2 Tetsarunikatari 2:8 - Kakaɨyari Niukieya

⁸ 'Anakeri, matsiɨkɨtɨ kanayeimɨkɨ 'iya 'axamɨtiyuruwame, mɨkɨ Ti'aitame Ketsutsi kanimiemɨkɨ yu'iyakɨ yuteta miemekɨ meta kanika'unamɨkɨ matsiɨkɨtɨ mayuyeitɨanitsie kepauka munuanitsie.

2 Tetsarunikatari 2:8 ပူးပေါင်းရင်းမြစ်များ

2 Tetsarunikatari 2:3

Xepɨkatepitɨaka nɨkahɨrixɨa xewitɨ xe'ukwamana, karikɨ meri hipatɨ Kakaɨyari me'aye'unietɨ mekanakɨnikuni meta matsiɨkɨme kanayuyeitɨamɨkɨ mɨkɨ tewi 'axamɨtiyuruwame, kemɨ'ane mɨka'unarieni.

Kitsariyaxi 11:4

matsi heitseriemekɨ 'aixɨa pɨtiyurieni memɨnanaimarie wahetsiemieme, meta 'aixɨa pɨtiyurieni tixaɨtɨ memɨkatehexeiya wahetsiemieme 'ena kwiepa. Kwie pɨka'una kɨye 'iwaɨyɨpame yuteta miemekɨ, 'axatiyuruwame yu'iiyakɨ pumieni.

Matsiɨkɨtɨ kemɨratɨa 20:10

Kauyumarie mɨtiwa'irɨwiyakai mana kaneukahɨiyamɨkɨ harakuna 'atsupɨrekɨ mɨta'atsie, manata yeutanaka meta tixaxatame mɨti'itawa hamatɨa mekaneukaxɨriyakuni. Mana tukarikɨ meta tɨkarikɨ mekateniuka'eniwakuni yuheyemekɨ tsepanetɨ xeitsienituyari wiyari manuyekɨka.

Matsiɨkɨtɨ kemɨratɨa 19:15

Tetana 'ixipara meutixikakauni kaniwayeneikakaitɨni, kɨmana mɨwatiwitenikɨ nuiwarite. «Pɨtiwa'aitɨa tepɨa 'itsɨyari 'akwetɨ». Mɨkɨtɨtɨ kanihɨkɨtɨni kaxie takari mitiketsini kaxie pɨnameta, Kakaɨyari Naimekɨmɨtɨrɨkaɨye haxɨaya mayanikɨ.

Titu 2:13

meta temikwewiekakɨ kemɨ'ane yemekɨ mɨtatsitemawieritɨani. Hikɨ tepikwewie, matsiɨkɨtɨ mayanikɨ witsi'anetɨ kemɨ'ane Kakaɨyari mɨhɨkɨ mɨmariwe tatsiwikweitsitɨwame Kɨritsitu Ketsutsi hɨkɨtɨtɨ.

Matsiɨkɨtɨ kemɨratɨa 2:16

'Ayumieme nepaine, ketineuhayewa kepemɨtiyuriene. Mexɨka pekatiuhayewa, kwitɨwa nepunuani wahetsɨa nepɨnemieneni ne'ixipara neteta mayeneikakɨ.

1 Wani 5:18

Tame tepɨtemate yunaitɨ Kakaɨyaritsie memɨyekɨ 'axamepɨkateyurie: Ketsutsi Kɨritsitu Kakaɨyaritsie mɨyetɨa kaniwa'ɨwiyani, meta 'axamɨtiyuriene pɨkawamayɨa.

Hepɨrayutsixi 10:27

Xɨkari mɨpaɨ 'aneni temamatɨ tepɨta'ikwewa temɨta'iwawiyarienikɨ xeikɨa, yuhaxɨakɨ kepauka mɨwataxɨtsitɨani mɨkɨ memeye'unie, yumexɨitɨatɨ taikɨ.

