsixi memu'axɨa memɨwarukwikai wapiinite mete'anupinike, mana mɨkime mekaniutaxeiya Tsahuri meta niwemama Kiriwuha hɨriyaritsie.

1 Kemɨtiuyɨ 10:1

Merikɨtsɨ piritsiteutsixi mekaniuyutakwini 'ixaheritsixi wahamatɨa, hikɨ 'ana 'ixaheritsixi mekaneuyuta'unaxɨani, yumɨiretɨ mekaniukwi'iwa Kiriwuha hɨriyaritsie.

'Itsɨkate 5:23

Yawé niuki tuayameya mɨpaɨ kaniutayɨni: “Merutsi 'axakeneuyuri 'iya. 'Axakeniwaruyuri teuterimama waɨkawamekɨ, Yawé memɨkahekuparewikɨ, Yawé memɨka'uparewikɨ meta hetsɨana miemete memɨkawaruparewikɨ”.

Kwikari 4:4

'Akɨipi Rawiri tuxiyuya hepaɨ pɨtiyuxexeiya, tetexi mɨxitekietɨkakɨ mɨwewiya, hetsiena pukuwɨ xeimiriyari kɨmana memɨyukunarɨma, kuyaxi memɨyukunarɨma mɨkɨ naitɨ pɨhɨkɨ.

1 Tsamuheri 31:8

Hikɨ 'uxa'arieka piritsiteutsixi mana me'u'axɨaka mɨkite wapiini mete'anupinike, Kiriwuha yemuriyaritsie Tsahuri meta niwemama mekaniwarutaxeiya mekwikwi'ime.