2 Tetsarunikatari 2:9 - Kakaɨyari Niukieya

⁹ Mɨkɨ 'axatiyuruwame kaninuamɨkɨ, Kauyumarie 'iparewiekaku, naimekɨ pɨtɨrɨkaɨyeni, mariweme pɨtiyurieneni meta 'inɨarite pɨtiwewieni tiyu'itaiyamekɨ.

2 Tetsarunikatari 2:9 ပူးပေါင်းရင်းမြစ်များ

Mateu 24:24

Karikɨ yakɨ Kɨritsitutsixi mekanitixuawerikuni meta Kakaɨyari niukametemama meyuxatatɨ, mɨkɨ 'inɨari mepɨtiwewieni mamariwaweme metewa'itaiyake 'atsita mɨkɨ memanayexeiyarie xɨka tiyɨwenike.

Matsiɨkɨtɨ kemɨratɨa 19:20

Hikɨ yeutanaka meta tixaxatame mɨti'itawakai hamatɨana kaniuwiyarieni, kemɨ'ane 'inɨari mɨtiwewiwakai yeutanaka hɨxie, kɨmana mɨtiwa'irɨwiyakai mɨkɨ memitanaki'eri yeutanaka tseyuya mɨkɨ nenewieri memipitɨakai meta 'ɨkiyari memayexeiyakai. Mɨkɨ yuhutatɨ me'ayenenieretɨ harakuna mɨta'atsie 'atsupɨrekɨ mekaneukaxɨriyani.

'Epetsutari 2:2

'Anapaitɨ xeniu'uwakaitɨni mɨpaɨ xeteyurietɨ kememɨteyurie hikɨ miemete kwiepa memɨtama, kemɨtiyuriene kemɨ'ane mɨtiwa'aitɨa mɨkɨ heitserie memexeiya 'ekapa memanukuneniere. Kemɨtiyuriene mɨkɨ kakaɨyari hikɨ mɨwakuyuitɨwa mɨkɨ memɨkayuwaɨriya yamemɨtekahunikɨ, mɨpaɨ xekateniyuriekaitɨni xeme.

2 Kurinitutari 11:3

Peru nepeuma kapa xete'u'itaiyarienikɨ kexemɨteyɨkɨhɨawe yu'iyaritsie, yaxeikɨa mɨkɨ kuu 'Ewa kemɨtiu'itaiyaxɨ. Mexɨka mɨpaɨ tiuyɨnike, xe'iyari pɨkayuxewinikeyu, Kɨritsitu hetsie xeikɨa xepɨkatewiyanikeyu, xepɨka'itiyakakeyu.

Wani 4:48

Ketsutsi 'ayumieme mɨpaɨ katinitahɨawe: —Xɨka 'inɨarite xeka'uxeiya, mamariwaweme, yuri xepɨkateta'erieni.

Marikuxi 13:22

Karikɨ yakɨ Kɨritsitutsixi mekanitixuawerikuni meta Kakaɨyari niukametemama meyuxatatɨ, mɨkɨ 'inɨari mepɨtiwewieni mamariwaweme metewa'itaiyake 'atsita mɨkɨ memanayexeiyarie xɨka tiyɨwenike.

Matsiɨkɨtɨ kemɨratɨa 20:10

Kauyumarie mɨtiwa'irɨwiyakai mana kaneukahɨiyamɨkɨ harakuna 'atsupɨrekɨ mɨta'atsie, manata yeutanaka meta tixaxatame mɨti'itawa hamatɨa mekaneukaxɨriyakuni. Mana tukarikɨ meta tɨkarikɨ mekateniuka'eniwakuni yuheyemekɨ tsepanetɨ xeitsienituyari wiyari manuyekɨka.

Matsiɨkɨtɨ kemɨratɨa 18:23

Hatsuaku kɨxeme 'ahetsɨa pɨkahekɨariwieni. Hatsuaku pɨka'enierieni neneɨkeme meta wikiwame watemawierika 'ahetsie. 'Ahetsɨa kiekatari memɨtetuakai kwiepa memɨtama wa'itsɨkate mekanihɨkɨtɨkaitɨni. Pewakewaiyatɨ kepemɨtiwa'itaiyakai yunaime nuiwarite.

Matsiɨkɨtɨ kemɨratɨa 12:9

Hikɨ mɨkɨ kuu 'amɨtimariwe mɨpaɨ katinayeweiyarieni, mɨkɨ kuu matɨari paitɨ mieme Kauyumarie mɨtitewa meta Tsatanaxi, mɨtiwa'irɨwiya yunaime kwiepa memɨtama, mɨkɨ kananuyehɨiyani mana, kwiepa paitɨ kaneukahɨiyani, niuki tuayametemama 'utɨmanata mekaneukaxɨriyani.

2 Timuteu 3:8

Yaxeikɨa Kanetsi meta Kamɨpɨretsi kememɨteheye'uniekai Muitsexi, 'ikɨta mekaneye'unieka tita yuri mɨraine. 'Ikɨ teɨteri mekanitipɨnirɨmeni kememɨteyumate, mepɨxani'eriwa yuri kememɨte'erie, matsi yuri memɨkate'eriekɨ.

2 Kurinitutari 11:14

Mɨkɨkɨ tepɨkahɨxiyaka. 'Atsita Tsatanaxi puyupata hekɨaripa mieme niuki tuayame hepaɨ mɨtiyuxexeiyanikɨ.

Nɨ'ariekate 13:10

«Kari 'ekɨ pepɨhɨne naime 'irɨmarikɨ meta 'axamɨti'anekɨ. Kauyumarie nu'aya pekanihɨkɨtɨni, naime mɨtiheitserie pekanaye'unieka, ¿pekatihayewa 'ekɨ pe'itunatɨ Ti'aitame huyeya mɨxexeurawi?

