2 Tetsarunikatari 1:9 - Kakaɨyari Niukieya

⁹ Mɨkɨ mɨpaɨ memɨ'anene kememɨte'anutaxɨriyani, wahetsie tininakimɨkɨ memɨka'unarienikɨ yuheyemekɨ, Ti'aitame hɨxieya mekaxeiyatɨ meta tɨrɨkaɨyetɨ kemɨtimariwe meka'ixeiyatɨ

2 Tetsarunikatari 1:9 ပူးပေါင်းရင်းမြစ်များ

Mateu 25:41

»Hikɨ mɨpaɨ pɨtiwatahɨaweta mɨkɨ 'utatana memɨti'uka: “Xekenehu nehetsɨa xepɨkayuhayewani, xeme haxɨa xehetsie pɨtiunakixɨ, tai yuheyeme mɨta'atsie xekenehu Kauyumarie hetsiemieme meta niuki tuayametemama wahetsiemieme mukuha'aritsietsie.

2 Tetsarunikatari 2:8

'Anakeri, matsiɨkɨtɨ kanayeimɨkɨ 'iya 'axamɨtiyuruwame, mɨkɨ Ti'aitame Ketsutsi kanimiemɨkɨ yu'iyakɨ yuteta miemekɨ meta kanika'unamɨkɨ matsiɨkɨtɨ mayuyeitɨanitsie kepauka munuanitsie.

Mateu 25:46

»Mɨkɨ mekaniyehuni yuheyemekɨ mema'uximatɨariekatsie, meta mɨkɨ heitseriemekɨ yamemɨtekahu tukari 'atsimɨkayɨwe maxuawe mekaniyehuni».

Matsiɨkɨtɨ kemɨratɨa 21:8

Peru memamatɨ memukunuaxɨa, yuri memɨkate'erie, memɨyutsewixima, memɨteyumemiwa, memɨwakumaɨwa memɨkawa'ɨitama meta memɨkawakɨnama, memɨteyukewaiya, tetexi memɨwarayexeiya, meta yunaitɨ memɨte'itawa, mɨkɨ yunaime wahetsie pɨtinakeni harakuna 'atsupɨrekɨ mɨta'atsie memeukaxɨriyanikɨ, hakewa hutarieka memekwinitsie».

Kitsariyaxi 2:21

Tetexi terɨyarita kaneutahamɨkɨ meta 'ai mukatatarita, Yawé me'ayemakatɨ meta witsikemɨ'anekɨ mariwetɨ, kepauka mɨkɨ manukukeni kwie mɨwatayuitɨanikɨ.

Piriputari 3:19

Mɨkɨ mekanika'unariekuni xeikɨa, yuhuka mekanayexeiyani yukakaɨyari hepaɨ. Witsime'aneneme mekaniyuxatani kepauka mɨpaɨ memɨyɨa ketemɨtetewiyatsitɨarie. Kwiepa timiemekɨ xeikɨa mekatena'eriwani.

Mateu 16:27

Yuri Tewi kenemɨtihɨkɨ, nekaninuamɨkɨ ne'ukiyari hepaɨ nemariwetɨ neniuki tuayamete wahamatɨa, hikɨ 'ana nepɨtiwarakapitɨani, yuxexuitɨ kememɨte'uyuri.

Mateu 7:23

'Ana ne mɨpaɨ nepɨtiwatahɨawe: “Hatsuaku nepɨkaxehetima. Xekeneuyupata nehetsɨa xepɨka'u'uwani, xeme 'axateyuruwamete”.

Matsiɨkɨtɨ kemɨratɨa 20:14

Mɨɨya meta tai mɨta'a harakuna mɨta'a hetsie mekaneukaxɨriyani. 'Ikɨ harakuna mɨta'a, hutarieka mieme mɨɨya kanihɨkɨtɨni.

2 Pekuru 3:7

Mɨkɨ mɨpaɨ mutayɨkɨ, hikɨ mieme muyuawi meta kwie kani'ɨwiyarieka mɨtataiyarienikɨ, tukari 'aye'ayu kepauka teɨteri memɨkaheyexeiya Kakaɨyari memɨta'iwawiyarieni memɨtatɨmaiyarieni.