2 Timuteu 4:8

Hikɨ nepe'utsiyarie kuruna nemɨmariwakɨ heitseriemekɨ yanemɨtikatɨakɨ, ti'aitame 'itsɨkame kanihɨkɨtɨni heitseriemekɨ yamɨtikamie, mɨkɨ mɨpaɨ pɨnetipitɨani 'iya tukari 'aye'ayu, ne xeikɨa mɨpaɨ pɨkanetipitɨani, matsi yunaitɨ memɨnaki'a munuaximekɨ mɨpaɨ pɨtiwapitɨani mɨkɨ.

2 Timuteu 1:10

Hikɨri matsiɨkɨme kanayeitɨani 'aixɨa kemɨtiuka'iyari, munuakɨ tatsiwikweitsitɨwame Kɨritsitu Ketsutsi, mɨkɨ kemɨtiuyuri, taheyemekɨ temɨkakwi'inikɨ yakatiniuyurieni meta katiniutahekɨata ketemɨte'ayeyuyurini ketemɨkatetipɨne niuki 'aixɨa manuyɨnekɨ.

Tanieri 7:26

'Itsɨkate 'ɨparitsie mekanayaxikuni, mɨkɨ 'awa tɨrɨkariya kaninawaiyariemɨkɨ meta yuheyeme kanika'unariemɨkɨ.

Kuwi 4:9

Kakaɨyari 'iiyaya kaniwatakukuyani, haxɨaya kaniwarakɨxɨxɨtsitɨwani.

Matsiɨkɨtɨ kemɨratɨa 1:16

Yutserieta xurawetsixi 'atahutame kaniwaratɨkɨkaitɨni, meta tetana pɨwayeneikakai 'ixipara naitsata heutixikakaunitɨ. Nierikaya tau kemɨtixawatɨ hepaɨ pɨtiyuxexeiyakai.

1 Wani 3:12

Kahini hepaɨ tepɨkayɨaka, mɨkɨ 'axamɨtiyuriene hetsɨa kanimiemetɨkaitɨni, yumuta kaniumieni. ¿Titayari timi? Tita mɨtiyurienekai 'axamɨti'anekaikɨ, mutaya tita mɨtiyurienekai mɨheitseriekaikɨ.

1 Wani 2:13

Xeme xemɨwapaapama nepɨtixe'utɨirie, xemeitimakɨ mɨkɨ tsutɨapai 'amuyeika. Temari nepɨtixe'utɨirie, xeme'iwaxɨkɨ 'axamɨtiyuriene. Tɨɨri nepɨtixe'uta'utɨiri, yu'ukiyari xemetimakɨ.

2 Timuteu 4:1

Kakaɨyari hɨxie, Kɨritsitu Ketsutsi hɨxie kemɨ'ane 'itsɨkametɨtɨ mɨwatahɨawe memayeyuyuri mɨkite yunaime, mɨkɨ munuaximekɨ ti'aitametɨtɨ, mɨpaɨ nematinihɨritɨaka:

1 Timuteu 6:14

yaketinekamieni kepemɨtiu'aitɨarie, peka'itsewiximatɨ 'aitsika, hetsiena pekarahɨpatɨ, Tati'aitɨwame Ketsutsi Kɨritsitu matsiɨkɨtɨ mayanike.

Mateu 13:38

Watsiya kwie naitɨ kanihɨkɨtɨni, 'imɨari 'aixɨa mɨ'anene, mɨkɨ mekanihɨkɨtɨni Kakaɨyari mɨra'aitatsie miemete. Hamɨrixa, mɨkɨ 'axamɨ'ane hetsɨa miemete mekanihɨkɨtɨni,

Mateu 13:19

Kemɨ'ane mi'eni 'ikɨ niuki Kakaɨyari mɨra'aitatsie mieme, peru 'atsimɨkaretimaiwe, 'axamɨ'ane nuame pinawairieni tita 'iyarieyatsie mɨtiuka'iwiya. Mɨpaɨ kani'itɨarieka huye tetsita muka'iwiya.