Wani 8:44

Xeme yu'ukiyari hetsɨa xekanimiemetetɨni Kauyumarie hetsɨa. Xekaniyuwaɨriyani yaxemɨteyuriekakɨ tita mɨtiheiwe'erie xe'ukiyari. Mɨkɨ meripaitɨ katiniyumemiwani. Tita yuri mɨrainetsie tiwiyatɨ 'apɨka'uwe, tita yuri mɨraine mumawekɨ hetsiena. Kepauka 'itarikakɨ mɨtikuxata, yɨkɨmana katinikuxatani mɨti'itawakɨ, memɨte'itawa mɨwa'ukiyarikɨ.

Wani 8:41

Xeme xepaapa kemɨtiyuriene mɨpaɨ xekateniyurieka. Mɨkɨ mɨpaɨ mekatenitahɨawe: —Tame tamaama kemɨ'ane mɨkakɨnayatɨkai, mɨkɨ pɨkatapaapa. Xeime ta'ukiyari xeikɨa tekanexeiyani Kakaɨyaritɨme.

2 Kurinitutari 4:4

Hikɨ miemete wakakaɨyari kaniwarakɨpiriyaxɨani mɨkɨ yuri memɨkate'erie kememɨteyumate yu'iyaritsie, kapa hekɨariya me'uxeiyakɨ, niuki 'aixɨa manuyɨne Kɨritsitu kemɨtimariwe kemɨtiwahekɨariwiyakeyu. Mɨkɨ Kɨritsitu Kakaɨyari kani'inɨarieyatɨni, hepaɨna pɨtiyuxexeiya.

Matsiɨkɨtɨ kemɨratɨa 12:17

Hikɨ kuu 'amɨtimariwe kaniuyeha'ani 'ukaratsi hepaɨtsita, kaneyani mɨyumienenikɨ, hipame hetsiena memɨyenunuiwa mɨwaraye'uniekakɨ, mɨkɨ yamemɨtekahu Kakaɨyari kemɨti'aita, memɨyuhekɨata Ketsutsi hetsɨa memiemetetɨtɨ.

Memeyekɨ 8:18

Temaiwawemete 'awie memɨte'uyemate mɨpaɨtsiere mekateniyurienikekaitɨni mekaniuyutatexieni. Matsi xaipɨtsi teɨteri meta watewama mekaniwakukewekaitɨni.

Memeyekɨ 8:7

Hikɨ temaiwawemete 'awie kememɨte'uyemate yaxeikɨa mekateniuyurieni, mɨpaɨ mete'uyurieku temutsi mekaniutixuawere naitsarie 'Ekipitu.

Memeyekɨ 7:22

Yaxeikɨata temaiwawemete 'awie memɨte'uyematekɨ mɨkɨ 'ekipitutari yaxeikɨa mekateniuyurieni, mɨpaɨ Parahuni yu'iyari kaniutseiriya kemainekai Yawé kemɨtiwarahɨawekai, 'Aruni pɨka'anu'eni meta Muitsexi.

Matsiɨkɨtɨ kemɨratɨa 9:11

Kemɨ'ane mɨtiwa'aitɨakai niuki tuayame kanihɨkɨtɨkaitɨni, mana mɨre'aitakai meukatewatsie, hepɨrayutsixi waniukikɨ 'Awaruni katinitewakaitɨni, meta kɨriyekutsixi waniukikɨ Tiyuka'uname titewatɨ.

2 Kemɨtiuyɨ 18:20

'Arike 'imatɨrieka, xewitɨ 'iyari kaninuani, Yawé hɨxie kaniutakeni, mɨpaɨ kaniutayɨni: “Ne nepikemakaxɨani neti'itaiyatɨ”. Yawé mɨpaɨ katinitahɨawe: “¿Kehapaɨ petiyurieni?”

Kitsariyaxi 29:10

Yawé xehetsie kanikawiwieni 'iyari waɨkawa xemeukutsukɨ, Kakaɨyari niukametemama mekaneniereme puwarayeitɨa, Kakaɨyari hetsie timiemekɨ memɨtaneniere wahɨxie pɨwareutinaxɨa.

Mateu 4:10

Hikɨ Ketsutsi mɨpaɨ katinitahɨawe: ―Kenemie Kauyumarie. 'Utɨarika mɨpaɨ kanaineni: “Ti'aitame mɨ'akakaɨyari xeikɨa kenayexeiyani”.

Mateu 12:22

Merikɨtsɨ heiwa tewi hetsɨana kani'atɨarieni kakaɨyari 'axamɨ'ane minɨkai mɨkaheunierekai meta mɨkaniuwekai, hikɨ Ketsutsi 'aixɨa 'aneme kanayeitɨani, mɨkaniuwekai niuwetɨ kanayani meta heunieretɨ.

Tsatiyaku 3:15

Mɨkɨ mɨtimaiwenikɨ pɨkahɨkɨ taheima makaneika, kwiepa pɨta kanimiemetɨni tewi kemɨtimaiwe meta kakaɨyarixi 'axamemɨ'anene wahetsie mayeneika.

'Etsekieri 14:5

Mɨpaɨ 'ixaheritsixi wa'iyari nehetsɨa nepɨranuitɨani mɨkɨ kakaɨyarixi 'axamemu'ɨatɨka wahekɨ memɨnetsi'uku'eiriekai”.

Rukaxi 11:25

Nuame pitaxeiya waye'itiyakame 'aixɨa tiuye'aneme.