2 Pekuru 2:9 - Kakaɨyari Niukieya

⁹ Kaniyɨweni Ti'aitame mɨwatawikweitsitɨanikɨ mɨkɨ Kakaɨyari memayexeiya kepauka memɨta'inɨatsieni, pɨyɨweta mɨkɨ heitseriemekɨ yamemɨkatekahu mɨwata'ɨwiyakɨ wa'uximatɨatɨ, 'itsɨkame 'arike mɨwata'iwawiyakɨ.

2 Pekuru 2:9 ပူးပေါင်းရင်းမြစ်များ

1 Kurinitutari 10:13

Teɨteri kememɨte'inɨatsie xeikɨa xekateni'inɨatsieka xeme. Kakaɨyari matsi yakatinikamieni kemaine. Mɨkɨ pɨkaxepitɨani xemɨ'inɨatsiekakɨ kexemɨkateyɨwawe. Xe'inɨatsiekaku matsi kanixepitɨamɨkɨta kexemɨtewikwekakɨ, xepitɨatɨ xemɨyɨwawenikɨ xete'uka'eniwatɨ.

Matsiɨkɨtɨ kemɨratɨa 3:10

Neniukitsie yapemɨtikatɨakɨ petiuka'eniwatɨ nehepaɨ, neta nepɨmatsi'ɨwiyani kepauka tukari maye'ani kwiepa naitsarie, kepauka kwiepa memɨtama memɨ'inɨatsieni.

2 Timuteu 3:12

Metatsiere mekanitaweiyariexɨakuni yunaitɨ memɨyuwaɨriya Kakaɨyari me'ayexeiyatɨ memu'uwanikɨ Kɨritsitu Ketsutsi hetsie metewiyatɨ.

2 Pekuru 3:7

Mɨkɨ mɨpaɨ mutayɨkɨ, hikɨ mieme muyuawi meta kwie kani'ɨwiyarieka mɨtataiyarienikɨ, tukari 'aye'ayu kepauka teɨteri memɨkaheyexeiya Kakaɨyari memɨta'iwawiyarieni memɨtatɨmaiyarieni.

Temaiwawemete 16:4

Yawé naime kemɨtiyuriene yatimaitɨ pɨtiyuriene, meta 'axatiyuruwame putawewi 'imatɨrieka tukaritsie mutika'eniexɨanikɨ.

Kuwi 5:19

Kamaniparewiemɨkɨ 'ataxewimexɨa pe'uximatɨariekaku, meta 'atahutarieka 'axapepɨkaranuyeyani.

Titu 2:14

Mɨkɨ kaniyuyetuani tahetsiemieme, mɨtatsixɨnakɨ 'inɨari temeutitsanaxɨaku, meta mɨtatsi'itienikɨ yuhetsiemieme teɨterimama temanayexeiyarie temakɨnekɨ, tetawaɨriyatɨ 'aixɨa temɨteyuriekakɨ.

2 Pekuru 2:4

Kamɨtsɨ, Kakaɨyari pɨkatiwareuyehɨwiri niuki tuayamete taheima miemete 'axamemɨte'uyurikɨ, matsi pɨwayetua 'uximatɨarika mɨwaxuawetsie, meukatewatsie mɨwatiyɨwitsie kaniwareukaxɨrieni mexi'akuxi kawatahɨawiwe 'itsɨkame.

Xumatari 2:5

'Ekɨtsɨ 'a'iyari mɨtse'ikɨ pemɨka'awaɨriyakɨ pemɨtihayewanikɨ kepemɨtiyuriene, 'ahetsiemieme haxɨa pepu'utane, 'iya tukaritsieke kepauka pemɨyehekarienitsie, kepauka matsiɨkɨtɨ mayani heitseriemekɨ kemɨtiwaranutaxɨrɨwa Kakaɨyari.

Nɨawari 4:3

Mɨpaɨ xeketenemaika, Yawé kemɨ'ane 'aixɨa mɨtiyuriene kaninaki'erieka. Yawé kaneni'enieka kepauka nemehɨawe.

Nɨawari 32:6

'Ayumieme 'ahetsiemieme 'aixɨa memɨteyurie mepɨmatsihahɨawe, kepauka memu'uximatɨarie, tsepa haa 'amuparixɨ mɨkɨ wahetsɨa pɨkaheuti'ani.

Kuwi 21:30

'Axamɨtiwayurie tukariyaritsie, 'axamɨtiuka'iyari puyutawikweitsitɨwa, kepauka haxɨa tukariyari maye'anitsie putawikweitsitɨariwa,

Nɨawari 12:1

Yawé ketaneutawikweitsitɨa, teɨteri 'aixɨa memɨtekahu mepumaweri, mepumaweri 'ena kwiepa teɨteri heitseriemekɨ memu'uwa.

Nɨawari 37:33

Peru Yawé pɨkawapitɨani yamemɨwayurienikɨ, meta yapɨkaretanaki'erieni memanutaxɨriyanitsie.

Temaiwawemete 12:13

Kemɨ'ane mɨti'itawa yuniukikɨ pɨyutahɨani, matsi heitseriemekɨ yamɨtikamie 'uximatɨarikatsata panukukeka.

Mateu 6:13

Pepɨkatatsipitɨaka temɨta'inɨatsienikɨ, matsi ketaneutawikweitsitɨa 'axatemɨka'itɨarienikɨ. 'Ekɨtsɨ 'aheyemekɨ pekatini'aitametɨni pekanitɨrɨkaɨyeni witsipekani'aneni 'aheyemekɨ. Mɨpaɨ xeikɨa kani'aneni”.

Mateu 10:15

Yurikɨ mɨpaɨ nepɨxerahɨawe, tukari 'aye'ayu kepauka 'itsɨkame mɨwatahɨawe, Tsurumatari meta Kumuxatari 'etsiwa xeikɨa mekatenikwinitɨariekuni, peru mana kiekatari waɨkawa matsi mekatenikwinitɨariekuni.

Kura 1:6

Niuki tuayamete memɨkayɨ'ɨwiyakai kememɨtehɨritɨariekai, matsi yukie memuku'eiri, mɨkɨ Kakaɨyari kaniwaranutaxɨrieni yuheyemekɨ yɨriyatsie memɨtaxanetsienikɨ tukari mɨmariwe 'aye'ayu.

1 Tsamuheri 29:10

Hikɨ 'uxa'a ximeripai 'ekɨ meta mati'aitɨwame te'uximayatsiriwamete 'ahamatɨa memeyekɨ, 'amɨtikahekɨare xekaniyehuni.