2 Pekuru 3:9 - Kakaɨyari Niukieya

⁹ Ti'aitame 'ereutewitɨ pɨkayɨane yuniuki hepaɨtsita kemutayɨ kename mɨpaɨ tiyurieni, tsepa hipatɨ kaheye'atɨaweme memɨ'erie. Matsi pɨkawaɨripie 'emɨreuterekɨ xekwewietɨ xeme, yapɨkara'eriwa nixewitɨ tɨma mɨtatɨmaiyarienikɨ, matsi pɨyuwaɨriya yunaitɨ memaye'axɨanikɨ para memɨtehayewanikɨ kememɨteyuriekai.

2 Pekuru 3:9 ပူးပေါင်းရင်းမြစ်များ

1 Timuteu 2:4

Mɨpaɨ pɨtinake yunaitɨ teɨteri memɨtawikweitsitɨarienikɨ meta tita yuri mɨraine metemaitɨ memakɨnekɨ.

Xumatari 2:4

¿Kauka pe'ixani'erie kwini mieme 'aixɨa kemɨtiuka'iyari, kemɨtita'ikwewa, kemɨkatiyumexɨitɨa. Kauka 'atsipekatimate Kakaɨyari 'aixɨa mɨtiuka'iyarikɨ para pemɨtihayewanikɨ kepemɨtiyuriene?

'Awakuki 2:3

Karikɨ kepemɨtiunierixɨ yakatiniyɨmɨkɨ yemekɨ kepauka tukaritsie yamɨtiyɨnikekai, tukari kaniyemieni maye'anikɨ, mɨkɨ tukari pɨkahayewarieni mɨka'aye'anikɨ. Tsepanetɨ 'amɨreɨtewini yakatiyɨwetɨ, keneta'ikwewani, mɨkɨ tukari kanaye'amɨkɨ kahauyewekamekɨ.

Nɨawari 86:15

'Ekɨ peru, Ti'aitame, Kakaɨyari pepɨtiuyukakwewimɨkɨ petiuyukanenimayatɨ, pepɨkahayu'eriya, waɨkawa peti'akanaki'erietɨ meta yuri pehaitɨ.

Kitsariyaxi 30:18

'Ayumieme Yawé kanixekwewieka, mɨxeparewienikɨ, 'ayumieme kanixehahɨaweni kemɨtixenenimaya xemeitimanikɨ. Yawé Kakaɨyari heitserie mɨtiyurienekɨ. 'Aixɨa meke'itɨarieka kemɨ'ane hetsiena timieme memɨtetakwewie.

Matsiɨkɨtɨ kemɨratɨa 2:21

Ne tukari nepipitɨa mɨtihayewanikɨ kemɨtiyuriene, peru pɨkayuwaɨriya mɨtihayewakɨ wakumaɨwatɨ memɨkayɨkɨnama.

2 Pekuru 3:15

Yatepɨtemaika Tati'aitɨwame kawaɨripietɨ kemɨtiwatawikwetsitɨamɨkɨ, meta ta'iwa Papuru teminaki'erie yaxeikɨa 'utaitɨ katinixe'uta'utɨirieni, timaiwetɨ Kakaɨyari kemɨtipitɨa.

1 Timuteu 1:16

Peru 'ayumieme neputinenimayatsie, Ketsutsi Kɨritsitu matsi waɨkawamekɨ matsiɨkɨme mayeitɨanikɨ nehetsie, naimekɨ kemɨreuteriwe tiuka'eniwatɨ, 'inɨari nemayanikɨ mexɨakame nehɨkɨtɨtɨ, memɨnetsiha'eriwanikɨ mɨkɨ 'arike hetsiena yuri memɨteta'erieni yuheyemekɨ tukari mɨkaxɨwe memexeiyanikɨ.

Hepɨrayutsixi 10:37

'Etsiwa yareutewikaku 'akuxi, «kemɨ'ane 'umamie kaninuamɨkɨ, 'epɨkareutere.

Memeyekɨ 34:6

hɨxiena 'uyemietɨ mɨpaɨ kaniutayɨni: —Yawé, Yawé, Kakaɨyari 'aixɨa mɨtiuka'iyari, nepɨkayumexɨitɨa nemɨyeha'anikɨ, pɨmariwe nenaki'eriya, ne'iyarikɨ 'aixɨa nepɨtiuka'iyari,

Xumatari 9:22

Yaxeikɨatatsiere, Kakaɨyari matsiɨkɨme 'ayeitɨamɨtɨ kemɨtiha'a, meta tihekɨatamɨtɨ kemɨtitɨrɨkaɨyekɨ, pɨtiunewi waɨkawa tiuka'eniwatɨ mɨhekarienikɨ mɨ'ayumiemetɨkai hetsiemieme meta mɨka'unarienikɨ mɨha'aritsiekai hetsiemieme.