Rukaxi 13:27

Peru mɨkɨ mɨpaɨ katinixeta'eiyamɨkɨ: “Nepɨkaxematerikɨ meta nepɨkatimate hakewa xemeyekɨ. Xekeneuyupata nehetsɨa xepɨka'u'uwani, xeme xeyunaitɨ kemɨkatiheitserie xemɨteyurie”.

Kitsariyaxi 66:24

Hikɨ kepauka memuwayekɨnetsie mepɨwaxeiya wakaxarite kemɨ'ane memɨnetsi'utami. »Kwitsi pɨkamɨni muwakwa'a, meta tai pɨkatɨni muwatixɨtsitɨwa: memɨxani'eriwa mepakɨne yunaitɨ kwiepa memɨtama wahɨxie».

Kitsariyaxi 2:19

Teɨteri terɨta mekaneutahaxɨakuni, meta kwiepa makutsitsinitsie, Yawé me'ayemakatɨ meta witsikemɨ'anekɨ mariwetɨ, kepauka mɨkɨ manukukenitsie kwie tayuitɨanike.

Kitsariyaxi 2:10

'Aitá keneutahaki, kwauni tsata keneuyuti'awieta Yawé pe'ayemakatɨ meta witsikemɨ'anekɨ mariwetɨ.

Mateu 22:13

Hikɨ ti'aitame mɨpaɨ katiniwarutahɨawe yuparewiwamete: “Xekenanahɨa 'ɨkateyatsie meta mamateyatsie, xekenanuyehɨwa takwa yɨwipa, mana putatsuakani meta puyutikeweni”.

Tanieri 12:2

meta kwiepa tumuanaritsata mekananuku'uikuni yumɨiretɨ memukutsu, mɨkɨ hipatɨ yuheyemekɨ 'amemu'uwanikɨ, peru hipatɨta memɨtewiyatsitɨarienikɨ xeikɨa meta memɨte'uka'eniwanikɨ waɨkawa yuheyemekɨ.

Kitsariyaxi 33:14

'Axateyuruwamete Tsiyuni hetsie mekanimamaka, kwie mutayuane 'axateyuruwamete kaniwaranuku'axikeni: «¿Kemɨ'ane tame pɨyɨwe taipa mɨkiekametɨnikɨ mɨtiyɨxɨtsitɨwatsie? ¿Kemɨ'ane tame pɨyɨwe yuheyemekɨ mukuma nerɨkwari tsata mukiekametɨnikɨ?»

Tsutɨarika 4:16

'Ana Kahini Yawé kaniuku'eirieni, Nuri kwieyaritsie kaneyani, 'Ereni makuma tau manatineika hepatsie.

Tsutɨarika 3:8

'Uki yɨ'ɨya hamatɨa mekani'enieni Yawé Kakaɨyari harawerita 'uyeikame taikai 'ekatsie, hikɨ mekaniyuti'awieta memɨmamawekaikɨ 'iteɨritsata harawerita.

Matsiɨkɨtɨ kemɨratɨa 20:11

Hikɨ 'uweni mɨtuxa mɨmariwe nekaniuxeiya, xewitɨ mɨkɨtsie makatei. Hɨxiena kwie meta muyuawi naitɨ kaniyupataxɨani mana memɨkatitenikɨ, huyeri pukumawerixɨa.

Kura 1:13

Mematsiɨkɨtɨ mepayuyeitɨwa kememɨteyurie meyutewiyatsitɨatɨ, yaxeikɨa hamewari mayu'eriya mɨkwaimuxa matsiɨkɨme kemɨrayuyeitɨwa haramaratsie. Xurawetsixi memeuyexɨrɨwe wahepaɨ mekani'aneneni, yɨriya kwi mɨyɨwi kaniu'ɨwiyarieni wahetsiemieme yuheyemekɨ.

Hepɨrayutsixi 10:29

¿Kexeteku'eriwa, matsi yemekɨ hetsiena katinake mu'uximatɨarienikɨ, kemɨ'ane Kakaɨyari nu'aya mɨnanaima, kemɨ'ane tsewiximariekame mɨ'erie mɨkɨ xuriyaya tɨratu mutatseiriyarie kɨmana, mɨpatsie kɨmana, kemɨ'ane mitawe'erie 'Iyari 'aixɨa mɨtatipitɨa?

