2 Pekuru 2:8 - Kakaɨyari Niukieya

⁸ Mɨkɨ heitseriemekɨ yakatinikamiekaitɨni, peru kemɨtinierekai kemɨti'enakai mexi watsata 'ayekatei, tukarikɨ yu'iyaritsie pɨ'uximatɨariekai waxeiyatɨ kememɨteyuriekai 'inɨari memɨtitsanakaikɨ.

2 Pekuru 2:8 ပူးပေါင်းရင်းမြစ်များ

Nɨawari 119:158

Kepauka memɨteyukwamana nemɨwakuxexeiya nepekahayamɨkatɨyeika, 'aniuki memɨkahaye'atɨakɨ.

'Etsekieri 9:4

mɨpaɨ katinitahɨawe: «Kerutsareme kiekariyari kenayekexiya, wakanata keniwaru'inɨaritɨa kemɨ'ane memutitsuana, memeyuhiwerie naime 'ena 'axamɨtiyɨanekɨ 'ikɨ kiekaritsie».

Nɨawari 119:136

Haa hepaɨ ne'ukai pɨtiuhapane, 'a'aitsika mɨka'aye'atɨariwakɨ.

Temaiwawemete 25:26

Haixa muwaikarie meta haa putsuta mieme mu'uayemarie, hepaɨ kaniyɨmɨkɨ tewi heitseriemekɨ 'amuyeika kepauka 'axamɨtiuka'iyari mitaweranariyatsie.

Tsatiyaku 5:16

'Ayumieme hipatɨ mexe'eniekaku xekeneyuhekɨatani xɨka 'axaxete'uyurieni, xemɨyunenewiekakɨ yuxexuitɨ yuhetsiemieme yunaitɨ, mɨpaɨ 'aixɨa xeteheu'erietɨ xemakɨnekɨ. Kemɨ'ane heitseriemekɨ yamɨtikamie, mɨkɨ nenewierieya waɨkawa katinikemaka meta kani'enierieka.

1 Timuteu 1:9

Mɨpaɨ timaitɨ, 'inɨari pɨkaheuyewetse xɨka tewi heitseriemekɨ yatikamieni hetsiena, mɨkɨ 'inɨari memɨtitsana wahepaɨtsita pɨta pɨkuxaxatsiwa, mɨkɨ memɨka'enana wahepaɨtsita meta mɨkɨ Kakaɨyari memɨka'ayexeiya 'axamemɨteyurie wahepaɨtsita, mɨkɨ 'axamemɨ'anene Kakaɨyari memɨxani'erie wahepaɨtsita, mɨkɨ memɨwakuya yupaapama meta memɨteyumemiwa wahepaɨtsita,

Temaiwawemete 28:12

Kepauka heitseriemekɨ yamemɨtekahu memɨtehayu'iwa kanimariweni wa'ixɨarari meta watemawierika, matsi kepauka yamemɨkatekahu memɨtehayu'iwa yunaitɨ teɨteri mekaniyuti'awiwietani.

Nɨawari 119:139

Ne'ɨtetsatɨ nepɨha'a, memɨnetsi'aye'unie 'aniuki memɨka'eniekɨ.

'Etsekieri 9:6

'Ukirawetsixi xekeniwarukuya meta temari, 'ɨimarixi, tɨɨri meta 'ukarawetsixi, tukita xeketeneukatsutɨa, nixeimetɨma xepɨkahekuhayeikawani 'ayeniereme. Peru kemɨ'ane 'inɨari memexeiyani mɨkɨ xepɨkawarekwika». Hikɨ mɨkɨ mekanitsutɨani mewakwitɨ 'ukirawetsixi tuki hɨxie memɨtitekai.

Tsutɨarika 13:13

Teɨteri Tsuruma kiekatari 'axamekateniu'iyarikaitɨni, Yawé hepaɨtsita waɨkawa 'axamɨti'ane mekateniyuriekaitɨni.

Hepɨrayutsixi 11:4

Yuri mɨti'eriekaikɨ 'Aweri mawari 'aixɨa mɨ'ane Kakaɨyari puxatɨa, Kaini mawarieya 'aixɨa ka'anekaku hepaɨna, mɨpaɨ mɨtiutimawaxɨkɨ putahekɨatsie kename heitserie hexeiyakai, Kakaɨyari mɨpaɨ tihekɨatakaku 'imikierieya hepaɨtsita. 'Ayumieme tsepa mɨmɨki, 'inɨarieya pɨtikuxata 'akuxi.