2 Tetsarunikatari 2:11 - Kakaɨyari Niukieya

¹¹ 'Ayumieme Kakaɨyari pɨwapitɨa memɨte'irɨwiyarienikɨ, yuri memɨteta'erienikɨ 'itarikatsie,

2 Tetsarunikatari 2:11 ပူးပေါင်းရင်းမြစ်များ

Xumatari 1:28

Mɨpaɨ memɨkateku'eriwakaikɨ kename 'aixɨa 'ane Kakaɨyari ma'eriwanikɨ, 'ayumieme Kakaɨyari kaniwayetuani kemɨkatinake yamemɨteku'eriwanikɨ, kemɨkatinake memɨteyuriekakɨ.

Mateu 24:11

meta yumɨiretɨ Kakaɨyari niukametemama meyuxatatɨ mepɨtixuawere mete'itawatɨ, mɨkɨ mepɨtewa'itaiya yumɨireme.

1 Timuteu 4:1

Yakatinihekɨaka 'Iyari kemaine, 'imatɨrieka 'aye'aximekaku, hipatɨ mekatenihayewakuni yuri mete'erietɨ, 'iyarite memɨte'itawa mepɨwa'enieni meta kakaɨyarixi yakɨxeikɨa kememɨte'ɨkita,

'Etsekieri 21:29

Mɨkɨ 'ixipara 'axamemɨte'u'iyari kaniwaranutiwitexɨamɨkɨ, kememɨte'unenierixɨ mɨkayurikɨ meta kememɨtemaiwawe pɨyakɨ. Peru tukarieya kanaye'aniri, kepauka kwitɨwa 'uximatɨarika nemipitɨani.

1 Tetsarunikatari 2:3

Ketemɨtexetuika, temeuyexɨrɨwekɨ temɨka'itiyatɨkakɨ tepɨkatekuxata meta xeime tete'itaiyakutɨ hawaikɨ.

Mateu 24:5

Yumɨiretɨ mepɨ'axɨani kename ne neyɨane, mɨpaɨ me'utiyuatɨ: “Neri Kɨritsitu nepɨhɨkɨ”, mepɨtewa'itaiya yumɨireme.

Nɨawari 109:17

Pinakekai xeime 'axamuyurienikɨ, hikɨ 'axamɨ'itɨarienikɨ hetsiena ketiunake. Mɨka'inakekaikɨ xeime 'aixɨa muyurienikɨ, 'aixɨa mɨ'itɨarienikɨ hetsiena mieme keheteewani.

'Etsekieri 14:9

»Xɨka xewitɨ tixaxatame 'itarikakɨ tihekɨatani, ne Yawé yakɨ 'utaineme nemayeitɨakɨ kanainemɨkɨ, ne neteɨterima wahɨxie nekanika'unamɨkɨ.

Kitsariyaxi 66:4

'Ayumieme ne 'uximatɨarika nekananayexeiyamɨkɨ wahetsiemieme tita waɨkawa memɨtemakaxe nekatiniwaranunɨ'airiemɨkɨ. Nixewitɨ mɨkanetsi'uta'eikɨ kepauka nemɨwarahɨawekaitsie, kepauka nemutaniu, nixewitɨ pɨka'u'enaxɨ. Matsi, 'axamepɨte'uyuri nehɨxie tita mɨkanetinake mepɨte'anayexei».

Keremiyaxi 27:10

Mete'itawatɨ memɨtexekuxaxatɨwa yukwiepa xemayekɨnekɨ xeikɨa pɨ'ayumieme, ne nemɨxe'ayeweiyakɨ meta xemɨkwinikɨ kani'ayumiemetɨni.

Kitsariyaxi 44:20

Naxikɨ mepɨtekwa'a, xe'iyari kemɨtiyɨkɨhɨawe xepiweiya pɨtixe'itaiya, yɨkɨmana xemuyutawikweitsitɨani xepɨkayɨwawe, meta mɨpaɨ xemutiyuani: «'Ikɨ nemɨrexeiya katini'itarikatɨni».

Keremiyaxi 4:10

Ne mɨpaɨ nekaniutayɨni: «Neuxei, Yawé nekakaɨyari, pepɨwakwamanane 'ikɨ teɨteri meta Kerutsaremetari. Mɨpaɨ peputayɨ: “Kayuwatɨ mepexeiyani”, peru xɨari 'ixipara wakɨipitɨa peuwe».

2 Timuteu 4:4

Ta'aurie mepaxɨrieni meka'i'eniekutɨ tita yuri mɨraine, xaɨtsie mepeukuyunixɨani yɨ'ɨxatsitsie memɨtewiyanikɨ.

Tsutɨarika 39:19

Hikɨ Putipaxi yu'ɨya 'u'enieka, waɨkawa kaniuyeha'ani.