Titu 2:13

meta temikwewiekakɨ kemɨ'ane yemekɨ mɨtatsitemawieritɨani. Hikɨ tepikwewie, matsiɨkɨtɨ mayanikɨ witsi'anetɨ kemɨ'ane Kakaɨyari mɨhɨkɨ mɨmariwe tatsiwikweitsitɨwame Kɨritsitu Ketsutsi hɨkɨtɨtɨ.

Nɨawari 51:11

Pepɨkanetsikupatani 'ahetsɨa nemuyeikanikɨ, 'a'iyari mɨtiyupata pepɨkanetsikunawairiwani.

Matsiɨkɨtɨ kemɨratɨa 22:15

Peru Kiekari warie tsɨikɨri mekaniu'uwakuni, mɨkɨ memɨteyukewaiya, mɨkawa'ɨya mɨkawakɨna memɨwakumaɨwa, memɨteyumemiwa, tetexi memɨwarayexeiya, meta naitɨ mɨtiwanake, meta memɨte'itawa.

2 Pekuru 2:17

Mɨkɨtɨtɨ haixa hepaɨ mekani'aneneni peru memayewawaki, 'aɨxi hepaɨ mekani'aneneni teɨkakɨ mu'eketɨka hepaɨ. Yɨriya kwi mɨyɨwi wahetsiemieme kani'ɨwiyariekamɨkɨ.

1 Tetsarunikatari 5:3

Kepauka mɨpaɨ memutiyuaneni: «Kayuwatɨ tepexeiya, tepɨkakweriwa'a», 'ana mekanika'unariekuni, yapauka pɨwa'axe 'uka mɨtiniwerɨme kwiniyaya mi'axe hepaɨ. Mepɨkatawikweni.

Wani 5:14

Hikɨ 'arikeke Ketsutsi kanitaxeiya tuki kuraruyarita, mɨpaɨ katinitahɨawe: —Kamɨ, 'aixɨa pereu'erietɨ pekanayaniri. Tawariri 'axapepɨkareyurieneni kapa waɨkawa pe'u'itɨarienikɨ matsi.

Mateu 26:24

Yuri Tewi kenemɨtitewa, nepɨyemie nemɨmierienikɨ kemɨre'uxa nehepaɨtsita, perutsɨ xɨa'ui kemɨ'ane mɨnetsiyetuani Yuri Tewi nehɨkɨtɨme. Matsi 'aixɨa kani'anenikeyu xɨka ka'utinuiwake mɨkɨ tewi.

Mateu 24:30

»'Ana matsiɨkɨtɨ kanayeimɨkɨ Yuri Tewi 'inɨarieya taheima, 'ana yunaitɨ nuiwarite kwiepa memɨtama mekaniyutihiweriekuni. Mekanixeiyakuni Yuri Tewi muyuawitsie haitsata 'akamiekame tɨrɨkariya hexeiyakame meta waɨkawa xawatɨme.

Nɨawari 16:11

Pepɨnetsi'uxeitsitɨa huye tukari nemexeiyanikɨ, waɨkawa pepɨnetsihetemawieritɨani kepauka 'ahɨxie nemeta'ani, 'atserieta meta yuheyemekɨ yanepɨreyutemawieka.

Kuwi 22:17

Kakaɨyari mɨpaɨ mekateniutahɨawe: “Kayuwatɨ ketaneuhayewa. ¿Kekuta 'ekɨ petatsiyurieni, Naimekɨpemɨtɨrɨkaɨye?”

Kuwi 21:14

Kakaɨyari mɨpaɨ mekatenikɨhɨaweni: “Kayuwatɨ ketaneuhayewa. Kemɨmatinake yatemɨtekahunikɨ tepɨkaheumaiku.

Hutarieka 'inɨari 33:2

«Yawé Tsinahi heyeyaka kaninuani: Yuteɨterima wahetsie punua, tau 'ɨrɨya hepaɨ 'anetɨ Tsehixi kwieyaritsie, puhekɨarixɨ Parani hɨriyaritsie paitɨ, meta kaninuani Meriwa-Karetsi yutserie tau 'ɨrɨya hexeiyatɨ.

Kitsariyaxi 1:28

Peru kemɨ'ane memɨkayuwaɨriya meta 'axamemɨteyurie mekanikumaweriyariekuni, meta mekanikwikuni kemɨ'ane Yawé memuku'eirieni.