2 Tetsarunikatari 3:5 - Kakaɨyari Niukieya

⁵ Ti'aitame 'aixɨa ke'iyurieni xe'iyari Kakaɨyari hepaɨ xemɨteyukanaki'eriekakɨ meta Kɨritsitu hepaɨ xemɨte'uka'eniwanikɨ.

2 Tetsarunikatari 3:5 ပူးပေါင်းရင်းမြစ်များ

Nɨawari 119:36

Ne'iyari 'a'aitsikatsie yɨkɨhɨaweme kenayeitɨa, matsi tumini 'iwarikayarikɨ 'axamɨ'anetsie pɨkayɨhɨaweni.

1 Kemɨtiuyɨ 29:18

Yawé, ta'ukiyarima wakakaɨyari 'Apɨrahami, 'Itsahaki meta 'Ixaheri, hikɨ hepaɨ meteyɨkɨhɨaweme keniwapitɨaka wa'iyaritsie yuheyemekɨ, mɨkɨ yu'iyaritsie memɨmatsiha'eriwanikɨ keniwapitɨaka.

Hutarieka 'inɨari 30:6

Yawé xekakaɨyari pɨxeparewieni yu'iyaritsie xemɨtehatɨmaiyakɨ 'axamɨti'ane kwiepa timieme meta 'anuiwarima wahetsie, mɨkɨ xeikɨa xemɨnaki'eriekakɨ naime yu'iyarikɨ meta kexemɨteyumatekɨ, mɨpaɨ 'ana tukari xemexeiyanikɨ.

1 Wani 4:19

Tame tepɨtetakanaki'erie mɨkɨ meri mɨtatsi'utanaki'erikɨ.

1 Kurinitutari 8:3

Matsi xɨka Kakaɨyari naki'erieka, Kakaɨyari kanimatekamɨkɨ mɨyamɨ'ane.

Keremiyaxi 31:33

»'Ikɨ tɨratu kanihɨkɨtɨni 'iya tukari 'anuyeyayu nemɨwawewirieni 'ixaheri teɨteriyari —Yawé mɨpaɨ kanaineni—: Wa'eriwametsie ne'inɨari niukiyari nepɨwapitɨani meta wa'iyaritsie nekanika'utɨamɨkɨ. Ne wakakaɨyari nekanihɨkɨtɨkamɨkɨ mɨkɨta neteɨterima mepɨhɨkɨtɨni.

Temaiwawemete 3:6

Kakaɨyari kena'eriwani naimekɨ kepemɨtiyurienekɨ, 'ana mɨkɨ 'ahuye pɨheitseritɨaka.

1 Tetsarunikatari 3:11

Mɨkɨtɨtɨ Kakaɨyari mɨta'ukiyari, Ketsutsi mɨtati'aitɨwame, 'aixɨa ke'iyurieni tahuye xehetsɨa temeta'axɨanikɨ.

Hepɨrayutsixi 9:28

Yaxeikɨata Kɨritsitu mekanixeiyakuni mɨkɨ memikwewie, kaniwatawikweitsitɨamɨkɨ. Kemɨ'ane xeimieme mawari mayeitɨarie hetsiena mɨtiuhɨiwanikɨ tita 'axamemɨte'uyuri yuwaɨkawatɨ, mɨkɨ 'arike mekanixeiyakuni tita 'axamɨti'ane kaxuawekaku.

Xumatari 8:25

Peru xɨka te'itakwewieka tita temɨkatexeiya, tekanita'ikwewani tete'uka'eniwatɨ.

Nɨawari 119:5

Waɨkawamekɨ nepɨnewaɨriya nehuye 'aixɨa nemuyurienikɨ, nemeye'atɨanikɨ 'a'aitsika.

1 Te'aitamete 8:58

Yaketatiu'iyaritɨani hetsiena mieme xeikɨa yatemɨtekahunikɨ, temiweiyanikɨ huyeya, yatemɨtekahunikɨ 'aitsikayatsie meripaitɨ ta'ukiyarima mɨwayetuiritsie.

1 Pekuru 4:1

'Ayumieme, Kɨritsitu yuwaiyaritsie kemɨtiukwinixɨ tahetsiemieme, xemeta xekeneyuha'aritɨaka xemɨtekwinitɨarienikɨ, hepaɨna xeteyumaitɨ, tamɨtsɨ kemɨ'ane yuwaiyaritsie mɨtiukwinixɨ katiniuhayewa 'axatiyurienetɨ.

Tsatiyaku 2:5

Xekeneu'enana ne'iwama nenaki'erima: ¿Kakaɨyari tamɨ katiwaranuyexei tixaɨ memɨkatehexeiya 'ena kwiepa, mɨkɨ matsi metehexeiyakame mɨwarayeitɨanikɨ yuri mete'erietɨ, para wahetsie mɨtinakenikɨ mɨkɨ tiwa'aitɨwame mayanikɨ, kemutayɨ kemɨ'ane mɨkɨ meminaki'erie wahetsiemieme?