'Utseyaxi 6:5

'Ayumieme nepɨxeheutaxɨriexɨa Kakaɨyari niukametemama newanɨ'akaku, nepɨxe'utiwa neniukikɨ. Kenemɨtixetaxaneta mimierɨkari hepaɨ pɨxeyurieni.

Nɨawari 18:15

Yawé, pemɨtiuyutatikɨ, 'ahaxɨa 'iiyarikɨ, haramara mayema kananatihekɨare, kanahekɨare kwie tsutɨmeyari mituikatɨka.

Kitsariyaxi 30:28

'Iyaya haa manatiyeurieni hepaɨ kani'aneni takɨipitɨa paitɨ pɨye'axe, nuiwarite kaniwaranuyekatsimɨkɨ katsemetsie wareuyehɨanike. Teɨteri wateta kaniwarutakeitsitɨani pirenu yeuta memeukuyunekɨ.

Tanieri 7:25

Kakaɨyari 'Amutewi hepaɨtsita kaneuniumɨkɨ memɨpatsie hetsɨana miemete kaniwa'uximatɨamɨkɨ, katinipataxɨamɨkɨ tita 'ixɨarari mɨratineika meta 'aitsika niukiyari, meta memɨpatsie katiniwata'aitɨamɨkɨ haika wiyari heimana 'ataxewime metseri.

Tanieri 8:25

'Itarikakɨ ti'ɨkitame kanayeimɨkɨ, mariweme kaniyu'eriekamɨkɨ. Yumɨireme teɨteri kaniwaka'unamɨkɨ 'atsimekate'anuyekɨneke memɨyu'eriekai meta te'aitamete Tiwa'aitɨwame kanitamiemɨkɨ, peru kanika'unariemɨkɨ tewi tɨrɨkariyayakɨ pɨkatixaɨ.

Tanieri 11:36

»”Mɨkɨ ti'aitame kemɨtinake pɨtiyurieni. Yuhetsiemieme 'aixɨa putaineni, yunaime kakaɨyarixi watsata mariweme puyu'erieka, meta yuri Kakaɨyari hepaɨtsita 'axapɨtayɨni nixewitɨ mɨkatayɨwe hepaɨ. Naitɨ 'aixɨa pɨtikɨyɨneni kemɨtiku'eriwani, mexi Kakaɨyari haxɨaya hetsɨana ka'uye'aweni, karikɨ kemɨtiyɨnikeyu yakatiniyɨmɨkɨ.

Mateu 16:27

Yuri Tewi kenemɨtihɨkɨ, nekaninuamɨkɨ ne'ukiyari hepaɨ nemariwetɨ neniuki tuayamete wahamatɨa, hikɨ 'ana nepɨtiwarakapitɨani, yuxexuitɨ kememɨte'uyuri.

Mateu 16:28

Yurikɨ mɨpaɨ nepɨxerahɨawe, hipatɨ 'ena memu'uwa mepɨkakwini Yuri Tewi menetsixeiyameke neye'akaku nemɨra'aitatsie.

1 Kurinitutari 1:28

Kakaɨyari tita tixaɨtɨ mɨkatihɨkɨ kananuyeteɨxɨ, tita mɨtixani'eriwa, tita meta 'amɨkatiuwe, para tixaɨtɨ katihɨkɨtɨme xeikɨa meyeitɨanikɨ tita mɨtixuawe,

Matsiɨkɨtɨ kemɨratɨa 13:5

Hikɨ niuki kaniupitɨarieni waɨkawa mɨtikuxatanikɨ, mitsewiximakakɨ Kakaɨyari hepaɨtsita 'axa'utaitɨ, meta heitserie kaniupitɨarieni huta tewiyari heimana huta metseri mɨpaɨ mɨtiyurienenikɨ.

2 Tsamuheri 23:7

Tepɨa matsikɨiyarikɨ kanikuxexeɨriwani meta pitsika kɨyeyarikɨ, hikɨ mana tai kanitixɨxɨtsitɨwani».