Kitsariyaxi 46:13

Tita mɨtiheitserie nehetsɨa mieme pɨkaheteewa, newikweitsitɨarika kwitɨwari paye'ani pɨkareutere. 'Ari nekani'atɨamɨkɨ. Tsiyuni wikweitsitɨarika nekanipitɨamɨkɨ, meta 'Ixaheri kenemɨtimariwe nepɨxeitsitɨani.

Memeyekɨ 18:23

Xɨka mɨpaɨ petikamieni, Kakaɨyari kemɨmati'aitɨa, kwitɨwa 'aixɨa pɨtikuyɨneni meta teɨteri 'aixɨa 'anemekɨ meyutemamawietɨ mepekɨkani yukie.

1 Pekuru 3:20

Mɨkɨ meripai mepɨkayuwaɨriyakai yamemɨtekahunikɨ kepauka Kakaɨyari mɨta'ikwewakai tiuka'eniwatɨ 'ana Nuhexi 'amuyeikakaitsie, mexi'akuxi kanuwa 'amɨpa wewiekai. Mɨkɨtsie meyetetɨ meyu'atahaikatɨ meputawikwei memutihautsie.

Memeyekɨ 32:32

Peru, nepɨmatsiwawirie wahetsiemieme pemɨtiwareuyehɨwirienikɨ 'axakememɨte'uyuri. Peru xɨka 'ekɨ pekatiwareuyehɨwirieni, neta kenenakayeitɨa 'axapatsie pemɨraka'utuatsie.

Memeyekɨ 33:11

Yawé pɨtiutixaxatakai Muitsexi hamatɨa yuhɨxie me'utinenieretɨ, xewitɨ yuhamiku hamatɨa mɨtikuxatani hepaɨ. Metetixatameri Muitsexi kanewayeyeikakaitɨni, 'iwamama memakuteitsie kani'axekaitɨni, perutsɨ temaikɨ Kutsuhexi 'iparewiwameya 'ixuriki kiiyari tixaxatame muwa pɨkawayeyeikakai pɨka'iku'e'eiriwakai.

Nɨawari 77:8

¿Kamɨtsɨ naitɨ tiuyɨ naki'eriyaya mɨkaxɨwekai, meta naimekɨ kemɨtarahɨawekai yuheyemekɨ?

Ti'ɨkitame 8:11

Kepauka xeiya mɨkataxanetsieni xɨka 'axatiuyurieni, 'ana teɨteri yu'iyaritsie 'axameteyurietɨ mekanakɨnikuni.

'Etsekieri 33:11

Mɨpaɨ ketiniwarutahɨawi: “Yawé naimekɨmɨyɨwe mɨpaɨ kanaineni: Ne yurikɨ mɨpaɨ nekanaineni, nepɨkanetemawie 'axatiyuruwame mɨmɨnikɨ, matsi 'axatiyurienetɨ ketiuhayewa meta 'ake'uyeikani. 'Ayumieme xeketeneuhayewa, 'ixaheritsixi teɨteriyari, xeketeneuhayewa 'axaxeteyurietɨ. ¿Titayari xetetakukuweni?”

Tanieri 4:29

'Arike tamamata heimana huta metseri 'anukayaku, yuparatsiyu 'amupa heima mexi 'uyeikakai Wawiruniyatsie,

Xumatari 13:11

Mɨkɨ meta, xekanimaikari 'ikɨ tukari. Hikɨrixɨa kanaye'aniri xemanutanenierekɨ xekutsutɨ. Hikɨ kanehuraniri temɨtawikweitsitɨarieni, kepauka yuri temɨte'uta'eri pɨkahehurakai hikɨ hepaɨ.

Xumatari 13:12

Tɨkari pɨtixɨxime, tukari kanehuraniri. Hikɨ 'ayumieme teke'iku'eirieni tita teɨteri memɨteyurie yɨwipa timieme. Kuya kemarieya teke'anakatɨkɨni hekɨaripa mieme.

2 Pekuru 1:4

Mɨpaɨ mɨ'anekɨ 'iya pɨtatsi'umi tita mɨtatiutahɨawixɨ temeixeiyanikɨ kwini mieme raye'arɨkame mariweme, mɨpaɨ pɨtatiumi, mɨkɨkɨ hamatɨana xemɨyutaxewirekɨ kemɨti'ane Kakaɨyaritɨtɨ, kepauka xemɨtawikweni kapa xetsewiximariekakɨ, kwiepa memɨtama kememɨteyutsewixima memɨte'ukaheiwe'eriekɨ.