Titu 2:13

meta temikwewiekakɨ kemɨ'ane yemekɨ mɨtatsitemawieritɨani. Hikɨ tepikwewie, matsiɨkɨtɨ mayanikɨ witsi'anetɨ kemɨ'ane Kakaɨyari mɨhɨkɨ mɨmariwe tatsiwikweitsitɨwame Kɨritsitu Ketsutsi hɨkɨtɨtɨ.

2 Timuteu 4:8

Hikɨ nepe'utsiyarie kuruna nemɨmariwakɨ heitseriemekɨ yanemɨtikatɨakɨ, ti'aitame 'itsɨkame kanihɨkɨtɨni heitseriemekɨ yamɨtikamie, mɨkɨ mɨpaɨ pɨnetipitɨani 'iya tukari 'aye'ayu, ne xeikɨa mɨpaɨ pɨkanetipitɨani, matsi yunaitɨ memɨnaki'a munuaximekɨ mɨpaɨ pɨtiwapitɨani mɨkɨ.

1 Tetsarunikatari 1:3

Tekatehayewatɨ yatetena'eriwani kexemɨteyurie yuri xete'erietɨ, kexemɨte'uximaya xeteyukanaki'erietɨ, kexemɨte'uka'eniwa xe'ikwewietɨ Tati'aitɨwame Ketsutsi Kɨritsitu, takakaɨyari ta'ukiyari hɨxie.

Karatsiyatari 5:22

Matsita 'Iyari kemɨtixuaweriya, 'ipaɨ pɨta tewi katiniyurienemɨkɨ. Katiniyukanaki'eriekamɨkɨ, kaniyutemawiekamɨkɨ, yu'iyaritsie pɨka'uximatɨarieka, katiniuka'eniwamɨkɨ, 'aixɨa katiniuka'iyarikamɨkɨ, 'aixɨa kaniwayurienemɨkɨ hipame, yakatinikamiemɨkɨ kemaine,

Xumatari 8:28

Tame mɨpaɨ tekatenimaika, kemɨ'ane Kakaɨyari memɨnaki'erie, mɨkɨ kaniwaparewieka, naime tikuyuitɨwatɨ para 'aixɨa memɨ'itɨarienikɨ mɨkɨ memuta'inierie, mɨkɨ kemɨtiyuriemɨkɨkaikɨ meripaitɨ.

Xumatari 5:5

Mɨpaɨ teteta'ikwewatɨ xɨka yuri tete'erieka, tepɨkatewiyatsitɨarieni, Kakaɨyari ta'iyaritsie mɨtihɨniyakɨ tatsinaki'erietɨ, 'Iyari Mɨtiyupata temupitɨarie yatiyurienekaku.

Nɨawari 40:1

Yawé netakwewietɨ nekanayani nekawaɨripietɨ, mɨkɨ pɨnetsi'uxei, nehiwari kaniu'enieni.

Matsiɨkɨtɨ kemɨratɨa 13:10

Kemɨ'ane teɨteri 'ateewa paitɨ mɨwaranuhapani, mɨkɨta kananuhaniemɨkɨ 'ateewa paitɨ. Kemɨ'ane 'ixiparakɨ mɨtiyumemiwa, mɨkɨta 'ixiparakɨ kanimieriemɨkɨ. Mɨpaɨ metemaitɨ Kakaɨyari teɨterimama mepɨte'uka'eniwani yuri mete'erietɨ.

1 Tetsarunikatari 1:10

xemikwewiekakɨ Nu'aya taheima makaneni, Kakaɨyari yuniwe manukuketɨa mɨkite watsata, Ketsutsi kanihɨkɨtɨni kemɨ'ane mɨtatsi'utawikweitsitɨa haxɨa maye'axime mɨkatatsi'axekɨ.

Hiwerika 3:26

'Aixɨa kani'aneni kayuwatɨ 'umatɨ mitakwewieka, Yawé mayenenikɨ tatsitawikweitsitɨanike.

Keremiyaxi 10:23

Yawé, ne nepɨtimate tewi yutukari pɨkakutsiyari, pɨkapitɨarie yeikame kemɨtinake mumieni.

2 Pekuru 3:12

xe'ikwewietɨ mɨkɨ tukari, xe'imexɨitɨatɨ kwitɨwa maye'anikɨ para Kakaɨyari munuanikɨ? 'Anatsɨ muyuawi tana'iyarieme pɨtaxɨtsitɨarieni, tita mɨtiutiwewiya mana naitɨ katinitikwaniyariemɨkɨ taikɨ.

Matsiɨkɨtɨ kemɨratɨa 1:9

Ne, Wani, xe'iwa nepɨhɨkɨ, xehepaɨ nemɨti'uximatɨarie, ketemɨte'aitɨarie tete'uka'eniwatɨ Ketsutsi hetsie teyuxewitɨ, kwie Patɨmuxi mɨrakutewatsie haramara hixɨapa mɨyematsie nekaneyeikakaitɨni Kakaɨyari niukieyatsie nemɨtiwiyakɨ meta Ketsutsi hepaɨtsita netihekɨatatɨ.